FILEMON 1:14 - KITTA KAREBA MADECENG

¹⁴ Iyakiya dé' umaélo pogau' agi-agi rékko dé'pa nasitujuiwi Saudara. Lebbi upojiwi rékko napogau'i Saudara sibawa macenning; dé' umaélo passako.

FILEMON 1:14 ပူးပေါင်းရင်းမြစ်များ

1 TAWARIKH 29:17

Uwisseng Muojiwi atinna tungke' tauwé sibawa Mupojiwi tau iya mapaccingngé atinna. Matinulu sibawa masennang ati uwakkasuwiyangeng manengngi iyaé lao ri Iko. Purani usabbing pékkugi umma'-Mu iya maddeppungengngé kuwaé tiwii pakkasuwiyanna lao ri Iko sibawa masennang ati.

MAZMUR 110:3

Ri esso apolémmu sibawa akuwasang, ri bulu-bulu iya mapaccingngé, mallurui ra'ya'mu sibawa cenning ati. Pada-pada cinoddoé ri éléé, sining kalloloé poléi ri iko.

1 KORINTUS 9:17

Akkalarapanna upajoppai jama-jamakkuro nasaba éloku, tentu weddikka mamménasa untu' lolongeng saro. Iyakiya uwabbirittangngi Karéba Madécéngngéro mala nasaba riwaji'kangnga. Risuroka ri Allataala untu' pogau'i iyaro.

1 KORINTUS 9:7

Dé'gaga anggota tentara iya harusu'é mongkosokiwi aléna ri laleng atentarangngé! Dé'gaga patani iya mattaneng anggoro'é ri dare'na nainappa dé' nanréi wassélé anggoro polé ri dare'éro! Dé'gaga pakkampi iya piyaraé bimbala', nainappa dé' naénung susu polé ri bimbala'-bimbala'naro!

2 KORINTUS 1:24

Dé' upassako passalenna aga iya harusu'é muwatepperi; saba' mateppe' senna'no lao ri Kristus. Banna majjamaka sibawa iko kuwammengngi napédé' masennang.

2 KORINTUS 8:12

Rékko macennikko mabbéré, natarimai matu Allataala iyaro pabbérému situru aga iya engkaé ri iko, dé' nasituru' aga iya dé'é naengka ri iko.

2 KORINTUS 9:5

Iyanaro saba'na umarasa parellu suroi mennanro lao ri iko lebbi riyolo untu' murusu'i sumbangeng iya muwajjanciyangngéro. Upogau'i iyaro kuwammengngi rékko poléka matti, sadiyani pabbérému. Rimakkuwannanaro, manessani makkedaé iyaro pabbérému riyabbéréyangngi sibawa masennang ati na tenniya nasaba tarapassa.

2 KORINTUS 9:7

Tungke' tau harusu'i mabbéré manuru' cenning atinna. Aja' nabbéré sibawa tabbata-bata iyaré'ga nasaba tarapassa, saba' Allataala mamaséiwi tau iya mabbéré sibawa masennang ati.