ESTER 4:3 - KITTA KAREBA MADECENG

³ Makkuwatoro ri sininna propinsié, mpatinni sining tau Yahudié purana riyappallebbangeng paréntana arungngé. Mappuwasani mennang, teri sibawa maddararing, na maéga ri yelle'na mennang pakéi kaing karungngé sibawa léwu ri tompo'na awué.

ESTER 4:3 ပူးပေါင်းရင်းမြစ်များ

ESTER 1:1

Ri Susan, ibukotana Persia, mapparéntai Ahasywéros selaku arung. Akkarungenna poléi ri 127 propinsi, mappammulai ri India lettu ri Sudan.

ESTER 3:12

Na ri tanggala seppulona tellu uleng séddi, naobbini Haman sining jurutulisi'na arungngé. Risuroni mennang moki sure' situru sibawa sininna iya riparéntangngéngngi, nainappa iyaro sure'é ribettuwangi ri laleng sininna basaé sibawa rilémba ri laleng sininna oki iya ripaké ri akkarungengngéro. Iyaro sure'é riyokii ri laleng asenna Arung Ahasywéros sibawa rica' sibawa ciccinna, nainappa nakiring masitta lao risining panguwasaé, gubernur-é sibawa tomarajaé ri sininna propinsié. Lise'na iyanaritu parénta makkedaé ri tanggala seppulona tellu uleng Adar, sininna bangsa Yahudié, muwi macowa iyaré'ga malolo, muwi makkunrai iyaré'ga ana'-ana', harusu'i riyuno temmaddampeng, sibawa rirappai waramparanna mennang.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

ESTER 4:2

Mappésauni ri yolona pintu gerbanna saorajaé, saba' tau iya mappaké karungngé riyattéyang muttama.

ESTER 4:4

Wettunna ana'-ana'daraé sibawa sining pajaba ripallaingngé iya tumaningiyéngngi Ratu Ester laporo'i ri aléna aga mattengngang napogau' Mordékhai, messé senna'ni Ester. Kirinni pakéyang lao ri Mordékhai selaku passulléna kaing karunna, iyakiya dé' namaélo Mordékhai tarimai.

ESTER 9:31

Iyaro sure'é nappétangngareng towi kuwammengngi mennang sibawa wija-wijanna naparéngngerangiwi esso-esso Puringngé ri wettu iya teppa'é, pékkugi mennang paréngngerangiwi wettu appuwasangngé sibawa wettu abbaratangngé. Iyanaro lise'na sure'na Mordékhai sibawa Ratu Ester.

AYUB 2:8

Natudanna Ayub ri seddéna goppo warowoé, sibawa mala reppa pinceng untu' kakkangngi watakkaléna.

YESAYA 22:12

Ri wettuéro Puwang Iya Pommatanré sibawa Pommakuwasaé suroko teri sibawa mpating, maccukkuru gemme sibawa paké kaing karung.

YESAYA 22:4

Aja' mujampangika; leppessakka watingiwi sining tau polé ri bangsaku iya matéénna. Aja' mucobai saléworika.

YESAYA 58:5

Rékko mappuwasako, musissai alému; pacuku'i ulummu pada-pada daunna wellaé. Pallebba'ko kaing karung sibawa muguguriwi awu, namuléwu ri yasé'na. Iyagaro muwaseng puwasa? Muwasengngi masennak-Ka sibawa pangkaukengngéro?

YEHEZKIEL 27:30

Nateringini mennang totomu, maddaréké nenniya mpating sibawa masussa. Maggugurengngi mennang awu ri ulunna sibawa maggalélu ri awué tanrang masara.

DANIEL 9:3

Nainappa massempajakka sibawa mattonget-tongeng lao ri Puwang Allataala, sibawa méllauwi paressé babuwana. Mappuwasa tona sibawa paké kaing karung enrengngé tudang ri tompo'na awué.

YUNUS 3:6

Wettunna naéngkalinga arung Niniwé iyaro karébaé, masitta'ni nonno polé ri kadéra akkarungenna. Naludunni jumba akkarungenna nanapakéi kaing karungngé, nainappa tudang ri tompo'na awué.

MATIUS 13:42

Ribuwangngi matu mennang ri laleng dapo malluwa'-luwa'é; nakkuwanaro matu teri sibawa manrasa-rasa.

MATIUS 22:13

Nainappa iyaro arungngé makkeda lao risining pattumaninna, ‘Siyoi ajé sibawa limanna iyaro tauwé, namubuwangngi massu ri onrong iya mapettangngé. Nakkuwanaro matu engka teri sibawa anrasa-rasang.’ ”

MATIUS 25:30

Na iyaro pattumani dé'é nakkéguna, buwanni ri laleng pettangngé ri saliweng. Kuwaniro matu teri sibawa manrasa-rasa!’ ”

YOSUA 7:6

Messé senna'ni Yosua sibawa sining pamimpinna bangsa Israélié angkanna nasapé-sapé mennang pakéyanna, sibawa puppu esso narapi wenni suju'i mennang ri yolona Petti Assijancinna Puwangnge sibawa taroiwi awu ulunna mennang selaku tanrang messé babuwa.

1 SAMUEL 11:4

Makkuwaniro iyaro sining suroé lettu ri Gibéa, onrong naonroiyé Saul. Wettunna mennang napalettu iyaro karébaé, terini ra'ya'é nasaba pettu paddennuwangngi.