DANIEL 8:5 - KITTA KAREBA MADECENG

⁵ Ri wettu uwitana, paitai sikaju bémbé lai lari-lari polé ri yajang mappoloiwi linoé. Makkuwamani kencanna lari angkanna ajéna dé' nagéssai tanaé. Ri pallawangenna iya duwa matanna engka séddi tanru cicca.

DANIEL 8:5 ပူးပေါင်းရင်းမြစ်များ

DANIEL 11:3

Nainappa mompo matu séddi arung iya poré. Naparéntai matu akkarungeng iya battowa senna'é sibawa napogau'i matu siyélo-élona.

DANIEL 2:32

Ulunna riyébbui polé ri ulaweng tuléngngé, aro sibawa taiyyana poléi ri péra'é, benréng sibawa poncinna poléi ri tembagaé,

DANIEL 2:39

Iyakiya, maccappa'nana akkarungenna Puwakku, mompoi matu akkarungeng laingngé iya dé'e nasilloppo akkarungenna Puwakku. Nainappa mompo ritu akkarungeng matellué iya ripulambangngé ri bagiyang polé ri tembagaé ri dato-dato'éro, iya makuwasaiyéngngi matu sininna linoé.

DANIEL 7:6

Wettukku mattengngang pénessai tonget-tongengngi, momponi olokolo laingngé. Tappana pada-padai macang tutul-é, iyakiya ri lekke'na engka eppa panni manu'-manu', sibawa eppa ulunna. Paitai makuwasa.

DANIEL 8:21

Iyaro bémbé laié napulambangngi akkarungeng Yunani, na tanru iya ciccaé ri yelle'na iya duwa matannaro iyanaritu arunna mammulangngé.

DANIEL 8:6

Iyaro bémbé laié naddeppériwi bimbala lai iya uwitaé ri wiring saloéro, nainappa malluru lao ri onronna sibawa majapperu.

DANIEL 8:8

Iyaro bémbé laié pédé maloppoi. Iyakiya wettunna lettu ri coppo akuwasanna, poloni tanru'na iya maloppoéro, nainappa ri onrongngéro tuwoi eppa tanru iya ciccaé, tungke'-tungke' majjello'i lao ri onrong iya silaingengngé.