DANIEL 7:23 - KITTA KAREBA MADECENG

²³ Iyanaé pappakatajang iya utarimaé, “Olokolo iya maeppaéro iyanaritu akkarungeng iya maeppaé iya tettongngé matu ri linoé nasisalai matu sibawa akkarungeng-akkarungeng iya laingngé. Iyaro akkarungengngé naancuru'i matu sibawa memme'i sininna linoé nanaléjja'-léjja'i matu sésana.

DANIEL 7:23 ပူးပေါင်းရင်းမြစ်များ

DANIEL 2:40

Rappina mompoi matu akkarungeng maeppaé, iya singngasse'é bessié. Na pada-pada bessi iya pareppo'é sibawa paancuru'é agi-agi, makkuwatoro akkarungeng iya maeppaéwé reppo'i matu sibawa mancuru'i akkarungeng-akkarungeng iya laingngéro.

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:24

Iya seppulo tanru'éro iyanaritu iya seppulo arung iya paréntaéngngi matu akkarungengngéro. Nainappa mompo matu séddi arung iya laingngé; sisala senna'i matu sibawa arung-ngarung iya bunge'-bunge'é, nanacaui matu tellu tau arung.

DANIEL 7:7

Wettukku mattengngang tangngai, momponi olokolo iya maeppaé. Mawatang senna sibawa masero enrengngé mappakatau-tau. Nasibawang isi-isinna iya battowaé sibawa sittedde'é bessié, nareppo'i sibawa nanréi anréna, nainappa naléjja'-léjja' sésa-sésana. Silaingeng sibawa sining olokolo ri yolona mattanru seppuloi.

LUKAS 2:1

Iyaro wettué, napparéntanni Kaisar Agustus, kuwammengngi sininna pabbanuwana Akkarungeng Roma nadaftar i aléna untu' ribilang.