DANIEL 7:4 - KITTA KAREBA MADECENG

⁴ Iya mammulangngé tappana pada-padai singaé, iyakiya mappunnaiwi panni kuwajang. Wettunna utangnga, tappa mareddu'i pannina sibawa leppe; tarakkani polé ri tanaé naripatettong ri duwa ajéna pada-pada tolinoé, nainappa riwéréng akkaleng tolino.

DANIEL 7:4 ပူးပေါင်းရင်းမြစ်များ

2 SAMUEL 1:23

Saul sibawa Yonatan, makkuwamani bessana sibawa riyamaséi; tuli masséddiwi ri laleng atuwongngé sibawa amaténgngé; lebbi masitta'i mennang naiya kuwajangngé, lebbi mawatangngi naiya singa loloé.

AYUB 25:6

Apalagi tolinoé, latié, béré-béré! Ri matanna Allataala, dé' tongeng angke'na.”

MAZMUR 9:20

Tokkonni, Puwang, adélékini bangsa-bangsaé, aja' Muleppessangngi bangsa-bangsaé mattempowangngi aléna.

YEREMIA 25:38

Pada-pada singa massué polé ri liyanna, makkuwatoniro Puwangnge massu untu' hukkungngi umma'-Na. Abeccokenna musué sibawa caina Puwangnge pura pinrai wanuwaéwé mancaji padang kessi.

YEREMIA 4:13

Itai, mompoi balié pada-pada ellungngé. Karéta-karéta musuna pada-padai anginrajaé, sining anyaranna lebbi magattii naiya kuwajangngé. Wah, cilakani! Cappuki!

YEREMIA 4:7

Pada-pada singaé massu polé ri assubbuwanna makkuwatoniro joppani pappaccappu bangsa-bangsaé iya polé maélo paccappui Yéhuda. Mancajiwi matu kota-kotana Yéhuda ruttungeng onrong iya dé'é naonroiwi tauwé.

YEREMIA 48:40

Makkedai Puwangnge, “Pada-pada kuwajangngé masséro sibawa panni mallebba'é, makkuwatoniro séddié bangsa polé matu sibawa séro'i Moab.

YEREMIA 49:19

Pada-pada singaé mompo polé ri ale maworongngé ri seddéna Salo Yordan sibawa lokkaiwi padang onronna bimbala'é mabbella, makkuwa toniro polé-Ka matu sibawa mébbui tau Edongngé lari polé ri wanuwanna mennang tennasenna-senna. Nainappa pilé-Ka séddi tau pamimping untu' paréntai iyaro bangsaé. Nigana wedding ripappadaik-Ka? Niga barani mébbu parakara sibawa Iyya? Engkaga pamimping iya mullééngngi méwa-Ka?

AWATINGENG 4:19

Masitta senna sining pallellutta mabélai lebbi gatti naiya kuwajangngé. Nalellukki mennang ri bulué, sibawa madakki ri padang kessi'é.

YEHEZKIEL 28:2

“Eh tolino dé'é namannennungeng, palettu'i lao ri arung Tirus, aga iya Iyya Puwang Iya Pommatanré upowada lao ri aléna, ‘Nasibawang atempong muwangga'i alému déwata iya makkarungngé ri tengnga-tengngana tasi'é. Weddissa mallaga'ko selaku déwata, iyakiya éngngerangngi, bannako tolino biyasa.

YEHEZKIEL 28:9

Nah, rékko narapini iyaro wettué, mullé mupaga powadai makkedaé Allataalako? Ri yolona sining pabbunomu, manessani makkedaé bannako tolino simata.

DANIEL 2:38

Napancajiwi Puwakku panguwasana lao ri sibagiyang linoé iya engkaé pabbanuwana sibawa lao ri sininna manu'-manu'é nenniya olokolo laingngé. Aléna Puwakku iyanaritu ulu ulawengngé ri dato'-dato'éro.

DANIEL 4:36

Wettunna lisuni amaingekekku ri aléku, na alopponna, arajanna sibawa ataromporenna arajakku ripalisuni lao ri iyya. Riduppaina risining pegawéku nenniya sining tomarajaku, naripalisuka ri akkarungekku, mala arajakku mancaji lebbi battowai naiya riyoloé.

DANIEL 7:12

Sining olokolo laingngé purani ribébbu akuwasanna, iyakiya ripalaloi tuwo narapi wettu iya puraé ripattentu.

DANIEL 7:5

Olokolo iya maduwaé tappana pada-padai beruwangngé. Tettongngi ri iya duwa ajé monrinna, sibawa tiwii telluppolo buku rusu ri yelle'na isi-isinna. Uwéngkalingai saddaé makkeda lao ri aléna, “Ayo, anréno juku singngéga iya mupojiyé!”

MATIUS 24:28

Kégi engka bakké, kuwatowitu engka manu'-manu' pakkanré bakké.”

ULANGENG 28:49

Séuwa bangsa iya dé'é mupahangngi basana maélo napapolé Puwangnge polé ri cappa linoé untu' méwako. Pada-pada kuwajangngé naséro'ko matu mennang.

WAHYU 13:2

Olokolo' iya uwitaéro tappana pada-padai macang tutul-é, sibawa ajéna pada-pada ajé beruwangngé, enrengngé pannyoro'na pada-pada pannyoro' singaé. Nainappa iyaro olokolo'é riwéréngngi ri nagaéro awatangeng ri aléna, sibawa kadéra arajanna enrengngé akuwasanna iya battowaé.