FILIPI 1:6 - KITTA KAREBA MADECENG

⁶ Allataala muto pura pammulaiwi jama-jamang iya makessingngéro ri iko, namateppe'ka napatterui matu iyaro jama-jamangngé narapi tépu ri Essona Kristus Yésus polé paimeng.

FILIPI 1:6 ပူးပေါင်းရင်းမြစ်များ

MAZMUR 138:8

Mupennoiwi matu jancim-Mu lao ri iyya; aja' muwappésau tinda untu' umma'-Mu.

YOHANES 6:29

Nappébali Yésus, “Iyanaé naélori Allataala polé ri iko: Ateppe'ko lao ri iya nasuroé Allataala.”

RIWAYA'NA RASUL-RASUL-E 11:18

Naéngkalinganaro, dé'na nabbantana mennang. Napojini Allataala. Makkedani mennang, “Rékko makkuwaitu, muwi sining tau tenniyaé Yahudi riwérétto kasempatang ri Allataala untu' toba' polé ri dosa-dosana sibawa nennun-nennungngi atuwong tongengngé!”

RIWAYA'NA RASUL-RASUL-E 16:14

Séddi polé ri yelle'na mennang iyanaritu padangkang kaing lango-lango, asenna Lidia sibawa assalenna poléi ri Tiatira. Namaséiwi Allataala, naripakédona atinna ri Puwangngé kuwammengngi natarimai aga nappagguruwang Paulus lao ri aléna.

1 KORINTUS 1:8

Aléna matu Kristus tanggukko lettu ri accappurenna; kuwammengngi ri wettunna polé paimeng, ripoléiko matu temmakkécella.

2 KORINTUS 1:15

Nasaba atepperengngéro, mula-mulanna urancanai untu' célléngiko kuwammengngi mulolongeng barakka leppe' wékkaduwa.

2 KORINTUS 2:3

Iyanaro saba'na uwokii iyaro sure'é lao ri iko. Dé' umaélo célléngiko, nainappa mupamesséika. Padahal iko sitongenna harusu' pérennuika. Saba' mateppe'ka makkedaé rékko marennuka, Saudara tentu marennu maneng towi.

2 KORINTUS 7:16

Masennang senna'ka, nasaba weddikko riyatepperi risininna gau'é.

2 KORINTUS 9:4

Bata-bataka rékko engka tau Makedonia iya maccowéé sibawakka matti ri wettukku lao ri iko. Narékko nalolongengngi mennang makkedaé dé'pa musadiya, temmaka sirita matti, nasaba purai napowada makkedaé mateppe' senna'ki lao ri iko! Na alému muto masirito matu.

GALATIA 5:10

Namuni makkuwaro mateppe' mupa makkedaé dé' matu muwaccowériwi attangenna tau laingngé, saba' masséddiki sibawa Kristus. Namateppe'ka makkedaé muwi niga pakacauwi pikkirammu, rihukkungngi matu ri Allataala.

EFESUS 4:12

Napogau'i iyaé kuwammengngi umma'na Allataala ripassakke tongengngi kuwammengngi naulléi tumaningi Puwangngé sibawa patettongngi tubunna Kristus.

FILIPI 1:10

Rimakkuwannanaro muwissengngi piléi iya kaminang makessingngé, namapaccing matu atuwommu polé ri paccallangngé iyaré'ga muwi pattenre aga ri Essona Kristus polé paimeng.

FILIPI 1:29

Saba' Allataala pura mabbéré pammasé lao ri iko tenniya banna untu' mateppe' lao ri Kristus, iyakiya manrasa-rasato nasaba Kristus.

FILIPI 2:12

Rimakkuwannanaro, Saudara-saudara iya upojiyé, pékkugiko tuli matinulu lao ri iyya wettukku engka ri tengnga-tengngamu, na lebbi-lebbipi makkekkuwangngé ri wettu sibélangngé, sitinajako matinulu lao ri iyya. Purani ripassalama'ko ri Allataala rimakkuwannanaro akkuragano matteru kuwammengngi namancaji sukku asalamakemmu. Pogau'i iyaro sibawa mappakaraja enrengngé mapato lao ri Allataala,

FILIPI 2:13

nasaba Allataala muto ritu iya majjamaé ri laleng alému untu' mébbuko réla sibawa mulléi pésennangiwi atinna Allataala.

KOLOSE 2:12

Saba' wettunna ricemméko, rikuburu'ko silaong Kristus; nasibawang iyaro acemméngngétto, maccowé tokko ripatuwo paimeng silaong Kristus nasaba mateppe'ko ri akuwasanna Allataala iya puraé patuwoi Kristus polé ri amaténgngé.

2 TESALONIKA 1:11

Iyanaro saba'na na idi tuli massempajangekko. Massempajakki kuwammengngi Allataala pancajiko sitinaja untu' tuwo situru élo-Na, untu' iyanaro mobbiko. Tennapodo Allataala, nasibawang akuwasan-Na, pennoiwi cinna-Na untu' pogau'i madécéngngé, sibawa passukkui sininna jama-jamang iya mupogau'é nasaba mateppe'ko lao ri Kristus.

2 TESALONIKA 3:4

Nasukkuki mateppe' lao ri Puwangngé passalemmu, makkedaé mattengngakko pogau'i sibawa matteru matu pogau'i aga iya riyappétangngarengngé lao ri iko.

FILEMON 1:21

Uwokii iyaé sure'é nasaba teppe' makkedaé Saudara maélo pogau'i aga iya uwéllauwé. Mala uwisseng Saudara maéloi pogau'i lebbi na iyaro.

IBRANI 10:35

Rimakkuwannanaro, aja' mupettu paddennuwang, saba' rékko tette'ko mateppe' engka saro battowa untu'mu!

IBRANI 12:2

Sitinajai pakkitatta mattuju lao ri Yésus, saba' Aléna ritu iya paoto'éngngi teppe'ta sibawa piyarai polé ri pammulanna lettu ri paccappurenna. Tahangngi Yésus manrasa-rasa ri aju sallié! Dé' Napaduliwi makkedaé maté ri aju salliéro iyanaritu séuwa gau' iya mappakasiri-sirié. Banna maréngngerangngi lao ri arennuwang iya Napérasaiyé matu ri munri. Makkekkuwangngé tudanni ri seddé ataunna akkarungenna Allataala, enrengngé mapparéntai silaong Aléna.

1 PETRUS 5:10

Iyakiya puramuna manrasa-rasa cinampe', aléna Allataala mébbuko matu mancaji sukku. Napatettokko matu sibawa napéwatangiko enrengngé napakkasse'ko. Saba' Aléna iyanaritu Allataala iya makessing ati senna'é, iya puraé mobbiko untu' turu' pérasaiwi arajan-Na iya mannennungengngé naolai Kristus.

2 PETRUS 3:10

Iyakiya Esso apolénna Puwangngé poléi matu pada-pada pangaé. Iyaro Essoé, lennye'i matu langié sibawa oni memmu sibawa anu engkaé ri langié cappui matu ritunu, enrengngé linoé sibawa sininna iya engkaé ri lalenna lennye'i matu.