ESTER 7:2 - KITTA KAREBA MADECENG

² Makkutanani paimeng arungngé lao ri Ester, nanaénutto anggoro, “Nah, Bainéku, aga muwacinnai? Pasti uwabbéréyangngi matu namuni muwéllauwi sitengngana polé ri akkarungekku.”

ESTER 7:2 ပူးပေါင်းရင်းမြစ်များ

ESTER 5:3

Nainappa makkutana arungngé, “Engka aga, Bainéku? Aga muwacinnai? Powadani! Namuni muwéllauwi sitengngana polé ri akkarungekku, uwéréng tokko.”

ESTER 5:6

Wettunna ménung anggoro, makkutanani arungngé, “Makkekkuwangngé powadani aga muwacinnai. Muwi aga muwéllau uwérékko matu, namuni sitengngana polé ri akkarungekku!”

ESTER 7:1

Na untu' mabbékkaduwanna arungngé sibawa Haman manré ménung sisama Ester.

ESTER 9:12

Nakkeda Datué lao ri Ratu Ester, “Ri Susan bawang purani nauno tau Yahudié 500 tau, muttama'ni iya seppulo ana'na Haman. Apalagi ri propinsi-propinsié! Agangngaré'na napogau' mennang kuwaro! Nah, agapi muwéllau makkekkuwangngé? Powada bawanni, pasti mulolongengngi matu!”

MARKUS 6:23

Majjancini Hérodés lao ri ana'daraéro sibawa mattanro. Makkedai Hérodés, “Agi-agi muwéllau uwérékko matu, namuni sitengngana akkarungekku!”

YOHANES 16:24

Narapi makkekkuwangngé dé'pa agaga muwéllau ri laleng asek-Ku. Ellauni, namutarimai matu, kuwammengngi nasukku arennummu.”

RIWAYA'NA RASUL-RASUL-E 23:19

Iyaro komandangngé nakkatenninni limanna iyaro kalloloé, nainappa natiwi massala ri benréng nakkutana, “Aga maélo mupowadakka?”