DANIEL 9:7 - KITTA KAREBA MADECENG

⁷ Oh Puwang, tuli teppa'i tindakam-Mu sibawa adélé, iyakiya idi tuli mappapoléki asiriseng lao ri aléta, iyanaritu idi maneng iya monroé ri Yudéa sibawa ri Yérusalém nenniya sininna tau sibangsata iya puraé Mupatassiya lao ri wanuwa-wanuwa iya mabélaé sibawa iya macawé'é nasaba dé' mennang namatinulu lao ri Iko.

DANIEL 9:7 ပူးပေါင်းရင်းမြစ်များ

EZRA 9:13

Madosani sibawa riyajjalékkai hukkum-Mu, sibawa purani' Muhukkung. Iyakiya riissengngi, oh Allataala, makkedaé pahukkungeng iya Muwabbéréyangngéro dé' nasittane iya sipato'é ritarima, mala Mupassalama mupi.

EZRA 9:15

Puwang, Allataalana Israélié, adélé'-Ko, namuni makkuwaro muleppessakki tuwo. Riyangakuiwi asalatta ri Iko; dé'gaga ha'ta untu' mangolo ri yolomu.”

NEHEMIA 9:33

Adélé'i tindakam-Mu, Muhukkukki iya madosaé; tette'-Ko matinulu namuni pennoki akurangeng.

MAZMUR 119:137

Adélé'-Ko, oh Puwang, coco'i sininna hukkum-Mu.

MAZMUR 44:15

Mupancajiki bahang assindirikenna bangsa-bangsaé; napaccilic-ciling mennang ulunna nanapakatuna tokki.

MAZMUR 51:14

Ebbuka marennu paimeng nasaba asalamakeng polé ri alé-Mu, wérékka ati iya macenningngé untu' matinulu ri Iko.

MAZMUR 51:4

Bissaini sininna jaku; pépaccingika polé ri dosaku.

YESAYA 11:11

Ri essoéro siseppi napakéi matu akuwasanna Puwangnge sibawa tiwii lisu umma'-Na iya nasésaé ri Asyur sibawa Maséré, ri wanuwa-wanuwa Patros, Sudan sibawa Elam, ri Babél, Hamat sibawa pulo-pulo iya mabélaé.

YESAYA 45:16

Sininna tau iya mébbué dato-dato barahala; ripakasirii matu sibawa ripakatuna.

YEREMIA 12:1

“Rékko upangoloi iyaé parakaraku ri yolo-Mu, oh Puwang, tentu pabuttiwi matu makkedaé Iko ritu tongeng. Iyakiya macinna tokka makkutangngi ri Iko passalenna adélékengngé: Magi namadécéng tau majaé? Magi mala tau dé'é namalempu lolongeng wassélé?

YEREMIA 23:6

Rékko mapparéntai, salama'i matu tau Yéhudaé, sibawa tuwoi matu tau Israélié sibawa amang. Iyaro arungngé riteppui matu ‘Puwangnge Asalamaketta.’

YEREMIA 24:9

Maélo-Ka cilakaiwi mennang makkuwa mani rupanna angkanna métau sininna bangsaé ri sininna linoé. Kégi-kégi Upatassiya-siya mennang, riyéllé'i matu mennang, ripancaji addicawang sibawa ribuwé'. Ripakéi matu asenna mennang selaku tanro.

YEREMIA 3:25

Jaji, leppessanni idi tanggungngi sirié, sibawa leppessanni mancaji matuna. Saba', idi sibawa toriyolota madosani lao ri Puwang Allataalata, sibawa dé' naengka naturu lao ri parénta-parénta-Na.”

YEREMIA 32:32

nasaba sininna ja iya napogau'é tau Yéhudaé sibawa Yérusaléngngé silaong sining arunna, pajaba pamaréntaé, imangngé, sibawa nabi-nabinna mennang.

YEREMIA 33:16

Tau Yéhudaé sibawa pabbanuwana Yérusalém ripassalama'i matu sibawa tuwoi amang. Riyasengngi matu kota Yérusalém ‘Puwangnge Pappassalama'-Ta’.

YEREMIA 4:17

sibawa keppungngi Yérusalém pada-pada tau jagaiyéngngi dare'é. Iya manennaro kajajiyangngi nasaba maronta'ni bangsa Yéhudaé lao ri Puwangnge. Puwangnge pura mabbicara.

YEREMIA 7:19

Iyakiya sitongenna, tenniya Iyya napeddiri, sangadinna aléna muto angkanna masiri mennang.

YEHEZKIEL 16:63

Uwaddampengengngi matu sininna asalammu, iyakiya dé' muwulléi mallupaiwi matu sibawa masiriko matu untu' powadai muwi aga. Iyya Puwang Iya Pommatanré pura mabbicara.”

YEHEZKIEL 36:31

Maréngngerakko matu lao ri ampé-ampému iya majaé sibawa tindakammu iya dé'é nasitinajaro, nainappako mancaji maciddi ri alému muto nasaba dosa-dosamu sibawa atunammuro.

YEHEZKIEL 5:10

Nanréi matu tomatowaé ana' ri aléna sibawa ana'é nanréi matu tomatowanna. Makkuwaniro mennang Uhukkung matu, na iya tuwoé mupa Upassara-sarangngi lao ri sininna sulapa'é.

YEHEZKIEL 6:12

Napérasai manengngi matu ajjallo'na cai-Ku. Sining tau iya mabélaé ri appalirengngé nakennai matu lasa namaté; iya macawé'é matéi matu ri laleng musué, na sésana matéi matu alupureng.

DANIEL 9:14

Iko, oh Puwang Alltaalata, pura hukkukki sibawa abala iya puraé Mupassadiya; tindakam-Mu tuli coco'i sibawa adélé, iyakiya idi dé' taéngkalingai saddam-Mu.

DANIEL 9:18

Engkalingaki, Oh Allataala, tangngaki sibawa pénessaiwi anrasa-rasatta enrengngé asolangenna kota iya riteppué sibawa asem-Mu. Massempajakki lao ri Iko tenniya nasaba jasa-jasata, sangadinna nasaba pennoko paressé babuwa.

DANIEL 9:8

Arung-ngarutta, sining pamimpitta sibawa néné-nénéta purani napogau' gau'-gau' iya mappakasiri-sirié sibawa purani madosa lao ri Iko, oh Puwang.

AMOS 9:9

Mabbéré-Ka matu parénta sibawa tapiwi bangsa Israélié pada-pada tauwé mattapi gandong ri laleng pattapié. Untu' paddésu'i sininna iya dé'é nakkéguna ri yelle'na mennang, Upasigaru-garui matu mennang ri yelle'na bangsa-bangsaé.

ROMA 6:21

Iyaro wettué asarong aga mutarima polé ri gau'-gau' iya makkekkuwangngéwé muposiri pogau'i? Iyaro sining pangkaukengngé banna tiwi amaténg!

ULANGENG 32:4

Puwangnge Pangéwangemmu iya baranié, sukku winru-Na, sibawa adélé sininna lalen-Na. Matinulu Allataalaku, dé'gaga acéko-cékong ri Aléna, Napogau'i iya makessingngé sibawa tongengngé.

ULANGENG 4:27

Napassara-sarakko matu Puwangnge ri yelle'na bangsa-bangsa laingngé na banna céddé bawang matu ri yelle'mu iya tette'é tuwo.