DANIEL 9:3 - KITTA KAREBA MADECENG

³ Nainappa massempajakka sibawa mattonget-tongeng lao ri Puwang Allataala, sibawa méllauwi paressé babuwana. Mappuwasa tona sibawa paké kaing karung enrengngé tudang ri tompo'na awué.

DANIEL 9:3 ပူးပေါင်းရင်းမြစ်များ

2 SAMUEL 12:16

Namassempajanna Daud lao ri Puwangnge kuwammengngi namajjappa iyaro ana'é. Mappuwasani sibawa tungke' wenni léwui puppu benni ri témbo'na bili'na.

EZRA 10:6

Puranana mennang mattanro, laoni Ezra polé ri yolona Bolana Puwangnge nanauttama ri onrong naonroiyé Yohanan ana' Elyasib nanabbenni kuwaro. Dé' namaélo manré iyaré'ga ménung nasaba messéi pikkiri'i pangkaukenna sining tau ripaliéro.

EZRA 8:21

Na ri wirinna Salo Ahawaro uwappallebbangenni makkedaé harusu manengngi mappuwasa sibawa pakariyawai aléna ri yolona Allataala. Massempajakki kuwammengngi napimpikki Allataala ri laleng allalengengngéro, nenniya nalinrungiki, ana'-ana'ta sibawa sininna appunnangetta.

EZRA 9:5

Wettunna akkarobangeng arawéngngé mappammula riyakkasuwiyangeng, tettonna polé ri onrokku messéro sibawa nasibawang pakéyang iya sapé'é, suju'ka sibawa tanréyangngi limakku lao ri Puwang Allataalaku.

NEHEMIA 9:1

Ri tanggala duwappulona eppa ulengngéttoro, maddeppungenni ra'ya' Israélié. Mappuwasani mennang untu' mappaitangngi assesekalénna lao ri dosa-dosana. Napallainni aléna polé ri sininna tau laingngé. Selaku tanrang masussa, pakéi mennang kaing karung sibawa guguriwi ulunna tana. Nainappa mennang tettong sibawa mangakuiwi sininna dosana sibawa dosana toriyolona mennang.

ESTER 4:16

“Paddeppungengngi sininna tau Yahudi iya engkaé ri Susan untu' masempajangekka. Aja' naanré sibawa ménung tellungngesso tellumpenni ittana. Aléku paimeng sibawa sining ana'dara pattumanikku mappuwasa towi matu. Purairo mangoloka matu ri arungngé, namuni iyaro majjalékkai undang-undang. Rékko harusu'ka maté nasaba iyaro, leppessakka maté!”

AYUB 42:6

Rimakkuwannanaro masirika méngngerangngi sininna ada-adakku nanasibawang sessekalé tudakka ri laleng awué.”

MAZMUR 35:13

Wettunna mennang malasa, messéka sibawa temmanré; massempajakka sibawa pacannunnui ulué,

YESAYA 22:12

Ri wettuéro Puwang Iya Pommatanré sibawa Pommakuwasaé suroko teri sibawa mpating, maccukkuru gemme sibawa paké kaing karung.

YEREMIA 33:3

“Angobbino ri Iyya, na Umetté matu; Upaissengiko matu gau'-gau' iya magelloé sibawa mappabengngaé iya dé'éppa muwissengngi.

YEHEZKIEL 36:37

Makkedai Puwang Iya Pommatanré, “Eh bangsa Israélié, Upalalosiko méllau tulung ri Iyya; Utambaiwi matu jumellamu pada-pada bimbala makkonrongngé.

DANIEL 6:10

Nanatékénni Arung Darius sure' paréntaéro.

DANIEL 9:20

Matteruka massempajang sibawa mangakuiwi dosaku sibawa dosana bangsaku Israélié, enrengngé méllauwi ri Puwang Allataalaku untu' palisui Bola-Na iya mapaccingngé.

DANIEL 9:4

Uwakuiwi dosana sininna bangsaku lao ri Puwang Allataalaku. Adakku, “Puwang Allataala, marajaki, na Idi pakalebbiki. Tuli Murupaiwi assijancim-Mu sibawa mappaitangngi pammasé-Mu iya mannennungengngé lao ri mennang iya mamaséiyék-Ko sibawa pogau'i aga iya Muwapparéntangngé.

YOEL 1:13

Eh sining imang iya mattumaniyé ri mézbaé, pakéi kaing karungngé, sibawa terino. Uttama'no ri Bolana Puwangnge untu' mpating puppu benni, saba' dé'gaga akkarobangeng anggoro sibawa gandong untu' Allataalamu.

YOEL 2:12

Makkedai Puwangnge, “Iyakiya makkekkuwangngéwé, lisuno ri Iyya sibawa sukku ati, sibawa mappuwasa, mpating nenniya teri.

YUNUS 3:5

Mateppe'ni pabbanuwana Niniwé ri pasenna Allataalaro. Napettuini sininna ra'ya'é untu' mappuwasa, sibawa sininna tauwé, battowa iyaré'ga baiccu, pakéi kaing karung untu' mappaitangngi makkedaé nasesse'i mennang dosa-dosana.

MATIUS 17:21

Iyakiya sétang makkuwaéwé, banna weddingngi ripassu ri sempajangngé sibawa puwasaé bawang.]”

LUKAS 2:37

namancaji janda Hana, na makkekkuwangngé umuru'na aruwani pulona eppa taung. Dé' naengka nasalaiwi Bolana Puwangngé. Esso wenniwi massompa kuwaro lao ri Allataala massempajang sibawa mappuwasa.

RIWAYA'NA RASUL-RASUL-E 10:30

Nappébali Kornélius, “Tellungngesso labe'é, kira-kira wettu pada-padaéwé, massempajakka ri bolaku ri tetté tellu arawéngngé. Tappa engka séddi tau worowané tettong ri yoloku. Pakéyanna iyaro tauwé lala'-lala'.