ESTER 10:2 - KITTA KAREBA MADECENG

² Sininna pangkaukenna iya battowaé nenniya maseroé, sibawa topa curita sukkuna passalenna pékkugiwi makkai Mordékhai mancaji pejaba tanré, riyokii ri laleng kitta sejarana arung-ngarung Persia sibawa Média.

ESTER 10:2 ပူးပေါင်းရင်းမြစ်များ

1 ARUNG-NGARUNG 11:41

Curita laingngé passalenna Salomo, passalenna sininna iya puraé napogau' sibawa passalenna pangissengenna, purani riyoki ri laleng Riwaya' Atuwo-tuwonna Salomo.

1 ARUNG-NGARUNG 14:19

Curita laingngé passalenna Arung Yérobéam, iyanaritu apparéntanna sibawa musu iya napimpingngé, pura riyokini ri laleng kitta Sejarana Arung-ngarunna Israélié.

1 ARUNG-NGARUNG 22:39

Curita laingngé passalenna Arung Ahab, passalenna saoraja gadinna sibawa sininna kota iya napatettongngé, pura riyokini ri laleng kitta Sejarana Arung-ngarung Israélié.

ESTER 2:23

Risalidikini iyaro parakaraé, namanessani makkedaé iyaro laporangngé tongengngi. Iya duwa tauwéro rihukkung gattunni. Situru sibawa paréntana arungngé, iyaro kajajiyangngé riyokini ri laleng kitta sejarana akkarungengngé.

ESTER 6:1

Iyatoro wennié dé' naulléi matinro arungngé. Rimakkuwannanaro naéllauni riyalang kitta catatang sejarana akkarungengngé sibawa suroi tauwé bacangengngi.

ESTER 8:15

Purairo nasalaini Mordékhai saorajaé sibawa paké pakéyang arajang magawu sibawa puté, jumba collipao polé ri lénang alusu'é sibawa passigera ulaweng iya magello senna'é. Gora-gora kota Susan nasaba rennunna.

ESTER 8:2

Naludunni arungngé ciccinna iya nalaé paimeng polé ri Haman nanawéréngngi Mordékhai. Sibawa riyakkani Mordékhai ri Ester mancaji panguwasana waramparanna Haman.

ESTER 9:4

Ri sininna akkarungengngé naisseng tauwé makkedaé mappangaru senna'i Mordékhai ri saorajaé sibawa pédé makuwasa towi.

MAZMUR 18:35

Nalatika untu' mammusu, angkanna uwulléi paggettengngi pana iya kaminang mawatangngé.

DANIEL 2:48

Nainappa nawéréng Daniél tudangeng iya matanré, nawérénni maéga hadiya iya magelloé, sibawa naakkai mancaji gubernurna Babél, enrengngé napancajiwi pamimping kaminang matanré lao ri sininna pappangajana saorajaé.