ESTER 1:3 - KITTA KAREBA MADECENG

³ Ri taung matellué apparéntanna, pakangkai Arung Ahasywéros pésta marowa untu' sininna tomarajana sibawa pegawénna. Sining pallima Persiaé sibawa Média engka towi ri péstaéro, makkuwatoro sining gubernur-é sibawa pajaba tanréna propinsié.

ESTER 1:3 ပူးပေါင်းရင်းမြစ်များ

KAJAJIYANG 40:20

Tellungngesso ri munrinna iyanaritu esso ajajingenna arungngé, nanapakangka pésta battowa untu' sininna pegawénna. Napparéntanni kuwammengngi pangurusu énungengngé sibawa pangurusu rotié ripassui polé ri tarungkué sibawa ritiwii ri yolona sininna pegawé saorajaé.

1 ARUNG-NGARUNG 3:15

Moto'nana, mainge'ni Salomo makkedaé purani Allataala mabbicara lao ri aléna ri laleng nippi. Nanalisuna ri Yérusalém natettong ri yolona Petti Assijancinna Puwangnge sibawa makkasuwiyangeng akkarobangeng ritunu sibawa akkarobangeng pappasidamé. Nainappa pakangka pésta untu' sininna pegawénna.

EZRA 1:2

“Iyanaé paréntana Korésy, arung Persia. Puwangnge, Allataala makuwasa ri surugaé pura pancajika arung ri sininna linoé, sibawa suroka untu' patettongengngi bola ri Yérusalém ri daéra Yéhuda.

ESTER 1:14

Sining pappangaja iya kaminang biyasaé naobbi arungngé iyanaritu: Karséna, Sétar, Admata, Tarsis, Mérés, Marséna sibawa Mémukan. Mennang iyanaritu pajaba-pajaba Persia sibawa Média iya mappunnaiyé tudangeng kaminang matanré ri akkarungengngé.

ESTER 1:4

Enneng uleng ittana nappaitang arungngé asugirenna saorajana sibawa akessingenna enrengngé arajanna akkarungenna.

ESTER 2:18

Purairo, pakangkani arungngé pésta selaku pappakalebbi lao ri Ester sibawa mundangngi sininna pegawé enrengngé tomarajana. Nappallebbangenni esso appésaungengngé ri sininna akkarungengngé sibawa bagé-bagé hadiya sibawa maona.

ESTER 3:7

Ri taung maseppuloé duwa apparéntanna Arung Ahasywéros, ri uleng séddinna, iyanaritu uleng Nisan, nasuroni Haman mundiwi iya riyasengngé “purim” untu' missengngi esso sibawa uleng kégaénna coco untu' pajoppai niya'na iya majaéro. Na ripattette'na tanggala seppulo tellu uleng seppulo duwa, iyanaritu uleng Adar.

YESAYA 21:2

Lolongekka pakkitang passalenna kajajiyang-kajajiyang iya mappakatau-taué; passalenna abali'bellarengngé sibawa appabbinasangngé. Alluruno, tentara Elam, gasai! Eh tentara Madai, keppungngi! Napappajai matu Allataala sininna anrasa-rasang iya napapolé Babél.

YEREMIA 51:11

Puwangnge pura pakiri-kiriwi arung-ngarung Média, nasaba maéloi mancuru'i Babél. Iyanaro cara-Na mpale'i pangkaukenna sining tau iya mancuru'éngngi Bola-Na. Napparéntanni sining kapalana pasukang paggasaé, “Tarengiwi ana' panamu! Passadiyai kaliyawoé!

DANIEL 5:1

Ri séuwaé esso naundangngi Arung Bélsyazar sisebbu tomaraja untu' hadérékiwi péstana iya marowaé, sibawa ménum-ménung anggoro.

DANIEL 5:28

ritawa; akkarungenna Puwakku ritawai sibawa riyabbéréyang lao ri tau Médiaé sibawa Persiaé.”

DANIEL 6:1

Puranana riyuno Bélsyazar, Darius tau Médiaé sittaiwi kadéra akkarungengngé. Iyaro wettué umuru'na enneng pulona duwa taung.

DANIEL 8:20

Bimbala lai iya muwitaéro, iya mappunnaiyé duwa tanru, napulambangngi akkarungeng Média sibawa Persia.

MARKUS 6:21

Angkanna lolongenni kasempatang Hérodias ri wettu esso ajajiyanna Hérodés. Iyaro wettué mappéstai Hérodés untu' iya maneng pajaba' tanréna akkarungengngé, sining parawirana sibawa sining tomariyolona masaraka'é ri Galiléa.