DANIEL 7:8 - KITTA KAREBA MADECENG

⁸ Ri wettu upénessainna tanru-tanru'na, tappa tuwoi séddi tanru laing ri yelle'na. Iyaro tanru'é baiccu'i, iyakiya naulléi redde'i sibawa bébbui tellu tanru ri yelle'na tanru-tanru iya bunge'-bunge'éro. Iyaro tanru baiccu'é mappunnaiwi mata pada-pada mata tolinoé nenniya bawa iya mabboroé sibawa matempo.

DANIEL 7:8 ပူးပေါင်းရင်းမြစ်များ

MAZMUR 12:3

Sisullé manengngi mennang sibellé, sisulléi sibengnguwang sibawa ada-ada iya macenningngé.

DANIEL 11:36

Arunna wanuwa manorang napogau'i matu siyélo atinna. Nasibawang atempong makkedai matu makkedaé lebbi battowai naiya muwi déwata niga, mala lebbi battowa towi naiya Allataala Iya Pommatanré. Naulléi matu pogau'i makkuwaéro narapi maccappa caina Allataala. Saba' aga iya puraé napattette Allataala harusu'i kajajiyang riyolo.

DANIEL 7:19

Nainappa macinnaka missengngi bettuwanna olokolo iya maeppaéro, iya sisalaé sibawa laingngé; iya makkuwaémmani mappakatau-tauna sibawa iya paancuru'é nenniya memme'i anréna sibawa kanuku tembagana nenniya isi bessinna, enrengngé léjja-léjja'i sésa-sésana.

2 TESALONIKA 2:4

Namatempo maélo méwai sibawa pakatanréi aléna ri yasé'na sininna iya nasompaé tolinoé, iyaré'ga sininna iya nangga'é déwata tolinoé. Mala muttama'i matu sibawa tudang ri laleng Bolana Allataala sibawa mappallebbangengngi makkedaé aléna iyanaritu Allataala.

2 TIMOTIUS 3:2

Napentingkangngi matu élona tolinoé, mammata dowii, matempo sibawa napoji mabboro. Napoji mennang pakatunai tauwé, maronta lao ri tomatowaé, dé' naissengngi mattarima kasi, sibawa nabenci gau'-gau' rohanié.

2 PETRUS 2:18

Mébbui mennang pappakatajang iya omong kosongngé sibawa dé'é nallise'; napessu iya mappangaddié napakéi mennang untu' pasempé'i sining tau iya nappaé leppe' polé ri yelle'na tau iya tuwo pusaé.

YUDAS 1:16

Iyaro sining tauwé tuli mannoko'-noko' bawang sibawa passalai tau laingngé. Tuwoi mennang situru sining cinnana iya madosaé. Mabboroi mennang passalenna aléna, enrengngé leppe'i tauwé kuwammengngi nalolongeng alabang.

WAHYU 13:1

Nainappa uwita sikaju olokolo' mompo polé ri laleng tasi'é. Mappunnaiwi seppulo tanru' enrengngé pitu ulu. Ri tungke' tanru'na engka séddi passigera', sibawa ri tungke' ulunna tarokii séddi aseng pappakatuna lao ri Allataala.

WAHYU 9:7

Tappana iyaro incalé pada-padai riita anyarang iya sadiyaénna untu' mammusu. Ri ulunna engka séuwa iya paitaé pada-pada passigera' ulawengngé. Tappana pada-padai tappa tolinoé.

1 SAMUEL 2:3

Pappésauni abborommu iya kosongngé! Pappésauni bicara matempoé! Saba' iyaro Puwangnge Allataala Iya Pommajeppué; iya madélékiyéngngi sinininna pangkaukenna tauwé.