FILIPI 1:4 - KITTA KAREBA MADECENG

⁴ Sibawa sises-siseng uwassempajangeng manekko, massempajakka sibawa masennang ati.

FILIPI 1:4 ပူးပေါင်းရင်းမြစ်များ

MARKUS 5:5

Esso wenni lao tulili ri tampungngé sibawa ri bulu-bulué, nagora-gorato sibawa naloi watakkaléna sibawa batu.

LUKAS 15:10

Makkuwatoniro malaéka'na Allataala marennui rékko engka séddi tau maja toba' polé ri dosa-dosana. Ateppe'no!”

LUKAS 15:7

Nah, makkuwaniro ri surugaé, engka ariyo-riyong iya lebbi battowaé nasaba toba'na séddié tau madosa, naiya lao ri aséraé pulona aséra tau iya makessingngé dé'é naparellu toba'.”

ROMA 1:9

Tuli uwéngngerakko rékko massempajakka. Allataala sabbinna makkedaé aga iyaro upowadaé tongengngi. Aléna Allataala iya utumaningiyé sissukku atikku ri laleng mabbirittangngi Karéba Madécéngngé passalenna Ana'-Na.

FILIPI 2:2

Nah, cobani tonget-tongekko pésennangi atikku sibawa gau'-gau'éwé: Tuwono massiati sibawa pammasé padaé, pada pikkirang sibawa akkatta iya padaé.

FILIPI 3:18

Biyasana paissengiko, na makkekkuwangngé upakkolissi sibawa teri, makkedaé engka maéga tau iya atuwonnaé nasolangiwi bettuwanna amaténna Kristus ri sallié.

FILIPI 4:1

Rimakkuwannanaro, Saudara-saudaraku iya uwéloriyé, makkuwaniro sitinajammu tuwo sibawa mattonget-tongeng mateppe' lao ri Puwangngé. Muddaniwi atikku ri iko! Iko ritu uwattuwang mébbuka marennu.

KOLOSE 2:5

Nasaba muni mabélaka polé ri iko, angga'ka engka ri yelle'mu. Sibawa marennuka mitako massiati enrengngé masse mateppe' lao ri Kristus.

1 TESALONIKA 1:2

Tuli sukkuru'ki lao ri Allataala nasaba Saudara maneng. Tungke' massempajakki lao ri Allataala sibawa Ambo'ta tuli riyéngngerakko. Tuli riyassempayangekko. Maréngngerakki pekkugiko mappaitangngi ri laleng pangkaukeng makkedaé mateppe'ko lao ri Kristus, pékkugiko mamaséiwi tau laingngé angkanna tumaningiwi mennang, sibawa pékkugiko maddennuwang masse lao ri Puwatta Yésus Kristus.

FILEMON 1:7

Saudara Filémon, pammasému lao ri sininna umma'na Allataala, rennuika sibawa mpérékka sumange'! Sininna umma'na Allataala marennu nasaba Saudara.

2 YOHANES 1:4

Marennu senna'ka missengngi makkedaé engka ana'-ana'na Indo' iya tuwoé situru pappagguruwanna Allataala, pada-pada iya puraé napparéntang Allataala Ambo'é lao ri idi.