DANIEL 7:9 - KITTA KAREBA MADECENG

⁹ Ri wettu makkitaku matteru, siyagangngaré kadéra akkarungeng ripalénne. Nainappa aléna iya tuwoé mannennungeng tudang ri yasé'na sala séddinna kadéra-kadéra akkarungengngéro. Pakéyan-Na sibawa gemme'-Na maputé mapaccing pada-pada ape'é. Kadéra akkarungen-Na sibawa padati-padatinna malluwa'-luwa' nasaba lumpa api,

DANIEL 7:9 ပူးပေါင်းရင်းမြစ်များ

1 ARUNG-NGARUNG 22:19

Makkedai Mikha paimeng, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri kadéra arajan-Na ri surugaé, sibawa sininna malaéka'-Na tettong ri seddé-Na.

2 TAWARIKH 18:18

Makkedasi Mikha, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri yasé'na kadéra arajan-Na ri surugaé, silaong sininna malaéka'-Na tettong ri seddé-Na.

MAZMUR 45:8

Muwéloriwi iya tongengngé sibawa mucéccéi majaé; rimakkuwannanaro, Allataala, Allataalamu pura piléko, sibawa pésennangiko napakacauri arung-ngarung laingngé.

MAZMUR 90:2

Ri wettu dé'napa naripancaji sining bulué, ri wettu dé'napa Mutappai linoé, Iko ritu Allataala iya mannennungengngé, dé' pammulanna sibawa dé' paccappurenna.

MAZMUR 93:2

Ri pammulanna mupa namasse kadéra akkarungem-Mu, engka-Ko polé ri mannennung.

YESAYA 6:1

Ri laleng taung namatéiyé Arung Uzia, uwitai Puwangnge. Tudangngi ri yasé'na kadéra arajan-Na iya matanré sibawa malebbié. Jumba-Na natongkoi sininna Bolana Puwangnge.

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

YEREMIA 49:38

Sining arunna sibawa pajaba-pajaba'na Uwancuru'i matu, sibawa ri wanuwanna mennang Upatettongngi matu kadéra akkarungek-Ku.

YEHEZKIEL 1:26

Ri tompo'na kubbaéro engka séuwa iya sinrupaé kadéra arajang polé ri batu nilangngé, na ri yasé'na tudangngi séuwa iya paitaé pada-pada tolino.

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

MIKHA 5:2

Jaji, naleppessangngi matu Puwangnge umma'-Na rikuwasai risining balinna narapi makkunrai iya ripattentué untu' mancaji indo'na iyaro panguwasaé jajiyangngi Aléna. Purairo sining tau sibangsana iya engkaé ri appalirengngé ripasséddiwi matu paimeng sibawa bangsana.

HABAKUK 1:12

Puwang, riyolopa Iko iyanaritu Allataala. Iko Allataalaku iya mapaccingngé sibawa mannennungeng. Allataalaku sibawa pallinrukku, iyaro bangsa Babél-é Mupiléi sibawa Muwébbui barani untu' hukkukki.

MATIUS 17:2

Ri yolona mennang, tappinrani tappana Yésus: Macakkai rupan-Na pada-pada mata essoé sibawa pakéyan-Na maputé lala'-lala'.

MATIUS 28:3

Tappana iyaro malaéka'é pada-padai billa'é, sibawa pakéyanna maputé senna'.

MARKUS 9:3

Pakéyan-Na maputé millakkillang. Dé' séddi tukang ménatu ri linoéwé mullé sessa'i pada-padaéro puténa.

RIWAYA'NA RASUL-RASUL-E 2:30

Pura majjanciwi Allataala lao ri Daud, sibawa mattanro, makkedaé sala séddinna polé ri wijanna Daud nakkai matu Allataala mancaji arung. Nasaba naissengngi Daud iyaro jancié, nasaba séddi towi nabi,

RIWAYA'NA RASUL-RASUL-E 2:33

Riyakkai ri tudangeng matanré sibawa riwéréng akuwasang ri Allataala, nainappa natarima Rohna Allataala iya puraé najjanciyang Ambo'é. Naiya muwéngkalingaé sibawa muwitaé makkekkuwangngé iyanaritu Roh iya ripanurungngé lao ri idi.

FILIPI 3:9

sibawa tonget-tongeng masséddi sibawa Aléna. Assisumpungeng iya makessingngé sibawa Allataala, dé'na na iyya musahakangngi sibawa naolai laleng matinulué lao ri hukkung agamaé. Makkekkuwangngé mappunnaika assisumpungeng iya makessingngé sibawa Allataala, nasaba mateppe'ka lao ri Kristus. Jaji, assisumpungeng iya makessingngéro poléi ri Allataala, sibawa nassabari teppe' lao ri Yésus Kristus.

1 TIMOTIUS 6:16

Aléna bawang dé' nawedding rikuwasai ri amaténgngé; tuwoi ri laleng cahaya iya dé'é nawedding riyaddeppéri ri muwi niga. Dé'gaga muwi séddi tolino iya puraé mitai Aléna, iyaré'ga mulléi mitai Aléna. Ri Aléna ritu alebbirengngé sibawa akuwasangngé lettu mannennungeng! Aming.

1 YOHANES 1:5

Iyanaé biritta iya puraé riyéngkalinga polé ri Ana'-Na sibawa iya tapalettu'é lao ri iko! Iyaro Allataala tajangngi, sibawa ri Aléna dé' siseng gaga apettangeng.

WAHYU 1:14

Gemme'-Na maputé pada-pada bulu bimbala'é, sipputé ape'é. Matan-Na malluwa'-luwa' pada-pada apié;

WAHYU 19:18

Laono mai manréi jukuna sining arungngé, jukuna sining pallimaé, sibawa jukuna sining pahlawangngé; laono mai manréi jukuna sining pakkinnyarang anyarangngé sibawa jukuna sining anyaranna enrengngé jukuna sininna rupa tauwé, battowa sibawa baiccu, ata sibawa tau maradéka'!”

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

WAHYU 4:2

Matteru bawakka rikuwasai ri Rohna Allataala. Nainappa uwita ri surugaé engka séddi kadéra arajang, sibawa engka séddi tau tudang ri kadéra arajangngéro.