DANIEL 7:18 - KITTA KAREBA MADECENG

¹⁸ Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

DANIEL 7:18 ပူးပေါင်းရင်းမြစ်များ

MAZMUR 45:16

Gora-gorai mennang sibawa marennu wettunna riantara muttama ri laleng saorajana arungngé!

MAZMUR 49:14

Makkuwaniro totona tau iya mattuwangngéngngi aléna, sibawa wettu mangolona tau iya masennangngénna sibawa ada-adanna.

YESAYA 14:2

Maéga bangsa tulungngi matu bangsa Israélié untu' lisu ri wanuwa iya nabbéréyangngé Puwangnge lao ri mennang, sibawa kuwaro mancaji atai matu bangsa-bangsaé lao ri Israélié. Natawangngi matu Israélié sining tau iya puraé tawangngi sibawa paréntai sining tau iya puraé tenre'i.

DANIEL 7:14

Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:17

Makkedai, “Iya eppa kajunna olokolo battowaéro iyanaritu eppa akkarungeng iya mompoé matu ri linoé.

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:25

Mabbicarai matu méwai Allataala Iya Pommatanré sibawa tenre'i umma'na Allataala. Makkuragai matu pinrai hukkung-hukkungngé sibawa pésta-pésta agamana umma'na Allataala, narikuwasai matu mennang tellu sitengnga taung ittana.

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

OBAJA 1:17

“Iyakiya ri Bulu Sion, engka matu iya salama'é, sibawa iyaro bulué mancajiwi onrong iya ripallaingngé untu' Iyya. Nanappunnangiwi matu paimeng wija-wijanna Yakub tana manana mennang.

LUKAS 1:33

Nanapparénta matu selaku arung ri wijanna Yakub mannennungeng. Nadé' cappuna matu akkarungenna.”

1 KORINTUS 6:2

Dé'ga muwissengngi makkedaé umma'na Allataala matu madélékiwi linoéwé? Jaji, rékko mémeng muadélékiwi matu linoéwé, dé'ga muwulléi pacceppiwi parakara-parakara angngadélékengngé iya dé'é bettuwanna?

EFESUS 1:3

Ripojiwi Allataala, Ambo'na Puwatta Yésus Kristus! Nabarakkakiki sibawa sininna barakka rohanié ri laleng surugaé, nasaba masséddiki sibawa Kristus.

EFESUS 6:12

Saba' mammusuki tenniya méwai tolinoé, sangadinna méwai awatangenna sininna sétangngé iya makuwasaiyéngngi wettu iya majaéwé. Riyéwai awatangenna roh-roh majaé iya makuwasaiyéngngi langié.

WAHYU 20:4

Nainappa uwita sining kadéra akkarungengngé, sibawa sining tau iya tudangngé risining kadéra arajangngéro riwéréng kuwasa untu' pettuiwi pahukkungengngé. Uwita towi sining nyawana tau iya puraé rirette ulunna nasaba mabbéréi mennang asabbiyang passalenna Yésus, sibawa mappallebbangengngi paseng polé ri Allataala. Iyaro sining tauwé dé' nasompai olokolo'é, iyaré'ga dato'-dato'na. Dé'to mennang naengka natarima tanranna iyaro olokolo'é ri linrona iyaré'ga ri limanna. Natuwona mennang paimeng sibawa mapparénta selaku arung silaong Kristus sisebbu taung ittana.

WAHYU 22:5

Dé' matu mennang napparelluwang lampu iyaré'ga cahaya mata esso, saba' dé'na gaga wenni, sibawa aléna Puwang Allataala tajangiwi matu mennang. Mapparéntai matu mennang selaku arung lettu mannennungeng.

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.

WAHYU 5:10

Purani mupancaji mennang séuwa bangsa imang-ngimang iya ripallaingngé, kuwammengngi natumaniwi Allataalata, enrengngé mapparénta ri yasé'na linoé.”