FILEMON 1:10 - KITTA KAREBA MADECENG

¹⁰ Iyya, Paulus, pangolo séuwa paréllaung lao ri iko passalenna Onésimus, ana'ku ri laleng Kristus. Saba' ri laleng tarungkué mancajika ambo' rohaninna.

FILEMON 1:10 ပူးပေါင်းရင်းမြစ်များ

2 SAMUEL 18:5

Nainappa napparéntang arungngé lao ri Yoab, Abisai sibawa Itai, adanna, “Aja' muloi Absalom kalloloéro nasaba iyya.” Sininna pasukangngé naéngkalingai paréntana Daudro.

MARKUS 9:17

Naengkana séddi polé ri yelle'na tau maégaéro mappébali, “Bapa' Guru, engka ana'ku utiwi lao ri Bapa'. Pépéi nasaba nauttamakiwi roh maja.

ROMA 12:1

Saudara-saudara! Makessing senna'i Allataala lao ri idi. Iyanaro saba'na uwéllauwi sibawa masero kuwammengngi muwakkasuwiyangengngi aléna selaku séddi akkalarapangeng tuwo iya ripallaingngé untu' Allataala sibawa pésennangiwi atin-Na. Assompako lao ri Allataala harusu'i makkuwaro.

1 KORINTUS 4:14

Uwokii iyaé lao ri iko tenniya untu' pakasiriko, iyakiya untu' pangajariko pada-pada ana'-ana' ri aléku.

1 KORINTUS 4:15

Saba' iyya ritu mancaji ambo'mu, namuni naullé selaku tau Kristéng, mappunnaiko seppulo sebbu guru. Ri laleng atuwommu selaku sining tau iya masséddié sibawa Kristus, mancajika ambo' lao ri iko, nasaba iyya tiwii Karéba Madécéngngé passalenna Kristus lao ri iko.

GALATIA 4:19

Ana'-ana'ku iya riyamaséiyé! Makkekkuwangngéwé manrasa-rasasika nasaba iko. Manrasa-rasaka pada-pada makkunrai mapeddié wettunna jajiyang ana'. Maéloka matteru-teru manrasa-rasa, rékko sipa'-sipa'na Kristus dé'pa natattaneng ri alému!

KOLOSE 4:9

Maéloi lao Onésimus silaong Tikhikus; séddiwi polé ri yelle'mu. Séddiwi tau iya matinulué, sibawa idi mamaséiwi. Aléna sibawa Tikhikus paissengiko matu sini-sininnaé iya kajajiyangngé ri onrokkué.

TITUS 1:4

Titus, tonget-tongekko iyanaritu ana'ku, saba' iko sibawa iyya pada-pada mateppe' ri Kristus. Mamménasaka tennapodo Allataala Ambo'é sibawa Kristus Yésus Arung Pappassalama'ta, mabbéré barakka, sibawa asaléwangeng lao ri iko.

FILEMON 1:11

Riyolo dé' nakkéguna untu'mu, iyakiya makkekkuwangngé makkégunani, tenniya bawang untu'mu, iyakiya untu' iyya'to.

FILEMON 1:13

Sitongenna maéloka tahangngi sibawakka kuwaé selaku passalemmu, kuwammengngi weddingngi nabantuka, sipongenna ritahakka ri laleng tarungkuéwé nasaba mabbirittangngi Karéba Madécéng polé ri Allataala.

3 YOHANES 1:4

Dé'gaga iya mullé pancajika lebbi marennu, naiya méngkalingai makkedaé ana'-ana'ku tuwoi manuru' pappagguruwanna Allataala.