DANIEL 8:8 - KITTA KAREBA MADECENG

⁸ Iyaro bémbé laié pédé maloppoi. Iyakiya wettunna lettu ri coppo akuwasanna, poloni tanru'na iya maloppoéro, nainappa ri onrongngéro tuwoi eppa tanru iya ciccaé, tungke'-tungke' majjello'i lao ri onrong iya silaingengngé.

DANIEL 8:8 ပူးပေါင်းရင်းမြစ်များ

2 TAWARIKH 26:16

Mawatannana Arung Uzia, mancaji matemponi, na iyaro gau'é nassabariwi ancurukenna. Najjalékkaiwi paréntana Puwang Allataalana nasaba nauttamakiwi Bolana Puwangnge untu' mattunu dupa ri yasé'na mézba dupaé.

ESTER 9:4

Ri sininna akkarungengngé naisseng tauwé makkedaé mappangaru senna'i Mordékhai ri saorajaé sibawa pédé makuwasa towi.

YEREMIA 49:36

Maélo-Ka masseppungeng anging lao ri Elam polé risininna sulapa'é, sibawa patassiya-siyai pabbanuwana lao kégi-kégi angkanna dé' muwi séddi wanuwa iya dé'é nalokkaiwi pangungsi-pangungsi polé ri Elamro.

YEREMIA 5:27

Pada-pada pattikkeng manu'-manu'é lisekiwi jebba'na sibawa manu'-manu', makkuwatoniro mennang lisekiwi bolana sibawa barab-barang wassélé pabengnguwang. Makkuwaniro mennang mancaji makuwasa sibawa sugi

YEHEZKIEL 16:7

Uwala uwai nainappa Ubissai daraé polé ri tubummu. Ugoso'i olimu sibawa minnya zaitun. Upawekke'ko pada-pada tanet-taneng iya macommo'é. Tuwoko masitta, madising sibawa matanré, enrengngé mancaji séddi makkunrai lolo. Susummu mammulani maloppo sibawa gemme'mu malampé, iyakiya mallusu-lusuko. Wettuk-Ku lalosi, Uwitani makkedaé narapini wettummu untu' maccanring. Upallebba'i jumbaku ri tubummu iya mallusu-lusué, sibawa Uwajjanciyangngi cinta-Ku lao ri iko. Ya, Usiyo janci akawingeng sibawa iko, namumancaji appunnangek-Ku. Iyya, Puwang Iya Pommatanré pura mabbicara.

YEHEZKIEL 28:9

Nah, rékko narapini iyaro wettué, mullé mupaga powadai makkedaé Allataalako? Ri yolona sining pabbunomu, manessani makkedaé bannako tolino simata.

DANIEL 11:4

Iyakiya ri coppo arajanna, mareppa'i matu akkarungenna sibawa tabbagé-bagé mancaji eppa bagiyang. Arung-ngarung iya tenniyaé wijanna mapparéntai matu selaku passulléna, sibawa dé' matu mennang napada-pada awatangenna aléna.

DANIEL 4:31

Dé'pa napajaka mabbicara wettunna paéngkalinga sadda polé ri langié, “Arung Nébukadnézar, éngkalingai iyaé! Akuwasammu selaku arung riyalani polé ri alému.

DANIEL 5:20

Iyakiya wettunna mancaji matempo, matedde ati sibawa mabecco, ripasempé'i polé ri kadéra akkarungenna angkanna ateddéngeng arajanna.

DANIEL 7:6

Wettukku mattengngang pénessai tonget-tongengngi, momponi olokolo laingngé. Tappana pada-padai macang tutul-é, iyakiya ri lekke'na engka eppa panni manu'-manu', sibawa eppa ulunna. Paitai makuwasa.

DANIEL 8:22

Iya eppa tanru iya mompoé purana tanru iya mammulangngéro polo, bettuwanna makkedaé tabbagé-bagéi matu akkarungeng Yunani mancaji eppa akkarungeng, iyakiya muwi séddi dé'to gaga pada watanna akkarungeng iya bunge'-bunge'éro.

DANIEL 8:5

Ri wettu uwitana, paitai sikaju bémbé lai lari-lari polé ri yajang mappoloiwi linoé. Makkuwamani kencanna lari angkanna ajéna dé' nagéssai tanaé. Ri pallawangenna iya duwa matanna engka séddi tanru cicca.

DANIEL 8:7

Upénessaiwi gasai iyaro bimbala laié. Makkuwamani japperuna angkanna naleppo bimbala laiéro sibawa poloi iya duwa tanru'na. Iyaro bimbala laié dé' pakkullénna untu' méwa. Taddémpe'ni ri tanaé sibawa riléjja'-léjja', na dé' muwi séddi tau mulléi tulungngi.

MATIUS 24:31

Ripaonini matu tarompé' battowaé, nanasuroi matu Ana'na Tolinoé malaéka'-malaéka'-Na paddeppungengngi umma'-Na polé ri eppaé sulapa', polé ri cappa langié séddié lettu ri cappa langié, laingngé.”

MARKUS 13:27

Nasuroi matu malaéka'-malaéka'é untu' paddeppungengngi umma'-Na polé ri eppaé sulapa'na linoé, polé ri cappa'-cappa'na langié.”

ULANGENG 31:20

Maéloka tiwii mennang ri wanuwa iya sugié namacommo, pada-pada iya Uwajjanciyangngé ri néné-nénéna. Kuwaro tuwoi matu sibawa masennang nenniya lolongengngi sininna inanré iya napparelluwangngé. Iyakiya ri munri balé'i matu sibawa massompa déwata-déwata laing. Nasampéyakka matu mennang sibawa massakkarengngi assijancik-Ku,

WAHYU 7:1

Purairo, uwitani eppa malaéka' tettong ri eppaé sulapa'na linoé. Natahanggi mennang iya eppa angingngé ri linoé kuwammengngi aja' naengka anging mangiri ri pottanangngé, iyaré'ga ri tasi'é, iyaré'ga ri aju-kajungngé.