ESTER 2:9 - KITTA KAREBA MADECENG

⁹ Bengnga Hégai mitai Ester sibawa napojinna. Masitta'ni najampangi agellorenna iyaro ana'daraé sibawa nawéréng inanré iya ripallaingngé. Ripalétté'ni Ester ri bagiyang iya kaminang makessingngé ri saoraja makkunraiéro sibawa pitu ana'dara iya kaminang mapecci'é kédo ri saorajana arungngé risuro untu' tumaningiwi.

ESTER 2:9 ပူးပေါင်းရင်းမြစ်များ

KAJAJIYANG 39:21

Iyakiya Puwangnge sibawangngi Yusuf sibawa mamaséiwi matteru, angkanna kapala tarungkué napojiwi.

KAJAJIYANG 39:4

Namasennanna Potifar lao ri Yusuf sibawa makkai mancaji pattumani paribadinna; nainappa riwéréng jamang Yusuf murusu'i ruma tanggana sibawa sininna appunnangenna.

1 ARUNG-NGARUNG 8:50

Addampengengngi sininna dosana sibawa adorakanna lao ri Iko, sibawa ébbui sining balinna gaukengngi mennang sibawa makessing.

EZRA 7:6

Ezra séddiwi tau iya maccaé sibawa maéga naisseng passalenna Hukkung iya nabbéréyangngé Puwangnge, Allataalana Israélié lao ri Musa. Nasaba ribarakkakiwi Ezra ri Puwang Allataalana, nariwérénna ri arungngé sininna iya naéllauwé. Ri taung mapitué apparéntanna Arung Artahsasta, joppani Ezra polé ri Babél mattuju ri Yérusalém silaong sirombongang tau Israél iya polé risijumella imang, tau Léwi, pakkélong nenniya panganrowang gerbang ri Bolana Puwangnge, sibawa sining pajjamaé.

NEHEMIA 2:8

Ri lainnaéro, méllau tokka sure' untu' Asaf, panganrowanna ale akkarungengngé, kuwammengngi napassadiya aju untu' pintu gerbanna bénténgngé ri seddé Bolana Puwangnge, sibawa untu' témbo'na kotaé enrengngé bola iya uwonroiyé matu. Napennoini arungngé sininna paréllaukkuro, nasaba Allataala tulukka.

ESTER 2:12

Manuru peraturangngé, sining makkunraié rijampangiwi agellorenna sitaung ittana: enneng uleng sibawa minnya ricampuru kamennyang, sibawa enneng uleng rappina sibawa minnya ricampuru wangi-wangiyang iya laingngé. Purairo tungke' ana'dara lolongeng léléng untu' mangolo ri Arung Ahasywéros.

ESTER 2:3

Sitinajai Datu makka pegawé-pegawé ri sininna propinsinna akkarungengngéwé untu' sappa ana'-ana'dara iya magelloé nainappa tiwi manengngi mennang ri saoraja makkunraié ri Susan. Hégai, pajaba ripallaing iya mancajiyé kapala ruma tanggana saoraja makkunraié, murusu'i matu mennang sibawa mpéréngngi mennang pajjampa agelloreng.

ESTER 5:2

Wettunna naita Ratu Ester ri saliweng, momponi pappojinna lao ri aléna nanatanréyangngi tekkeng ulawenna lao ri aléna. Namalluruna Ester, nagéssai cappa'na tekkengngéro.

MAZMUR 106:46

Naébbui mennang riyamaséi ri sininna tau iya tawangngéngngi mennang.

AMSAL 16:7

Rékko mupésennangiwi atinna Puwangnge, sining balimmu napancajiwi silaong.

RIWAYA'NA RASUL-RASUL-E 7:10

enrengngé paleppe'i polé ri sininna asussanna. Allataala mpéréngngi ati sibawa apanréng wettunna mennang mangolo ri Firaun, arung Maséré', angkanna Firaun pancajiwi gubernurna wanuwa Maséré' nenniya panguwasana saorajana Firaun.