DANIEL 9:5 - KITTA KAREBA MADECENG

⁵ Purani madosaki, purani ripogau' majaé, sibawa pogau' asalang. Purani maronta'ki sibawa majjalékkaiwi parénta-Mu enrengngé léssé polé ri atoreng-atorem-Mu.

DANIEL 9:5 ပူးပေါင်းရင်းမြစ်များ

2 ARUNG-NGARUNG 18:12

Sempé'i Samaria nasaba tau Israélié dé' namatinulu lao ri Puwangnge, Allataalana mennang. Nassakkarengngi mennang assijancing iya naébbué Puwangnge sibawa mennang, nenniya najjalékkaiwi sininna paréntana Musa, atan-Na. Dé' namaélo mennang maréngkalinga sibawa turu.

2 ARUNG-NGARUNG 21:15

Iya manennaro Upogau'i matu lao ri umma'-Ku nasaba madosai mennang lao ri Iyya sibawa paompoi cai-Ku mappammulai toriyolona massu polé ri Maséré lettu essoéwé.”

EZRA 9:6

Makkedaka, “Oh Allataalaku, masirika makkai ulukku ri yolo-Mu. Maggopponi dosata ri tompo ulutta angkanna nagéssa langié.

MAZMUR 106:6

Purani madosa pada-pada toriyolota; purani pogau'i majaé sibawa madoraka.

MAZMUR 119:102

Dé' utettangngi hukkum-Mu, saba' Iko ritu pagguruka.

MAZMUR 119:176

Pusaka pada-pada bimbala iya teddéngngé, poléni, sibawa sappai atam-Mué, saba' dé' utettangngi sining parénta-Mu.

MAZMUR 18:21

Nawale'i Puwangnge pangkaukekku iya tongengngé; Nabarakkakika nasaba dé' upasala.

YESAYA 53:6

Pusa manekki pada-pada bimbala'é, tungke-tungke sappai lalenna muto. Puwangnge pura patakkennai ri aléna jata maneng.

YESAYA 59:13

Massakkani sibawa maronta lao ri Puwangnge, sibawa dé' tamaélo maccowériwi Allataalata. Purani ritenre tau laingngé sibawa kédo sala; pusai pikkiratta, sibawa ada-adatta belléi.

YESAYA 64:4

Dé'pa naengka iya méngkalingaéngngi, sibawa dé'pa naengka iya mitaéngngi makkedaé ri lainnaé Iko, engka déwata iya tinda'é, lao ri tau iya mamménasaé ri aléna.

YEREMIA 14:20

Puwang, lao ri Iko bawang puraki madosa. Riyakuiwi dosata muto sibawa dosana toriyolota.

YEREMIA 14:7

Mangobbii umma'-Ku, ‘Puwang, namuni dosata tenre'ki iyakiya tulukki situru sibawa jancim-Mu. Purano risalai makkolik-koling; tongeng, madosaki lao ri Iko.

YEREMIA 3:25

Jaji, leppessanni idi tanggungngi sirié, sibawa leppessanni mancaji matuna. Saba', idi sibawa toriyolota madosani lao ri Puwang Allataalata, sibawa dé' naengka naturu lao ri parénta-parénta-Na.”

YEREMIA 30:14

Sininna canrimmu nallupaino; dé'na mennang namaélo pikkiri'i alému. Pada-pada balié pura-Ka maggasa nenniya hukkukko sibawa mabecco, nasaba maéga ritu dosamu sibawa battowai asalammu.

YEREMIA 44:3

Kajajiyangngi iyaro gau'é nasaba madosai pabbanuwana, angkanna naébbu-Ka macai. Makkasuwiyangngi mennang akkarobangeng sibawa mattumaniwi lao ri déwata-déwata iya dé'éppa naengka nasompai mennang, iko iyaré'ga toriyolomu.

AWATINGENG 1:18

Iyakiya Puwangnge ritu iya tongengngé, saba' purani uwajjalékkai parénta-Na. Engkalingaka, éh bangsa-bangsa, itaka ri laleng anrasa-rasangngé. Sining kalloloku sibawa ana'daraku ritawangngi, sibawa ritiwi lao ri appalirengngé.

AWATINGENG 1:20

Oh Puwang! Pénessaika, manennengngi atikku sibawa kacau, ancuru'i nasaba adorakakku riyolo. Engka abbunowang risining lalengngé, ri lalempolaé engka amaténg.

AWATINGENG 3:42

“Madosaki sibawa maronta'ki lao ri Iko, oh Puwang, na dé' Muwabbéré paddampeng.

YEHEZKIEL 5:6

Iyakiya Yérusalém purani nasampéyang parénta-Ku na annessana lebbi majai naiya bangsa-bangsa laingngé, mala lebbi dé' namatinulu naiya wanuwa-wanuwaé ri mattulilinna. Najjalékkai Yérusalém parénta-parénta-Ku sibawa dé' namaélo turusiwi hukkung-hukkuk-Ku.”

YEHEZKIEL 6:9

kuwaniro mennang tuwo ri laleng appalirengngé. Nainappa naéngngerak-Ka matu mennang enrengngé najeppuinna makkedaé Iyya pahukkung sibawa pakatunai mennang saba' atinna mennang dé' namatinulu lao ri Iyya. Nasalaina mennang sibawa piléi barahalaé selaku passullé-Ku. Nainappa majai matu pappéneddinna mennang lao ri aléna muto mennang nasaba sininna ja sibawa atunang iya puraé napogau' mennang.

DANIEL 9:11

Sininna Israélié purani najjalékkai hukkung-hukkum-Mu sibawa dé' namaélo méngkalingai saddam-Mu. Madosaki lao ri Iko, narimakkuwannanaro Mupakennaiki tanro iya tarokiénna ri laleng Kitta'na Musa, atam-Mu.

DANIEL 9:15

Oh Puwang, Allataalata, purani Muwappaitang akuwasam-Mu sibawa tiwii umma'-Mu massu polé ri Maséré, na iyaro akuwasam-Mu tette mupi risénge. Purani madosaki sibawa pogau' asalang.

DANIEL 9:9

Penno-Ko paddampeng sibawa paressé babuwa, namuni puraki méwa-Ko.

HOSEA 1:2

Wettunna bunge'-bunge' mabbicara Puwangnge lao ri bangsa Israélié sibawa naolaka, makkedai Puwangnge, “Hoséa, kawingiwi séddi tau iya pojiyéngngi maccakkuribang, na ana'-ana'mu mancaji towi matu pada-pada aléna. Umma'-Ku pada-padai bainémuro; dé' namatinulu mennang lao ri Iyya, sibawa nasalai-Ka.”

MALEAKHI 3:7

Pada-pada toriyolomu riyolo, léssé manenno polé ri hukkung-hukkuk-Ku sibawa dé' mumatinulu pajoppai. Lisuno ri Iyya, na-Ulisuto lao ri iko. Iyakiya makkutanako, ‘Aga harusu ripogau' untu' lisu ri Iko?’

IBRANI 3:12

Saudara-saudara, atutuko aja' lalo naengka ri yelle'mu séddi tau iya maja makkuwaéro atinna enrengngé dé' namateppe', angkanna balé'i sibawa mabélaiwi Allataala iya tuwoé!