DANIEL 9:8 - KITTA KAREBA MADECENG

⁸ Arung-ngarutta, sining pamimpitta sibawa néné-nénéta purani napogau' gau'-gau' iya mappakasiri-sirié sibawa purani madosa lao ri Iko, oh Puwang.

DANIEL 9:8 ပူးပေါင်းရင်းမြစ်များ

2 ARUNG-NGARUNG 21:15

Iya manennaro Upogau'i matu lao ri umma'-Ku nasaba madosai mennang lao ri Iyya sibawa paompoi cai-Ku mappammulai toriyolona massu polé ri Maséré lettu essoéwé.”

2 TAWARIKH 6:37

tennapodo Muwéngkalingai sempajanna mennang. Rékko ri wanuwaéro nasalaiwi mennang dosa-dosana, namassempajang lao ri Iko sibawa mangakui towi makkedaé madosani sibawa pogau'i majaé, éngkalingai sempajanna mennang, oh Puwang.

NEHEMIA 1:6

Itaka oh Puwang, sibawa éngkalingai sempajang iya upaénré'é ri yolo-Mu esso sibawa wenni untu' umma Israél, ata-atam-Muro. Uwangakuiwi makkedaé idi, umma Israélié, madosani; iyya sibawa toriyoloku madosa toni.

YESAYA 64:4

Dé'pa naengka iya méngkalingaéngngi, sibawa dé'pa naengka iya mitaéngngi makkedaé ri lainnaé Iko, engka déwata iya tinda'é, lao ri tau iya mamménasaé ri aléna.

YEREMIA 14:20

Puwang, lao ri Iko bawang puraki madosa. Riyakuiwi dosata muto sibawa dosana toriyolota.

YEREMIA 32:32

nasaba sininna ja iya napogau'é tau Yéhudaé sibawa Yérusaléngngé silaong sining arunna, pajaba pamaréntaé, imangngé, sibawa nabi-nabinna mennang.

YEREMIA 7:19

Iyakiya sitongenna, tenniya Iyya napeddiri, sangadinna aléna muto angkanna masiri mennang.

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 3:42

“Madosaki sibawa maronta'ki lao ri Iko, oh Puwang, na dé' Muwabbéré paddampeng.

AWATINGENG 5:16

Dé'ni gaga abangkaketta, macilakaki nasaba madosaki.

YEHEZKIEL 16:63

Uwaddampengengngi matu sininna asalammu, iyakiya dé' muwulléi mallupaiwi matu sibawa masiriko matu untu' powadai muwi aga. Iyya Puwang Iya Pommatanré pura mabbicara.”

YEHEZKIEL 5:6

Iyakiya Yérusalém purani nasampéyang parénta-Ku na annessana lebbi majai naiya bangsa-bangsa laingngé, mala lebbi dé' namatinulu naiya wanuwa-wanuwaé ri mattulilinna. Najjalékkai Yérusalém parénta-parénta-Ku sibawa dé' namaélo turusiwi hukkung-hukkuk-Ku.”

DANIEL 9:9

Penno-Ko paddampeng sibawa paressé babuwa, namuni puraki méwa-Ko.