DANIEL 9:4 - KITTA KAREBA MADECENG

⁴ Uwakuiwi dosana sininna bangsaku lao ri Puwang Allataalaku. Adakku, “Puwang Allataala, marajaki, na Idi pakalebbiki. Tuli Murupaiwi assijancim-Mu sibawa mappaitangngi pammasé-Mu iya mannennungengngé lao ri mennang iya mamaséiyék-Ko sibawa pogau'i aga iya Muwapparéntangngé.

DANIEL 9:4 ပူးပေါင်းရင်းမြစ်များ

1 ARUNG-NGARUNG 8:23

namassempajang, “Puwang, Allataalana Israélié! Ri langié iyaré'ga ri linoé dé'gaga iya pada-padangngék-Ko! Murupaiwi jancim-Mu sibawa mappaitangngi pammasé-Mu lao ri umma'-Mu iya matinulué sibawa mapatoé sukku atinna lao ri Iko.

2 TAWARIKH 7:14

nainappa umma'-Ku iya pakééngngi asek-Kuro pakariyawai aléna, namassempajang sibawa lao ri Iyya enrengngé nasalaiwi pangkaukenna mennang iya majaé, na polé ri surugaé Uwéngkalingai matu sempajanna mennang. Uwaddampengengngi matu dosa-dosana sibawa pancajiwi wanuwanna macommo paimeng.

EZRA 10:1

Wettunna Ezra massempajang naterito sibawa mangaku dosa ri yolona Bolana Puwangnge, maéga senna tau Israél polé maddeppungeng, muwi worowané, iyaré'ga makkunrai sibawa ana'-ana'. Nattulilingiwi mennang naterito maladde.

NEHEMIA 1:5

“Oh Puwang Allataala makuwasaé ri surugaé. Idi Allataala Iya Marajaé namangoloki ri idi sibawa penno tau. Tette'ki matinulu sibawa makkatenningngi jancim-Mu lao ri tau iya méloriyék-Ko sibawa turusiyéngngi parénta-Mu.

NEHEMIA 9:32

Oh Allataala, Allataalata iya mawatangngé! Allataala iya battowaé namasero! Matinulu-Ko makkatenningngi sininna assijancingngé; janci-jancim-Mu Murupaiwi sibawa Mupogau'i. Sipongenna arung Asyur tenre'ki lettu makkekkuwangngé, maéga anrasa-rasang ripéneddingi. Sining arutta, imangngé, nabié sibawa sining tomariyoloé, makkuwatoro sining toriyoloé sibawa ra'ya'é, pura manenni manrasa-rasa. Aja' Muwallupaiwi sininna anrasa-rasangngéro! Aja' Muwallupaiwi polé ri paréngngeram-Mu!

MAZMUR 32:5

Nainappa uwangakui dosaku lao ri Iko, dé'gaga usubbu asalakku. Upettuini untu' mangakuiwi lao ri Iko, sibawa Muwaddampengengngi sininna dosaku.

ASSURENG 20:6

Iyakiya Uwappaitangngi pammasé-Ku lao ri massebbu-sebbu assossorenna sining tau iya méloriyékka sibawa turusiwi parénta-Ku.

YEREMIA 3:13

Angakui bawanni makkedaé pasalako sibawa purano maronta lao ri Puwangnge, Allataalamu. Angakuini makkedaé ri yawana tungke aju maworongngé purani muwabbéréyang pappojimmu lao ri déwata-déwatana bangsa laingngé, sibawa dé' muturusiwi parénta-parénta-Ku. Iyya, Puwang pura mabbicara.”

YEREMIA 32:23

Iyakiya wettunna mennang lettu ri wanuwaéwé sibawa sittaiwi, dé' naturusiwi mennang parénta-parénta-Mu, sibawa dé' natuwo situru sining pappagguruwam-Mu. Sininna iya Muparéntangngéngngi mennang dé' muwi séddi iya napogau'é mennang. Rimakkuwannanaro Mupapoléi sininna abalaéwé ri yasé'na mennang.

DANIEL 6:10

Nanatékénni Arung Darius sure' paréntaéro.

DANIEL 9:3

Nainappa massempajakka sibawa mattonget-tongeng lao ri Puwang Allataala, sibawa méllauwi paressé babuwana. Mappuwasa tona sibawa paké kaing karung enrengngé tudang ri tompo'na awué.

LUKAS 1:72

Untu' mappaitangngi asémpowatin-Na lao ri toriyolota, jancin-Na iya mapaccingngéro Narupaiwi matu.

ROMA 8:28

Taisseng makkedaé Allataala matoro'i sininna gau'é, angkanna napowassélé iya makessingngé untu' sining tau iya mamaséiyéngngi sibawa iya Naobbié situru rancana-Na.

ULANGENG 5:10

Iyakiya Uwappaitangngi pammasé-Ku lao ri massebbu-sebbu assossoreng polé risining tau iya pojiyékka sibawa turusiwi parénta-Ku.

ULANGENG 7:12

“Rékko mupuriyatiwi iyaro parénta-paréntaé, sibawa pogau'i sibawa matinulu, matinulu towi matu Puwang Allataalamu lao ri assijancing iya Naébbué sibawa iko. Nappaitangngi matu pammasé-Na iya tette'é ri iko, pada-pada iya Najjanciyangngé lao ri toriyolomu.

ULANGENG 7:21

Jaji aja' mumétau lao ri bangsa-bangsaéro. Puwang Allataalamu linrungiko. Aléna iyanaritu Allataala iya marajaé sibawa maseroé.

ULANGENG 7:9

Engngerangngi makkedaé Puwang Allataalamu iyanaritu séddi-séddinna Allataala, na Aléna Allataala iya matinulué. Puwangnge pennoiwi jancin-Na sibawa mappaitangngi pammasé-Na iya tette'é narapi sisebbu assossoreng lao ri tau iya pojiyéngngi sibawa turusiwi parénta-parénta-Na.

YAKOBUS 1:12

Masennangngi tau iya mattahangngé ri wettunna péneddingi paccobang. Saba' rékko naulléi mattahang ri laleng paccobangngé, natarimai matu sarona, iyanaritu atuwong iya puraé najjanciyang Allataala lao risining tau iya mamaséiyéngngi Allataala.

YAKOBUS 2:5

Engngerangngi, Saudara-saudara iya ripojiyé! Tau iya nangga'é kasiyasi linoéwé, napiléi Allataala untu' mancaji sining tau iya sugié ri laleng teppe'. Iyaro sining tauwé mancajiwi matu anggota umma'na Allataala pada-pada iya najjanciyangngé Allataala lao ri tau iya mamaséiyéngngi Aléna.