ESTER 5:2 - KITTA KAREBA MADECENG

² Wettunna naita Ratu Ester ri saliweng, momponi pappojinna lao ri aléna nanatanréyangngi tekkeng ulawenna lao ri aléna. Namalluruna Ester, nagéssai cappa'na tekkengngéro.

ESTER 5:2 ပူးပေါင်းရင်းမြစ်များ

KAJAJIYANG 32:28

Nakkeda iyaro tauwé, “Tenniyana Yakub asemmu. Purano mallaga sibawa Allataala sibawa tolinoé, namupacau; rimakkuwannanaro asemmu mancajiwi Israél.”

NEHEMIA 1:11

Engkalingai sempajakku sibawa sempajanna sininna atam-Mu iya laingngé, iya maéloé pakalebbi-Ko. Abbéréyanni pattulum-Mu kuwammengngi na ri essoéwé iyaé atam-Mu naulléi lolongeng paressé babuwa polé ri arungngé.” Iyaro wettué pangurusu énungennaka arungngé.

ESTER 2:9

Bengnga Hégai mitai Ester sibawa napojinna. Masitta'ni najampangi agellorenna iyaro ana'daraé sibawa nawéréng inanré iya ripallaingngé. Ripalétté'ni Ester ri bagiyang iya kaminang makessingngé ri saoraja makkunraiéro sibawa pitu ana'dara iya kaminang mapecci'é kédo ri saorajana arungngé risuro untu' tumaningiwi.

ESTER 4:11

“Tungke' tau, muwi worowané iyaré'ga makkunrai, iya tenriyobbié, mangoloi ri arungngé ri seddé lalenna saorajaé, harusu'i rihukkung maté. Iyaro iyanaritu undang-undang na sininna tauwé mappammulai ri pappangajana arungngé lettu ri ra'ya'é ri propinsi-propinsié, naisseng gau'éro. Banna engka séddi laleng untu' leppe polé ri undang-undangngéro, iyanaritu rékko natanréyangngi arungngé tekkeng ulawenna lao ri tauwéro. Rékko kajajiyangngi iyaro, salama'i matu. Iyakiya siulennié dé' naobbika arungngé.”

ESTER 8:4

Natanréyanni tekkeng ulawenna arungngé lao ri Ester, nainappa tettonni Ester sibawa makkeda,

MAZMUR 116:1

Uwéloriwi Puwangnge, saba' Naéngkalingaka sibawa jampangiwi paréllaukku.

AMSAL 21:1

Pada-pada Puwangnge matoro'i uwai saloé kuwammengngi namassolo, situru élo-Na, makkuwatoro Napimpingngi pikkiranna arungngé.

RIWAYA'NA RASUL-RASUL-E 10:4

Naitani Kornélius iyaro malaéka'é sibawa métauna nainappa makkeda, “Engka aga Puwang?” Nappébali iyaro malaéka'é, “Sempajammu sibawa asémpoatimmu natarimani Allataala sibawa naéngngeranna Allataala.

RIWAYA'NA RASUL-RASUL-E 7:10

enrengngé paleppe'i polé ri sininna asussanna. Allataala mpéréngngi ati sibawa apanréng wettunna mennang mangolo ri Firaun, arung Maséré', angkanna Firaun pancajiwi gubernurna wanuwa Maséré' nenniya panguwasana saorajana Firaun.