DANIEL 7:5 - KITTA KAREBA MADECENG

⁵ Olokolo iya maduwaé tappana pada-padai beruwangngé. Tettongngi ri iya duwa ajé monrinna, sibawa tiwii telluppolo buku rusu ri yelle'na isi-isinna. Uwéngkalingai saddaé makkeda lao ri aléna, “Ayo, anréno juku singngéga iya mupojiyé!”

DANIEL 7:5 ပူးပေါင်းရင်းမြစ်များ

2 ARUNG-NGARUNG 2:24

Gilinni Elisa sibawa mitai mennang nainappa natanroi ri laleng asenna Puwangnge. Iyatoro wettué namassu polé ri ale'é duwa beruang sibawa sapé-sapé'i patappulo duwa ana' polé ri yelle'na ana'-ana'éro.

AMSAL 17:12

Lebbi kessing muwi siruntu indo' beruwangngé iya teddéngngé ana'na, naiya tau madonggoé iya malippué sibawa adonggonna.

YESAYA 56:9

Puwangnge suroi bangsa-bangsa laingngé polé pada-pada olokolo masekkangngé untu' luruiwi umma'-Na.

DANIEL 11:2

Na aga upowada matu lao ri iko iyanaritu tongengngi.” Napowadai iyaro malaéka'é, “Tellu arung laing paréntai matu Persia, riyaccowéri ri arung iya maeppaé iya lebbi sugié naiya laingngé. Ri coppo'na akuwasanna sibawa asugirenna, siyéwa awatangengngi matu sibawa akkarungeng Yunani.

DANIEL 2:39

Iyakiya, maccappa'nana akkarungenna Puwakku, mompoi matu akkarungeng laingngé iya dé'e nasilloppo akkarungenna Puwakku. Nainappa mompo ritu akkarungeng matellué iya ripulambangngé ri bagiyang polé ri tembagaé ri dato-dato'éro, iya makuwasaiyéngngi matu sininna linoé.

DANIEL 5:28

ritawa; akkarungenna Puwakku ritawai sibawa riyabbéréyang lao ri tau Médiaé sibawa Persiaé.”

DANIEL 7:4

Iya mammulangngé tappana pada-padai singaé, iyakiya mappunnaiwi panni kuwajang. Wettunna utangnga, tappa mareddu'i pannina sibawa leppe; tarakkani polé ri tanaé naripatettong ri duwa ajéna pada-pada tolinoé, nainappa riwéréng akkaleng tolino.

DANIEL 7:6

Wettukku mattengngang pénessai tonget-tongengngi, momponi olokolo laingngé. Tappana pada-padai macang tutul-é, iyakiya ri lekke'na engka eppa panni manu'-manu', sibawa eppa ulunna. Paitai makuwasa.

HOSEA 13:8

Uluruiko matu pada-pada beruwang iya ateddéngengngé ana'-ana'na. Usapé'-sapé'ko matu. Pada-pada singaé Uluruiko matu ri onrommu, sibawa pada-pada olokolo masekkangngé Usapé'-sapé'ko matu.

WAHYU 13:2

Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.