DANIEL 8:4 - KITTA KAREBA MADECENG

⁴ Uwitai iyaro bimbala laié mattanru lao ri yajang, manorang sibawa yattang. Dé' muwi séddi olokolo iya tahangngé moloiwi iyaré'ga leppe polé ri akuwasanna. Napogau'i siélo atinna sibawa mancaji matempoi.

DANIEL 8:4 ပူးပေါင်းရင်းမြစ်များ

1 ARUNG-NGARUNG 22:11

Sala séddinna polé ri nabi-nabiéro, iya riyasengngé Zédékia ana' Kenaana, mébbu tanru-tanru bessi nainappa makkeda lao ri Ahab, “Iyanaé napowada Puwangnge, ‘Nasibawang tanru-tanru pada-padaéwé nahantangngi matu Datu Siria sibawa mancuru'i mennang.’ ”

AYUB 10:7

Sitongenna Muwisseng sibawa maingé, makkédaé dé' upasala, iyakiya tongeng. Muwisseng makkedaé muwi séddi tau dé'to namampu passalama'ka polé ri limam-Mu.

MAZMUR 44:5

Iko ritu Arukku sibawa Allataalaku, iya mabbéré apakalang lao ri umma'-Mu.

MAZMUR 50:22

Pénessaini, iko mallupaiyéngngi Allataala; jagaiwi aja' narapiko Upabbinasa, na dé'gaga mappassalama.

MAZMUR 7:2

Oh Puwang Allataalaku, mallinrukka ri Iko; passalama'ka sibawa leppessakka polé ri sininna tau iya lellungngékka.

YEHEZKIEL 34:21

Muredde'i sibawa mutanru'i bimbala iya malasaé angkanna rilellung polé ri konronna bimbala'é.

DANIEL 11:16

Napogau'i matu siyélonaé arunna wanuwa manorang na dé'gaga méwai muwi céddé. Natudangi towi matu tana iya magelloé sibawa makuwasai manengngi.

DANIEL 11:36

Arunna wanuwa manorang napogau'i matu siyélo atinna. Nasibawang atempong makkedai matu makkedaé lebbi battowai naiya muwi déwata niga, mala lebbi battowa towi naiya Allataala Iya Pommatanré. Naulléi matu pogau'i makkuwaéro narapi maccappa caina Allataala. Saba' aga iya puraé napattette Allataala harusu'i kajajiyang riyolo.

DANIEL 5:19

Makkuwamani rajanna, angkanna sining tau polé ri sininna bangsaé, suku bangsaé, sibawa basaé, ténré sibawa métau ri aléna. Rékko macinnai mpunoi tauwé, nauno bawang iyaro tauwé. Rékko maéloi passalama'i séddié tau, napassalama'i tauwéro. Napakatanréi iyaré'ga napakariyawai nigi-nigi situru élona.

DANIEL 5:30

Iyatoro wennié nariyuno Bélsyazar arung Babélro.

DANIEL 7:5

Olokolo iya maduwaé tappana pada-padai beruwangngé. Tettongngi ri iya duwa ajé monrinna, sibawa tiwii telluppolo buku rusu ri yelle'na isi-isinna. Uwéngkalingai saddaé makkeda lao ri aléna, “Ayo, anréno juku singngéga iya mupojiyé!”

DANIEL 8:7

Upénessaiwi gasai iyaro bimbala laié. Makkuwamani japperuna angkanna naleppo bimbala laiéro sibawa poloi iya duwa tanru'na. Iyaro bimbala laié dé' pakkullénna untu' méwa. Taddémpe'ni ri tanaé sibawa riléjja'-léjja', na dé' muwi séddi tau mulléi tulungngi.

MIKHA 5:8

Nacaui matu Israélié sining balinna enrengngé mancuru manengngi mennang.

ULANGENG 33:17

Mappunnaiwi Yusuf awatangeng sikaju banténg, sibawa tanru saping lai ale iyanaro massebbu Manasyé sibawa mappulo sebbu Efraim. Natanru'i bangsa-bangsaé sibawa nadessa'i lettu ri cappa-cappa linoé.”