ESTER 2:7 - KITTA KAREBA MADECENG

⁷ Mappunnaiwi sappusiseng, séddi ana'dara iya magelloé tappana sibawa makessing pakkalénna, asenna Ester, na aseng Ibraninna iyanaritu Hadasa. Maténi tomatowanna Ester nariyakka ri Mordékhai mancaji ana' piyara sibawa piyarai selaku ana' riyaléna.

ESTER 2:7 ပူးပေါင်းရင်းမြစ်များ

KAJAJIYANG 48:5

Napatteruni Yakub, “Yusuf, iya duwa ana'mu Efraim sibawa Manasyé iya jajiyé ri Maséré'é ri wettu dé'napa ulettu kuwaé, uwangga'i ana'ku pada-pada muto Rubén sibawa Siméon.

ESTER 1:11

Nasuroi mennang tiwii ri yolona Ratu Wasti sibawa passigera akkarungengngé ri tompo ulunna. Magello senna ratué, namaéloi arungngé mappaitangngi agellorenna lao risining tomarajaé sibawa sining topoléna.

ESTER 2:15

Narapini lélénna Ester untu' mangolo ri arungngé. – Ester iyanaritu ana'na Abihail sibawa sappusisenna Mordékhai iya puraé makkai selaku ana' riyaléna; ribengngariwi Ester ri tungke' tau iya mitaéngngi. Wettunna lao mangolo ri arungngé, mappakéi Ester situru panunju pangajana Hégai, kapalana saoraja makkunraié.

ESTER 2:20

Dé'pa nappaissengengngi Ester makkedaé séddiwi tau Yahudi, saba' riyattéyangngi ri Mordékhai. Turui Ester ri Mordékhai pada-pada wettunna baiccu mupa sibawa ripiyara ri sappusisennaro.

ESTER 8:1

Iyatoro essoé nabbéréyangngi Arung Ahasywéros sininna waramparanna Haman lao ri Ratu Ester, bali loppona bangsa Yahudiéro. Nappaissengenni Ester lao ri arungngé makkedaé Mordékhai sappusisenna, na sipongennaro riwérénni ha' untu' mangolo ri arungngé tenriyobbi lebbi riyolo.

AYUB 31:17

Dé'pa naengka uleppessangngi ana' béué alupureng, na iyya genne inanré.

AYUB 31:18

Mappammulai baiccu'na upiyarai mennang; sillampé atuwokku upimpingngi mennang.

2 KORINTUS 6:18

Mancaji-Ka matu Ambo'mu, na iko matu mancaji ana'-ana'-Ku, makkuwaniro adanna Puwang Iya Pommakuwasaé.”

EFESUS 6:4

Saudara-saudara iya mancaji ambo'é! Aja' nagaukengngi ana'-ana'mu makkuwaro rupanna angkanna mancaji macai mennang. Sibalé'na, pawekke'i mennang sibawa atoreng-atorengngé enrengngé pappagguruwanna Puwangngé.

1 YOHANES 3:1

Itani pékkugi Allataala mamaséiki angkanna nangakuiki selaku ana'-ana'-Na. Mémeng idi iyanaritu Ana'-ana'na Allataala. Iyanaro saba'na lino iya majaéwé dé' naissekki, saba' linoéwé dé' naissengngi Allataala.