FILEMON 1:20 - KITTA KAREBA MADECENG

²⁰ Rimakkuwannanaro, nasabbing Puwangngé, coba tulukka; pérennuiwi atikku selaku pada-padatta Saudara ri laleng Kristus.

FILEMON 1:20 ပူးပေါင်းရင်းမြစ်များ

1 KORINTUS 16:18

Purani naébbu atikku marennu; pada-pada mennang pérennuiwi atimmu. Sining tau pada-padaéro harusu'i tonget-tongeng ripakaraja.

2 KORINTUS 2:2

Saba' rékko upamesséiko, nigatona wedding polé saléworika, rékko tenniya sining tau iya puraé upamesséi atinna?

2 KORINTUS 7:13

Iyanaro saba'na natassaléwo atitta. Ri lainnaé tassaléwo, lebbi-lebbipi rirennuitta nasaba riitai arennunna atinna Titus; tassaléwo manengngi atimmu.

FILIPI 1:8

Naisseng Allataala makkedaé muddani senna'ka lao ri iko sibawa pappénedding sipammasé-masé polé ri aléna Kristus Yésus.

FILIPI 4:1

Rimakkuwannanaro, Saudara-saudaraku iya uwéloriyé, makkuwaniro sitinajammu tuwo sibawa mattonget-tongeng mateppe' lao ri Puwangngé. Muddaniwi atikku ri iko! Iko ritu uwattuwang mébbuka marennu.

FILEMON 1:12

Makkekkuwangngé iyaro tau uwamaséiyé ukiringngi lisu ri iko.

FILEMON 1:7

Saudara Filémon, pammasému lao ri sininna umma'na Allataala, rennuika sibawa mpérékka sumange'! Sininna umma'na Allataala marennu nasaba Saudara.

IBRANI 13:17

Accowériwi paréntana sining pamimpimmu sibawa tunru'ko lao ri mennang. Saba' tuli najampangiwi mennang nyawamu, na harusu'i mennang mattanggung jawa' lao ri Allataala. Rékko matinuluko lao ri mennang, weddingngi mennang majjama sibawa masennang ati; rékko dé', majjamai matu mennang sibawa messé atinna, na iyaro dé' napasaroko.

1 YOHANES 3:17

Séddié tau iya agennekengngé mitai saudarana akurangeng, iyakiya dé' namaélo tulungngi saudaranaro, pékkugi iyaro tauwé mulléi makkeda makkedaé namaséiwi Allataala?

3 YOHANES 1:4

Dé'gaga iya mullé pancajika lebbi marennu, naiya méngkalingai makkedaé ana'-ana'ku tuwoi manuru' pappagguruwanna Allataala.