FILEMON 1:5 - KITTA KAREBA MADECENG

⁵ Saba' uwéngkalingai makkedaé tonget-tongengngi Saudara mateppe' lao ri Puwang Yésus sibawa mamaséiwi sininna umma'na Allataala.

FILEMON 1:5 ပူးပေါင်းရင်းမြစ်များ

MAZMUR 16:3

Upakalebbii sining tau mapaccingngé ri wanuwaéwé; asennangekku iyanaritu monro silaong mennang.

RIWAYA'NA RASUL-RASUL-E 20:21

Muwi lao risining tau Yahudié muwi lao risining tau bangsa laingngé tuli mabbéréka papparéngngerang kuwammengngi natoba' mennang polé ri dosa-dosana sibawa lao ri Allataala, enrengngé mateppe' ri Puwang Yésus.

ROMA 12:13

Tulungngi paggenne'i apparelluwanna sining tau Kristéng laingngé enrengngé tarimai Saudara-saudara siatepperengngé iya dé'é muwissengngi, sibawa ati masennang ri lalempolamu.

1 KORINTUS 16:1

Makkekkuwangngé passalenna dowi iya maéloé muwassumbangeng lao ri pada-padatta tau Kristéng, uwappétangngarengngi kuwammengngi mupogau'i situru panunju' iya uwabbéréyangngé lao ri jema'-jema'é ri Galatia.

GALATIA 5:6

Saba' rékko masséddini sibawa Kristus Yésus, passaleng turusiwi iyaré'ga temmaccowériwi peraturanna sunna'é dé'na nancaji soal. Iya pentingngé banna teppe' lao ri Kristus, na iyaro manessai ri laleng pammaséta lao ri tau laingngé.

EFESUS 1:15

Rimakkuwannanaro, sipongenna uwéngkalinga makkedaé mateppe'ko lao ri Puwang Yésus, sibawa muwamaséiwi sininna umma'na Allataala,

1 TESALONIKA 3:6

Makkekkuwangngé lisuni Timotius sibawa purani napalettu ri idi karéba marennué passalenna pékkugiko mateppe' lao ri Kristus sibawa sisullé siyamaséi. Napaissengiki makkedaé tuli taroko passéngereng iya makessingngé passaletta ri atimmu. Sibawa macinnako sita idi, pada-padato idi macinna tokki sita iko.

FILEMON 1:7

Saudara Filémon, pammasému lao ri sininna umma'na Allataala, rennuika sibawa mpérékka sumange'! Sininna umma'na Allataala marennu nasaba Saudara.

1 YOHANES 3:23

Iya napparéntangngé lao ri idi iyanaritu: Harusu'ki mateppe' lao ri Ana'-Na, iyanaritu Yésus Kristus, sibawa harusu'ki sisullé siyamaséi, pada-pada iya puraé napparéntang Kristus lao ri idi.