DANIEL 8:3 - KITTA KAREBA MADECENG

³ na ri wiring saloéro paitai sikaju bimbala lai iya mappunnaiyé duwa tanru lampé, iya séddié lebbi malampéi sibawa lebbi barui naiya laingngé.

DANIEL 8:3 ပူးပေါင်းရင်းမြစ်များ

1 TAWARIKH 21:16

Naitai Daud iyaro malaéka'é sajang ri pallawangenna langié sibawa linoé. Nasibawang peddang ri limanna, iyaro malaéka'é sadiyani untu' paccappui Yérusalém. Na Daud sibawa sining pamimpinna ra'ya'é, iya wettuéro mattengngang mappakéyang karung tanrang massesse kalé, suju' ri tanaé.

EZRA 1:2

“Iyanaé paréntana Korésy, arung Persia. Puwangnge, Allataala makuwasa ri surugaé pura pancajika arung ri sininna linoé, sibawa suroka untu' patettongengngi bola ri Yérusalém ri daéra Yéhuda.

EZRA 4:5

Nasogo'i mennang pajaba-pajaba pamarénta Persia kuwammengngi dé' napajajiwi rancanana tau Yahudiéro. Iyaro gau'é matterui kajajiyang ri wettu apparéntanna Arung Korésy narapi apparéntanna Arung Darius.

ESTER 1:3

Ri taung matellué apparéntanna, pakangkai Arung Ahasywéros pésta marowa untu' sininna tomarajana sibawa pegawénna. Sining pallima Persiaé sibawa Média engka towi ri péstaéro, makkuwatoro sining gubernur-é sibawa pajaba tanréna propinsié.

YESAYA 13:17

Makkedai Puwangnge, “Upakédoi matu bangsa Madaié untu' gasai Babél. Dé' nawedding mennang risogo sibawa péra' iyaré'ga ulaweng.

YESAYA 21:2

Lolongekka pakkitang passalenna kajajiyang-kajajiyang iya mappakatau-taué; passalenna abali'bellarengngé sibawa appabbinasangngé. Alluruno, tentara Elam, gasai! Eh tentara Madai, keppungngi! Napappajai matu Allataala sininna anrasa-rasang iya napapolé Babél.

YESAYA 44:28

Iyya ritu iya makkedaé lao ri Korésy, ‘Iko ritu mapparéntangek-Ka matu, sibawa pogau'i sininna élo-Ku. Paréntangngi kuwammengngi naripatettong paimeng Yérusalém, sibawa Bolana Puwangnge ripalénne'i pallanggana.’ ”

YEREMIA 51:11

Puwangnge pura pakiri-kiriwi arung-ngarung Média, nasaba maéloi mancuru'i Babél. Iyanaro cara-Na mpale'i pangkaukenna sining tau iya mancuru'éngngi Bola-Na. Napparéntanni sining kapalana pasukang paggasaé, “Tarengiwi ana' panamu! Passadiyai kaliyawoé!

DANIEL 10:5

Congaka, nauwitai séddi tau iya mappaké pakéyang polé ri lénangngé sibawa babbang polé ri ulaweng tuléngngé.

DANIEL 2:39

Iyakiya, maccappa'nana akkarungenna Puwakku, mompoi matu akkarungeng laingngé iya dé'e nasilloppo akkarungenna Puwakku. Nainappa mompo ritu akkarungeng matellué iya ripulambangngé ri bagiyang polé ri tembagaé ri dato-dato'éro, iya makuwasaiyéngngi matu sininna linoé.

DANIEL 6:28

Mappassalama'i sibawa mappaleppe, pogau'i anu makalallaing sibawa dé'é padanna ri langié iyaré'ga ri linoé. Purani ripassalama Daniél, polé ri pakkokkona singa-singaé.”

DANIEL 7:5

Olokolo iya maduwaé tappana pada-padai beruwangngé. Tettongngi ri iya duwa ajé monrinna, sibawa tiwii telluppolo buku rusu ri yelle'na isi-isinna. Uwéngkalingai saddaé makkeda lao ri aléna, “Ayo, anréno juku singngéga iya mupojiyé!”

DANIEL 8:2

Ri laleng pakkitangngéro engkaka uwita ri propinsi Elam, ri Susan, ibukotana Persia. Tettokka ri seddéna Salo Ulai,

DANIEL 8:20

Bimbala lai iya muwitaéro, iya mappunnaiyé duwa tanru, napulambangngi akkarungeng Média sibawa Persia.

ZAKHARIA 1:18

Ri laleng pakkitang iya laingngé, mitaka eppa tanru saping.

ZAKHARIA 2:1

Ri laleng pakkitang rappina mitaka séddi worowané iya makkatenningngé tulu pangukkuru.

ZAKHARIA 5:1

Upénessaisi paimeng, na iya sisengngé uwitai séddi kitta rilulung luttu ri yelle'é.

ZAKHARIA 5:5

Momposi iyaro malaéka'é sibawa makkeda, “Itai! Engkasi polé!”

ZAKHARIA 5:9

Makkitaka ri yasé nauwitai duwa makkunrai luttu lao ri iyya. Mappunnaiwi mennang panni iya masse'é pada-pada panni coko'é. Nalai mennang bakaé onna nanatiwii mennang luttu.

ZAKHARIA 6:1

Lolongekka pakkitang iya laingngé. Iyaé sisengngé mitaka eppa karéta musu massu polé ri pallawangenna duwa bulu gessa.

ABBILANGENG 24:2

sibawa mitai bangsa Israélié iya mattengngangngé makkéma makkonro-konrong situru suku-suku bangsana. Narikuwasaina Biléam ri Rohna Allataala,

YOSUA 5:13

Riséuwaé wettu engkai Yosua ri seddéna Yérikho. Tennasenna-sennana naitai séddi tau worowané tettong ri yolona sibawa peddang pura rampu. Naddeppérini Yosua iyaro tauwé, namakkeda, “Rangekkoga, iyaré'ga bali?”

WAHYU 13:11

Nainappa uwita sikaju olokolo' laing mompo polé ri laleng linoé. Mappunnaiwi duwa tanru' pada-pada tanru' ana' bimbala'é. Saddanna pada-padai sadda nagaé.

WAHYU 5:6

Nainappa uwita séddi Ana' Bimbala' tettong ri tengnga-tengngana kadéra arajangngéro, riyattulilingi ri iya eppa mahlu'é enrengngé sininna pamimpingngéro. Iyaro Ana' Bimbala'é samanna purani rigéré. Mappunnaiwi pitu tanru' sibawa pitu mata: iyanaritu pitu roh polé ri Allataala iya puraé risuro lao ri sininna linoé.