ESTER 5:9 - KITTA KAREBA MADECENG

⁹ Lisuni Haman polé ri perjamuwanna Ratu Ester sibawa ati iya masennangngé. Iyakiya wettunna ri pintu gerbanna saorajaé naitai Mordékhai iya dé'é natokkong untu' pakarajai aléna, macai senna'ni.

ESTER 5:9 ပူးပေါင်းရင်းမြစ်များ

1 ARUNG-NGARUNG 21:4

Nasibawang ati iya massesse'é sibawa macai nasaba méngkalingai aga iya napowadaé Nabot lao ri aléna, nalisuna Ahab nanaléwu ri onrong atinronna sibawa mabboko enrengngé dé' namaélo manré.

1 ARUNG-NGARUNG 21:6

Nappébali Ahab, “Dé' umasennang sibawa Nabot. Uwéllauwi ri aléna kuwammengngi nabalu'i palla anggoro'na lao ri iyya, iyaré'ga uséléi sibawa palla anggoro iya laingngé, rékko iyaro naélori, iyakiya dé' namaélo!”

ESTER 2:19

Iyaro wettué riyakkani Mordékhai ri arungngé mancaji pegawé pamarénta.

ESTER 3:2

Napparéntanni arungngé lao ri sininna pegawénna kuwammengngi napakarajai Haman sibawa suju' ri yolona. Naturusi manenni iyaro paréntaé, sangadinna Mordékhai.

ESTER 3:5

Macai senna'ni Haman wettunna naisseng makkedaé dé' namaélo Mordékhai suju' lao ri aléna.

ESTER 5:13

Iyakiya iya manennaro dé'gaga bettuwanna, ri wettu uwitana mupa Mordékhai, tau Yahudiéro, tudang ri pintu gerbanna saorajaé.”

AYUB 20:5

arennunna tomajaé banna cinampe bawang, sibawa asennangenna tau madorakaé sikédé mata?

AYUB 31:31

Naisseng sining tau iya majjamaé ri iyya, makkedaé dé' masala upanré ri bolaku.

MAZMUR 15:4

iya mangga mariyawaéngngi tau iya risampéyangngé ri Allataala, iyakiya pakalebbii tau mateppe'é; iya rupaiyéngngi jancinna, namuni rogi

MAZMUR 27:3

Namuni rikeppukka ri pasukang iya battowaé, dé' umétau matu. Namuni poléi musué méwaka, tette'ka mamménasa.

DANIEL 3:13

Naéngkalinganaro mancaji macai senna'ni arungngé, nainappa mabbéré parénta kuwammengngi naiya tellu tauwéro ritiwii mangolo ri aléna.

MATIUS 10:28

Aja' mumétau lao ri mennang iya mpunoéngngi tubué, iyakiya dé' namakuwasa mpunoi nyawaé. Etauko ri Allataala iya makuwasaé pabbinasai tubué nenniya nyawaé ri laleng ranaka.

MATIUS 2:16

Wettunna naisseng Hérodés makkedaé ribelléi ri ahli wéttowing polé alauéro, macai senna'ni. Nainappa napparéntang untu' mpuno manengngi ana' worowané ri Bétléhém sibawa ri seddéna iya makkéumuru duwattaungngé liyawa. Sicoco'i iyaro sibawa pappakatajang iya nalolongengngé polé risining ahli wéttowingngéro, passalenna wettunna paita iyaro wéttowingngé.

LUKAS 6:25

Cilakano iko iya messoé makkekkuwangngéwé; saba' malupuko matu! Cilakano iko macawaé makkekkuwangngé; saba' tassinnaui matu atimmu sibawa teri!

YOHANES 16:20

Ateppe'no, teriko matu sibawa mpating, iyakiya marennui matu linoé. Masussai atimmu matu, iyakiya iyaro asussammu tappinrai matu mancaji arennung.

RIWAYA'NA RASUL-RASUL-E 7:54

Naéngkalingana iyaro anggota-anggota Mahkama Agamaé sininna napowadaé Stéfanus, mapeddini atinna mennang sibawa macai senna'na lao ri aléna.

YAKOBUS 4:9

Sitinajako tonget-tongeng massesse kalé sibawa teri enrengngé mpating; sitinajai cawamu mancaji teri sibawa arennummu mancaji atassinnaureng!