DANIEL 7:16 - KITTA KAREBA MADECENG

¹⁶ Nainappa uwaddeppéri sala séddinna tau iya tettongngé kuwaro sibawa uwéllauwi pappakatajanna passalenna iya manennaro. Nanappaissengeng toni.

DANIEL 7:16 ပူးပေါင်းရင်းမြစ်များ

DANIEL 7:10

sibawa solo' api massolo polé ri kadéra akkarungengngéro. Massebbu tauwé tumaningiwi Aléna, sibawa majjuta tauwé tettong ri yolo-Na. Nainappa ripammulai sidang pengadilangngé, sibawa ritimpa sining bobbo'é.

DANIEL 7:17

Makkedai, “Iya eppa kajunna olokolo battowaéro iyanaritu eppa akkarungeng iya mompoé matu ri linoé.

DANIEL 8:17

Nainappa Gabriél iya tettongngé ri yolokuro maddeppérika. Makkuwamani tauku, angkakku rebba. Adanna Gabriél lao ri iyya, “Eh tolino dé'é namannennungeng, harusu'i muwisseng makkedaé iyaro pakkitangngé iyanaritu passalenna paccappurenna linoé.”

DANIEL 9:22

Nainappa napakatajang Gabriél makkuwaéwé, “Daniél, poléka untu' bantuko pahangngi iyaro botoé.

ZAKHARIA 1:19

Makkutanaka lao ri malaéka' iya puraé mabbicara lao ri iyya, “Aga bettuwanna iyaro tanru'-tanru'é?” Mappébaliwi, “Iyaro tanru'-tanru'é iyanaritu napulambangngi sining akkarungeng mawatangngé iya patassiya-siyaéngngi pabbanuwana Yéhuda, Israélié sibawa Yérusalém.”

ZAKHARIA 2:3

Nainappa uwita malaéka' iya puraé mabbicara sibawa iyya'ro, majjongka malluru, sibawa séddi malaéka' laing méwai sita.

ZAKHARIA 3:7

“Rékko mupatoiwi hukkung-hukkuk-Ku nenniya pogau'i jama-jamang iya uwéréngngékko, untu' matteru weddikko mancaji pamimping ri laleng Bola-Ku sibawa murusu'i seddéna. Uwéngkalingai matu sining sempajammu, pada-pada uwéngkalingai sempajanna sining malaéka iya engkaé ri seddé-Ku.

WAHYU 5:5

Nainappa sala séddinna polé risining pamimpingngéro makkeda lao ri iyya, “Aja' muteri! Itai! Singa polé ri suku bangsa Yéhuda, wijanna Daud iya battowaé, pakalani. Naulléi reppo'i pitu ségélé' enrengngé timpa'i iyaro kitta'é.”