DANIEL 7:22 - KITTA KAREBA MADECENG

²² Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:22 ပူးပေါင်းရင်းမြစ်များ

MAZMUR 149:5

Leppessanni umma'na Allataala mariyo-riyo nasaba ataromporen-Na, sibawa makkélong marennu puppu benni.

YESAYA 63:4

Purani urancana esso akkabalekengngé, sibawa wettu appaleppekengngé untu' umma'-Ku.

DANIEL 7:18

Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

DANIEL 7:23

Iyanaé pappakatajang iya utarimaé, “Olokolo iya maeppaéro iyanaritu akkarungeng iya maeppaé iya tettongngé matu ri linoé nasisalai matu sibawa akkarungeng-akkarungeng iya laingngé. Iyaro akkarungengngé naancuru'i matu sibawa memme'i sininna linoé nanaléjja'-léjja'i matu sésana.

MATIUS 19:28

Nakkeda Yésus lao ri mennang, “Ateppe'no: Ri Lino Baruéro, Ana'na Tolinoé tudangngi matu ri kadéra arajan-Na malebbié. Iyaro wettué iko ana'-ana' guruk-Ku tudakko matu ri yasé'na seppuloé duwa kadéra arajang sibawa madélékiwi seppuloé duwa suku bangsana Israélié!

2 TESALONIKA 2:8

nappai paita iyaro Tolino Majaé. Narékko poléni Puwang Yésus, naunoi matu iyaro Tolino Majaé sibawa nappase' polé ri témun-Na, enrengngé pabbinasai sibawa cahaya ahadéréken-Na.

WAHYU 1:6

enrengngé pancajiki séddi bangsa banna imang-ngimang, iya tumaningiyéngngi Allataala, Ambo'-Na. Yésus Kristus ritu iya marajaé enrengngé makuwasa lettu mannennungeng. Aming!

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 5:10

Purani mupancaji mennang séuwa bangsa imang-ngimang iya ripallaingngé, kuwammengngi natumaniwi Allataalata, enrengngé mapparénta ri yasé'na linoé.”