FILIPI 1:8 - KITTA KAREBA MADECENG

⁸ Naisseng Allataala makkedaé muddani senna'ka lao ri iko sibawa pappénedding sipammasé-masé polé ri aléna Kristus Yésus.

FILIPI 1:8 ပူးပေါင်းရင်းမြစ်များ

AYUB 16:19

Uwisseng makkedaé Pangéwangekku engkai ri surugai; mabbéréi asabbiyang makkedaé dé' umadosa.

YESAYA 16:11

Kelli atikku sibawa ancuru mitai keadaanna Moab sibawa Kir-Héres.

YESAYA 63:15

Oh Puwang, itaki polé ri surugaé, polé ri onrom-Mu iya mapaccingngé sibawa malebbié. Kégani pammasé-Mu sibawa aporéngem-Mu? Kégani pammasé-Mu sibawa paressé babuwamu? Aja' mutahangngi iyaro polé ri idi.

YEREMIA 31:20

Israél, iko ana' uwélorik-Ku, ana' upojiyé, buwa atik-Ku. Sises-siseng Uwancakko tuli Uwéngngerakko sibawa muddani. Ugaukekko matu sibawa penno paressé babuwa.

LUKAS 1:78

Masémpo atiwi Puwatta namakacuwa; poléi untu' passalama'ki. Pada-pada mata essoé mompoé ri éléé.

ROMA 1:9

Tuli uwéngngerakko rékko massempajakka. Allataala sabbinna makkedaé aga iyaro upowadaé tongengngi. Aléna Allataala iya utumaningiyé sissukku atikku ri laleng mabbirittangngi Karéba Madécéngngé passalenna Ana'-Na.

ROMA 9:1

Aga iya maéloé upowadaé iyanaritu tongeng nasaba iyya appunnangennaka Kristus. Dé' uwabbellé. Ati marilalekku iya napimpingngé Rohna Allataala, patepperi tokka makkedaé tongengngi iyaé ada-adakku.

2 KORINTUS 13:9

Masenna'ki rékko malemmaki, na iko mawatang. Massempajang tokki kuwammengngi namancaji sukkuko.

2 KORINTUS 6:12

Dé' naritongko atié lao ri iko, banna iko ritu tongkoi atimmu lao ri idi.

2 KORINTUS 7:15

Makkekkuwangngé pédé' namaséiko, saba' naéngngerangngi pékkugiko iya manenna maélo turusiwi pappimpinna sibawa pékkugiko tarimai sibawa pakarajai enrengngé mapatoiwi.

GALATIA 1:20

Aga iya uwokiéwé tongeng. Naisseng Allataala sibawa dé' uwabbellé.

GALATIA 3:26

Nasaba mateppe'ko ri Kristus Yésus, namumasséddi sibawa aléna; narimakkuwannanaro mancajiko ana'-ana'na Allataala.

GALATIA 4:19

Ana'-ana'ku iya riyamaséiyé! Makkekkuwangngéwé manrasa-rasasika nasaba iko. Manrasa-rasaka pada-pada makkunrai mapeddié wettunna jajiyang ana'. Maéloka matteru-teru manrasa-rasa, rékko sipa'-sipa'na Kristus dé'pa natattaneng ri alému!

FILIPI 2:1

Mawatakko, nasaba masséddiko sibawa Kristus. Sibawa tassaléwoko nasaba Kristus mamaséiko! Ripimpikko Saudara ri Rohna Allataala, nasipammasé-masé tokko enrengngé mappunnaiwi paressé babuwa séddié lao ri laingngé.

FILIPI 2:26

Muddani senna'i lao ri Saudara maneng, sibawa maséssai nasaba lolongemmu karéba makkedaé malasai.

FILIPI 4:1

Rimakkuwannanaro, Saudara-saudaraku iya uwéloriyé, makkuwaniro sitinajammu tuwo sibawa mattonget-tongeng mateppe' lao ri Puwangngé. Muddaniwi atikku ri iko! Iko ritu uwattuwang mébbuka marennu.

KOLOSE 2:1

Macinnaka muwissengngi pékkugi serona méwaka ri laleng batékku untu' iko sibawa untu' mennang iya engkaé ri Laodikia enrengngé sininna iya dé'é naissekka secara paribadi.

KOLOSE 3:12

Saudara iyanaritu umma'na Allataala, Allataala mamaséiko sibawa piléko untu' mancaji appunnangen-Na iya napallaingngé. Iyanaro saba'na na harusu'ko mappaitangngi paressé babuwaé, harusu'ko makessing ati, pakariyawai atimmu, malemma kininnawa, sibawa tahang manrasa-rasa.

1 TESALONIKA 2:5

Alému missengngi makkedaé dé' taengka tamacenning tému iyaré'ga bengnguwakko untu' subbui akkatta-akkatta mangowaé. Allataala sabbinna!

1 TESALONIKA 2:8

Nasaba paressé babuwata, sadiyaki mpérékko tenniya bawang Karéba Madécéng iya polé ri Allataalaro, iyakiya atuwottato. Saba' mamasé senna'ki ri iko!

2 TIMOTIUS 1:4

Uwéngngerangngi amessénna atimmu. Iyanaro saba'na naumacinna senna' siruntu sibawa iko kuwammengngi tonget-tongekka wedding marennu.

FILEMON 1:12

Makkekkuwangngé iyaro tau uwamaséiyé ukiringngi lisu ri iko.

FILEMON 1:20

Rimakkuwannanaro, nasabbing Puwangngé, coba tulukka; pérennuiwi atikku selaku pada-padatta Saudara ri laleng Kristus.

1 YOHANES 3:17

Séddié tau iya agennekengngé mitai saudarana akurangeng, iyakiya dé' namaélo tulungngi saudaranaro, pékkugi iyaro tauwé mulléi makkeda makkedaé namaséiwi Allataala?