DANIEL 7:7 - KITTA KAREBA MADECENG

⁷ Wettukku mattengngang tangngai, momponi olokolo iya maeppaé. Mawatang senna sibawa masero enrengngé mappakatau-tau. Nasibawang isi-isinna iya battowaé sibawa sittedde'é bessié, nareppo'i sibawa nanréi anréna, nainappa naléjja'-léjja' sésa-sésana. Silaingeng sibawa sining olokolo ri yolona mattanru seppuloi.

DANIEL 7:7 ပူးပေါင်းရင်းမြစ်များ

2 SAMUEL 22:43

Uwancuru'i mennang pada-pada awu iya mattarumpué, sibawa usering pada-pada bungkaé ri lalengngé.

AYUB 41:14

Niga mulléi timpa'i pannyoro'na iya mawatangngé, mallise isi-isi iya mappakatau-taué?

YEHEZKIEL 40:2

Ri laleng séuwaé pakkitang, natiwika Allataala lao ri tana Israélié sibawa taroka ri bulu iya matanré. Ri yoloku uwitai sikalompo bola iya maddupaé séuwa kota.

DANIEL 2:19

Iyatoro wennié nappaissengengngi Allataala rahasiyaéro lao ri Daniél ri laleng séuwa pakkitang. Nanapojini Daniél Allataala ri surugaé,

DANIEL 7:13

Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

DANIEL 8:10

Iyaro tanru'é mancajiwi pédé maloppo narapi genne awatangenna untu' gasai tentarana surugaé iyanritu sining wéttowingngé, mala siyagangngaré ri yelle'na naggenrungeng ri tanaé sibawa naléjja'-léjja'i.

DANIEL 8:22

Iya eppa tanru iya mompoé purana tanru iya mammulangngéro polo, bettuwanna makkedaé tabbagé-bagéi matu akkarungeng Yunani mancaji eppa akkarungeng, iyakiya muwi séddi dé'to gaga pada watanna akkarungeng iya bunge'-bunge'éro.

ZAKHARIA 2:1

Ri laleng pakkitang rappina mitaka séddi worowané iya makkatenningngé tulu pangukkuru.

WAHYU 12:3

Nainappa paita toni ri langié séuwa iya makalallaingngé. Engka sikaju naga cella iya battowa senna'é iya mappunnaiyé pitu ulu sibawa seppulo tanru'. Tungke' ulunna pakéi séddi passigera'.

WAHYU 13:1

Nainappa uwita sikaju olokolo' mompo polé ri laleng tasi'é. Mappunnaiwi seppulo tanru' enrengngé pitu ulu. Ri tungke' tanru'na engka séddi passigera', sibawa ri tungke' ulunna tarokii séddi aseng pappakatuna lao ri Allataala.

WAHYU 17:12

Seppulo tanru' iya muwitaéro iyanaritu seppulo arung iya dé'éppa nappammula mapparénta. Iyakiya riwéréngngi matu akuwasang untu' mapparénta selaku arung silaong iyaro olokolo'é sijang ittana.

WAHYU 17:7

Nainappa makkeda iyaro malaéka'é lao ri iyya, “Aga saba'na mutahhérang-hérang? Madécéngengngi upaissengiko rahasiyana iyaro makkunraié sibawa rahasiyana olokolo' iya natonangiyé, iyanaritu iya mappunnaiyé pitu ulu sibawa seppulo tanru'.

WAHYU 17:8

Iyaro olokolo'é engka naengka natuwo riyolo, iyakiya makkekkuwangngé dé'na natuwo. Cinampe'pi nassu matu polé ri pepping amaténgngé enrengngé nalao matu mattuju ri abinasangngé. Sining tau iya tuwoé ri linoé riwettu dé'napa naripancaji linoé iya asennaé dé' nariyoki ri laleng Kitta'na Tau Tuwoé, iyaro sining tauwé hérangngi matu rékko naitai iyaro olokolo'é. Saba' iyaro olokolo'é engka naengka natuwo riyolo. Makkekkuwangngé dé'na natuwona, iyakiya maéloi mompo paimeng.