FILIPI 1:5 - KITTA KAREBA MADECENG

⁵ Mattarima kasi'ka lao ri Allataala nasaba sipongenna esso mammulangngé lettu makkekkuwangngé, puraka mubantu pallebbangngi Karéba Madécéng polé ri Allataala.

FILIPI 1:5 ပူးပေါင်းရင်းမြစ်များ

RIWAYA'NA RASUL-RASUL-E 2:42

Namatinuluna mennang magguru matteru ri rasul-rasul-é sibawa tuli silaongngi maddeppungeng. Sisamai mennang manré enrengngé massempajang massibawa.

ROMA 11:17

Sibagiyang polé ri takké-takkéna pong zaitungngé – iyanaritu sining tau Yahudié – purai rirette. Na ri onrong addettekengngéro ricangko'kangngi takké pong zaitun liyaé, iyanaritu Saudara-saudara tenniyaé Yahudi. Ricangko'kangngi Saudara kuwaro kuwammengngi napéneddingiwi Saudara sininna makessingngé polé ri atuwong atepperenna sining tau Yahudié.

ROMA 12:13

Tulungngi paggenne'i apparelluwanna sining tau Kristéng laingngé enrengngé tarimai Saudara-saudara siatepperengngé iya dé'é muwissengngi, sibawa ati masennang ri lalempolamu.

ROMA 15:26

Saba' jema'-jema'é ri Makedonia sibawa Akhaya nasitujuini untu' mabbéré sumbangeng lao ri Saudara-saudara iya kasiyasié ri yelle'na umma'na Allataala ri Yérusalém.

1 KORINTUS 1:9

Weddingngi Allataala riyatepperi tonget-tongeng. Aléna ritu Allataala iya puraé mobbiko untu' mancaji séddi sibawa Ana'-Na, iyanaritu Yésus Kristus, Puwatta.

2 KORINTUS 8:1

Saudara-saudara, macinnaki kuwammengngi muwisseng towi passalenna pékkugi kessinna Allataala lao ri jema'-jema'é ri Makedonia.

EFESUS 3:6

Iyaro rahasiyaé iyanaritu: Naolai Karéba Madécéngngéro, tau tenniyaé Yahudi maccowé towi napéneddingi barakka'-barakka'na Allataala iya riyolo banna untu' tau Yahudié. Sining tau tenniyaé Yahudi mancajiwi anggota polé ri tubu iya padaé, sibawa maccowé towi tarima aga iya najjanciyangngé Allataala naolai Kristus Yésus.

FILIPI 1:12

Uwéloriwi muwissengngi, makkedaé gau'-gau' iya puraé kajajiyang lao ri iyya mala nassabariwi maéga tau méngkalingai sibawa matepperiwi Karéba Madécéngngé.

FILIPI 1:16

Iyaé sining tauwé napogau'i nasaba namaséiwi Allataala sibawa iyya, saba' naissengngi makkedaé Allataala pura suroi untu' mappaitangngi Karéba Madécéng iya tongengngéro.

FILIPI 1:27

Iya pentingngé iyanaritu makkedaé tuwoko situru aga iya natuntu'é Karéba Madécéng passalenna iyaro Kristus. Rimakkuwannanaro, wedding mupaga siruntu'ka iko iyaré'ga dé', uwéngkalingai matu makkedaé masse'ko masséddi enrengngé massibawa méwa untu' banna séddi akkatta sibawa séddi pangéloreng; iyanaritu untu' ateppereng iya sicoco'é sibawa Karéba Madécéng polé ri Allataalaro.

FILIPI 1:7

Mémeng ri onronna mappunnaika pappénedding pada-padaéro lao ri iko saba' iya maneng Saudara tuli macawé'i ri atikku. Makkuwatoro nasaba maccowéko tarima silaong iyya, pammasé iya nawéréngngékka Allataala, muwi makkekkuwangngéwé ri laleng tarungkué iyaré'ga wettukku engka ri saliweng untu' méwaiwi sibawa mattahangengngi Karéba Madécéngngéro.

FILIPI 2:12

Rimakkuwannanaro, Saudara-saudara iya upojiyé, pékkugiko tuli matinulu lao ri iyya wettukku engka ri tengnga-tengngamu, na lebbi-lebbipi makkekkuwangngé ri wettu sibélangngé, sitinajako matinulu lao ri iyya. Purani ripassalama'ko ri Allataala rimakkuwannanaro akkuragano matteru kuwammengngi namancaji sukku asalamakemmu. Pogau'i iyaro sibawa mappakaraja enrengngé mapato lao ri Allataala,

FILIPI 2:22

Alémuna pura mitai buttinna makkedaé makkégunai Timotius. Majjama laddé'i silaong iyya untu' pallebbangngi Karéba Madécéng polé ri Allataala. Idi sipadduwa pada-padai ana'é sibawa ambo'é.

FILIPI 4:3

Lao ri sellaoku iya matinulué, uwéllau towi kuwammengngi Saudara bantuwi iya duwa makkunraiéro. Purani majjama senna' mennang sibawakka untu' mabbirittangngi Karéba Madécéng polé ri Allataala; pada-pada Klémén sibawa sininna tau laingngé iya majjamaé sibawakka. Aseng-ngasenna mennang engkai ri laleng Kitta'na Tau Tuwoé.

FILEMON 1:17

Rimakkuwannanaro, nasaba Saudara nangga'ka sellao pada-pada Kristéng, tarimani paimeng Onésimus pada-pada natarimaku Saudara.

IBRANI 3:14

Idi manengngé iyanaritu siperjuwangekki sibawa Kristus, assaleng lettu'ki ri paccappurenna makkatenning masse'i ateppereng iya riyappunnaiyé ri pammulanna.

2 PETRUS 1:1

Saudara-saudara iya tonget-tongengngé mateppe' pada-pada idi! Yésus Kristus, iyanaritu Allataala sibawa Arung Pappassalama'ta, nakkulléngiki mateppe' ri Aléna, nasaba napogau'i iya tongengngé. Iyaé sure'é poléi ri Simon Pétrus, séddiwi ata sibawa rasulna Yésus Kristus.

1 YOHANES 1:3

Aga iya puraé riita sibawa riyéngkalinga, iyanaro riyabbirittang lao ri iko, kuwammengngi musibawakki maccowé mattemmeriwi atuwongngé, masséddi sibawa Ambo'é kuwaéttopa Ana'na Yésus Kristus.

1 YOHANES 1:7

Iyakiya rékko tuwoki ri laleng tajangngé pada-pada Allataala engka ri laleng tajangngé, tentu tuwoki mareppé enrengngé sipammasé-masé séddié lao ri laingngé, sibawa darana Yésus, Ana'-Na, pépaccingiki polé ri sininna dosaé.