ESTER 7:9 - KITTA KAREBA MADECENG

⁹ Nainappa makkeda Harbona, séddiwi polé ri pajaba-pajaba'éro, “Datu, ri seddé bolana Haman engka alliri aggattungeng sittanré duwappulo duwa météré. Purai napatettong Haman untu' gattungngi Mordékhai, tau iya puraé passalama'i nyawana Datu.” Napparénta arungngé, “Gattunni Haman ri alliriéro!”

ESTER 7:9 ပူးပေါင်းရင်းမြစ်များ

2 ARUNG-NGARUNG 9:32

Congani Yéhu makkita ri tellongengngé, namakkeda, “Niga maccowé ri iyya?” Naéngkalingana iyaro, duwa tellu tau pegawénna saorajaé cuku' liyawa.

ESTER 1:10

Ri esso iya mapitué, ménum-ménunni arungngé angkanna masennang senna nasedding. Rimakkuwannanaro naobbini iya pitu pajaba napallainna iya mancajiyé pattumani paribadinna; mennang iyanaritu Méhuman, Bizta, Harbona, Bigta, Abagta, Zétar sibawa Karkas.

ESTER 5:14

Naéngkalinganaro bainéna sibawa sininna sellao-sellaona nappétangngarenni makkuwaé, “Suro bawanni mébbu alliri aggattungeng sittanré duwappulo duwa météré. Nainappa pappa bajana, maéléno méllau palalo ri arungngé untu' gattungngi Mordékhai ri alliriéro. Nanallalengiwi weddikko lao ri perjamuwangngéro sibawa ati iya tennangngé.” Iyaro tangngaé makessing senna manuru pallolongenna Haman, rimakkuwannanaro nassurowanni masitta mébbui alliri aggattungengngéro.

ESTER 6:14

Wettunna mennang mabbicara mupa sibawa Haman, poléni sining pajaba'na saorajaé sibawa mapperi-peri maélo mantara'i Haman lao ri perjamuwang iya napakangkaé Ester.

ESTER 6:2

Nalolongenni ri lalenna catatanna makkedaé Mordékhai pura laporo'i usaha abbunowangngé lao ri arungngé iya narancanaé Bigtan sibawa Térés, iya duwanna pajaba ripallaing iya monrowangngéngngi bili'na arungngé.

ESTER 8:7

Namakkeda Arung Ahasywéros lao ri Ratu Ester sibawa Mordékhai, “Mémeng, purani ugattung Haman nasaba maéloi paccappui tau Yahudié, sibawa waramparanna purani uwéréngngi Ester.

ESTER 9:14

Nanabbéréna parénta arungngé untu' pajoppai paréntana Ester; ripassuni sure' paréntaé untu' kota Susan sibawa ujuna iya seppulo ana'na Haman rigattunni.

ESTER 9:25

Iyakiya mangoloi Ester ri arungngé, namabbéré arungngé parénta taroki iya nassabariyéngngi rancana ja iya naébbué Haman nakennai aléna muto, angkanna aléna sibawa ana'-ana'na rigattung ri alliri aggattungengngé.

MAZMUR 141:10

Leppessangngi mennang sempé ri laleng siyona muto, iyakiya iyya tennapodo salama'ka.

MAZMUR 35:8

Leppessangngi mennang nakenna abinasang sibawa tennasenna-senna. Leppessangngi mennang riyala ri siyona muto nanasempé sibawa binasa.

MAZMUR 73:19

Ri laleng sikédé mata ancuru'i mennang, masero senna accappurenna.

DANIEL 6:24

Tenniya pato sennanna atinna arungngé nanapparéntangngi kuwammengngi naripassu Daniél polé ri gowaéro. Purana ripogau' paréntaéro, annessana makkedaé dé' narilolongeng lo muwi céddé ri Daniél, nasaba mateppe'i ri Allataalana.

DANIEL 6:7

Nainappa massamang mennang lao mangolo ri arungngé sibawa makkeda, “Puwakku Arung Darius, tuwoi Puwakku untu' mannennungeng!