FILEMON 1:16 - KITTA KAREBA MADECENG

¹⁶ Makkekkuwangngé tenniya banna séddiwi ata untu' Saudara; lebbi na iyaro. Iyanaritu pada-padatta tau Kristéng iya riyamaséiyé nasaba Kristus. Makkéguna senna'i untu' iyya, apalagi untu'mu. Tentu makkéguna senna'i, muwi selaku ata iyaré'ga séddi Saudara ri laleng Puwangngé!

FILEMON 1:16 ပူးပေါင်းရင်းမြစ်များ

MATIUS 23:8

Iyakiya iko, aja' mumaélo riyobbi ‘Pa' Guru’, saba' séddi bawang Gurummu, na iko maneng massilessurekko.

RIWAYA'NA RASUL-RASUL-E 9:17

Nalaona Ananias ri bolaéro sibawa palénne'i limanna ri yasé'na Saulus. Nakkeda Ananias, “Saudara Saulus, Puwang Yésus iya muwitaé ri tengnga laleng wettunna saudara lao kumaiyé, Aléna ritu suroka polé kuwammengngi weddingngi Saudara makkita paimeng sibawa rikuwasai ri Rohna Allataala.”

1 KORINTUS 7:22

Saba' séddié ata iya mateppe'énna ri Puwangngé, iyanaritu taunnai Puwangngé iya maradéka'é. Sibawa séddié tau maradéka' iya mateppe'énna ri Puwangngé, iyanaritu atannai Kristus.

KOLOSE 3:22

Saudara-saudara iya mancaji ataé! Ri laleng sininna passalengngé sitinajako matinulu lao ri puwammu ri linoéwé. Aja' mumatinulu lao ri mennang banna ri wettunna mennang jagaiko, nasaba macinnako ripoji. Atinuluriwi mennang sibawa ati iya matinulué, nasaba mupakalebbii Puwangngé.

1 TIMOTIUS 6:2

Ata-ata iya puwannaé tau Kristéng, dé' nawedding napandang énténg puwanna nasaba pada-padai mennang tau Kristéng. Mala harusu'i mennang natumaningi puwanna mennanro lebbi kessippa, saba' puwang iya natumaningiyéro iyanaritu pada-padai tau mateppe' iya riyamaséiyé. Iya manennaé harusu'i muwappagguruwang sibawa muwappangajareng.

IBRANI 3:1

Saudara-saudara pada-padatta Kristéng iya puraé riyobbito ri Allataala! Coba pikkiri'i malamul-lamung passalenna iyaé Yésus! Allataala suroi Aléna banna untu' mancaji Imang Lompo ri laleng agama iya riyaccowériyé.

1 YOHANES 5:1

Tau iya mateppe'é makkedaé Yésus iyanaritu Arung Pappassalama' iya najjanciyangngé Allataala, iyaro tauwé iyanaritu ana'nai Allataala. Tau iya mamaséiyéngngi séddié ambo', namaséi towi ana'na.