ESTER 9:3 - KITTA KAREBA MADECENG

³ Mala sininna tomarajana propinsié, sining gubernur-é, bupatié sibawa pajaba akkarungengngé sokongngi tau Yahudié nasaba métau manengngi lao ri Mordékhai.

ESTER 9:3 ပူးပေါင်းရင်းမြစ်များ

EZRA 2:2

Pamimping-pamimpinna mennang iyanaritu Zérubabél, Yésua, Néhémia, Séraya, Reelaya, Mordékhai, Bilsan, Mispar, Bigwai, Réhum sibawa Baana. Iyanaé daftarna appang kaluwarga Israélié, sibawa jumellana tau polé ri tungke' appang iya lisué polé ri appalirengngé:

EZRA 8:36

Nainappa sure'-sure' iya riwéréngngéngngi mennang ri arungngé, napalettu'ni ri gubernur-é sibawa pajaba propinsinna Efrat Yajang. Na iyaro pajaba-pajaba'é nawérénni bantuwang ra'ya'é kuwammengngi naulléi mennang tette massompa ri Bolana Puwangnge.

ESTER 3:12

Na ri tanggala seppulona tellu uleng séddi, naobbini Haman sining jurutulisi'na arungngé. Risuroni mennang moki sure' situru sibawa sininna iya riparéntangngéngngi, nainappa iyaro sure'é ribettuwangi ri laleng sininna basaé sibawa rilémba ri laleng sininna oki iya ripaké ri akkarungengngéro. Iyaro sure'é riyokii ri laleng asenna Arung Ahasywéros sibawa rica' sibawa ciccinna, nainappa nakiring masitta lao risining panguwasaé, gubernur-é sibawa tomarajaé ri sininna propinsié. Lise'na iyanaritu parénta makkedaé ri tanggala seppulona tellu uleng Adar, sininna bangsa Yahudié, muwi macowa iyaré'ga malolo, muwi makkunrai iyaré'ga ana'-ana', harusu'i riyuno temmaddampeng, sibawa rirappai waramparanna mennang.

ESTER 8:17

Makkuwatoro ri tungke' kota sibawa propinsié, kégi-kégi sure' paréntana arungngé ribaca, marennuni sining tau Yahudié, massennas-sennang sibawa mappésta. Mala maéga polé ri pabbanuwaé iya mancajiyé warga bangsa Yahudi, nasaba métaui mennang lao ri bangsaéro.

ESTER 8:5

“Rékko napuwéloi Datu sibawa napojiwi atatta, sitinajai Datu passu sure' parénta untu' bébbui sure'-sure'na Haman iya mallise'é parénta paccappui sininna tau Yahudié ri akkarungengngéwé.

ESTER 8:9

Iyatoro essoé, iyanaritu tanggala 23 uleng tellu, uleng Siwan, naobbini Mordékhai sining jurutulisi'na arungngé nanaparéntangngi mennang moki sure' lao risining gubernur-é ri iya 127 propinsié, polé ri India lettu ri Sudan. Iyaro sure'-sure'é riyokii ri laleng basa sibawa oki propinsi-propinsiéro tungke'-tungke'. Nakiring towi iyaro sure'é lao ri tau Yahudié ri laleng basa sibawa oki Yahudi.

DANIEL 3:2

Nainappa naundang arungngé sininna arung daéraé, sining gubernur-é, bupatié, pappangajana wanuwaé, bendaharaé, hakingngé, ahli hukkungngé, sibawa sininna kapala daéraé untu' hadérékiwi upacara rirésmikanna dato'-dato' iya puraé napatettonro.