DANIEL 8:9 - KITTA KAREBA MADECENG

⁹ Polé ri sala séddinna tanru'éro tuwoi tanru baiccu, iya mancaji maloppo senna'é sibawa akuwasanna mallowangengngi mattuju ri yattang, mattuju ri alau sibawa mattuju ri tana iya magelloé.

DANIEL 8:9 ပူးပေါင်းရင်းမြစ်များ

MAZMUR 105:24

Puwangnge mébbui umma'-Na tattamba maéga, angkanna lebbi mawatang mennang naiya balinna.

MAZMUR 48:2

Maraja tongeng Puwangnge sibawa ripoji senna ri Kotana Allataalata, ri bulu-bulu iya mapaccingngé.

YEREMIA 3:19

Makkedai Puwangnge, “Israélié, macinna-Ka tarimako selaku ana'-Ku, sibawa mpérékko wanuwa iya pasennangiyé, wanuwa iya kaminang makessingngé ri sininna linoé. Macinna-Ka muteppu Ambo', sibawa dé'na mulari polé ri Iyya.

YEHEZKIEL 20:15

Ri padang kessi'éttonaro mangancak-Ka makkedaé bangsa Israélié dé' Utiwii matu muttama ri tana iya puraé Upassadiya untu' mennang, tana iya sugié sibawa macommo nenniya iya kaminang makessingngé ri sininna linoé.

YEHEZKIEL 20:6

Iyaro wettué mattanro-Ka maélo tiwii mennang massu polé ri Maséré mattuju ri wanuwa iya Upilé untu' mennang. Iyaro wanuwaé sugi sibawa macomo, tana iya kaminang makessingngé ri sininna linoé.

DANIEL 11:16

Napogau'i matu siyélonaé arunna wanuwa manorang na dé'gaga méwai muwi céddé. Natudangi towi matu tana iya magelloé sibawa makuwasai manengngi.

DANIEL 11:21

Makkedasi iyaro malaéka'é, “Arung rappina iya paréntaéngngi wanuwa manorang iyanaritu séddi tau matuna iya dé'é nappunnai ha' mancaji arung. Iyakiya poléi matu tennasenna-senna sibawa sittaiwi tudangenna arungngé sibawa bellé.

DANIEL 7:8

Ri wettu upénessainna tanru-tanru'na, tappa tuwoi séddi tanru laing ri yelle'na. Iyaro tanru'é baiccu'i, iyakiya naulléi redde'i sibawa bébbui tellu tanru ri yelle'na tanru-tanru iya bunge'-bunge'éro. Iyaro tanru baiccu'é mappunnaiwi mata pada-pada mata tolinoé nenniya bawa iya mabboroé sibawa matempo.

ZAKHARIA 7:14

Pada-padai anginrajaé, purai Usaring mennang angkanna tarapassai mennang monro ri wanuwa-wanuwa laingngé. Tana iya macommo'éwé mancajini masino-sino dé' monroiwi sibawa makabuttu.”