DANIEL 7:14 - KITTA KAREBA MADECENG

¹⁴ Riwéréngngi alebbireng sibawa akuwasang selaku arung, angkanna sining tau polé ri sininna bangsaé, suku bangsaé sibawa basaé mattumaniwi lao ri aléna. Mattahangngi matu akuwasanna lettu mannennungeng, apparéntanna dé' matu naripalésso.

DANIEL 7:14 ပူးပေါင်းရင်းမြစ်များ

MAZMUR 102:22

Nariyabbirittang asen-Na ri Sion, Naripoji-pojiwi matu ri Yérusalém,

MAZMUR 103:19

Mapparéntai Puwangnge ri surugaé, Aléna arung iya makuwasaé ri yasé'na sini-sininnaé.

MAZMUR 145:13

Apparéntam-Mu tette'i sillampé wettué, akuwasam-Mu mattahangngi massossoreng. Matinului Puwangnge lao ri sininna jancin-Na, pennoi pammasé ri laleng sininna pangkauken-Na.

MAZMUR 146:10

Iyaro Puwangnge Arungngi untu' mannennungeng. Eh Sion, makuwasai Allataalamu lettu mannennungeng. Pojiwi Puwangnge!

MAZMUR 45:6

Panamu iya macéru'é bettui jantunna balimmu, menrungngi bangsa-bangsaé ri yolomu.

MAZMUR 72:11

Sininna arungngé suju'i matu ri yolona, sininna bangsaé mancajiwi ata-atanna.

MAZMUR 72:17

Tennapodo asenna arungngé risénge'i mannennungeng, sibawa ataromporenna tattambai ri wettu engkana mupa mata esso. Tennapodo bangsa-bangsaé méllauwi ribarakkaki pada-pada aléna, sibawa sininna tauwé teppui masennang.

MAZMUR 8:6

Iyakiya Muwakkai céddé pada sibawa Allataala, Mupassigera'i sibawa arajang nenniya alebbireng.

YESAYA 16:5

Nainappa séddi polé ri wija-wijanna Daud mancaji arung matu, nanaparéntai matu bangsana sibawa mamasé nenniya matinulu. Napatettongngi matu adélékengngé sibawa masitta tinda untu' pogau'i iya tongengngé.)

YESAYA 60:12

Bangsa sibawa akkarungeng iya dé'é namaélo mattumani ri iko, binasai matu sibawa lennye'i teddeng.

YESAYA 9:6

Mapparéntai selaku arung wija-wijanna Daud, akuwasanna battowa senna. Wanuwanna tuli daméi nasaléwangeng; apparéntanna napatettongngi ri yaséna hukkungngé sibawa adélékengngé makkekkuwangngé sibawa mannennungeng. Puwang Iya Pommakuwasaé pasti napogau'i.

YESAYA 9:7

Puwangnge pura pateppai pahukkungengngé ri yasé'na akkarungenna Israélié.

DANIEL 2:35

Na iyatoro wettué namaruttung sininna dato'-dato'éro sibawa mancaji goppo bessi, tana lita, tembaga, péra', sibawa ulaweng iya ancuru'énna pada-pada awué ri onrong addésekeng gandongngé ri wettu pellaé. Iyaro goppoé makkalutturengngi nairi anging, angkanna tettaro baté muwi aga. Iyakiya batu iya ruttungngéngngi iyaro dato'-dato'é mancaji silloppoi bulué sibawa pennoiwi sininna linoé.

DANIEL 2:37

Iya malebbié Puwakku iyanaritu arungngi polé ri sininna arungngé; Puwakku ritu iya kaminang makuwasaé. Allataala ri surugaé pura mpéréngngi Puwakku akkarungengngéwé, akuwasang, awatangeng sibawa arajang.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 3:4

gorani ajudanna arungngé sibawa macenno, “Saudara-saudara polé ri sininna bangsaé, suku bangsaé sibawa basaé! Engkalingai iyaé paréntana arungngé:

DANIEL 4:3

Temmaka rajanna appahérangeng iya napogau'é! Temmaka serona anu makalallaing iya napogau'é! Mancaji arungngi matu Allataala untu' mannennungeng. Makuwasai sillampé wettué.”

DANIEL 6:26

Purairo kirinni sure' Arung Darius lao risining tau polé ri sininna bangsaé, suku bangsaé sibawa basaé ri sininna linoé, “Salama!

DANIEL 7:18

Iyakiya umma'na Allataala Iya Pommatanré tarimai matu ha' untu' mapparénta na apparéntanna mattahangngi matu lettu mannennungeng.”

DANIEL 7:27

Akuwasang nenniya arajanna sininna akkarungengngé ri linoé nabbéréyangngi matu lao ri umma'na Allataala Iya Pommatanré. Akuwasan-Na mennang untu' mapparénta dé' matu naccappa sibawa sininna panguwasaé ri linoé mattumaniwi matu mennang sibawa mapato.”

OBAJA 1:21

Pabbanuwana Yérusalém iya poré nagasai matu Edom sibawa caui. Na Iyya Puwang mapparénta matu selaku arung.”

MIKHA 4:7

Purani mennang riképo sibawa mabéla polé ri kampong assalenna. Iyakiya, polé risining tau iya risésaéro maélo-Ka pammulaiwi séuwa assossoreng iya barué. Mancajiwi matu nennang bangsa iya battowaé sibawa mawatang. Uparéntai matu mennang ri Bulu-bulu Sion lettu mannennungeng.”

MATIUS 11:27

Nainappa Yésus makkeda, “Sininna séuwa-séuwaé purani nabbéréyang Ambo'é lao ri Iyya. Dé' séddi tau missengngi Ana'é saliwenna Ambo'é. Dé'to gaga missengngi Ambo'é saliwenna Ana'é sibawa lao risining tau iya Ana'é pura napaissengi passalenna Ambo'é.

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

LUKAS 1:33

Nanapparénta matu selaku arung ri wijanna Yakub mannennungeng. Nadé' cappuna matu akkarungenna.”

LUKAS 10:22

Sininna séuwa-séuwaé pura nabbéréyanni Ambo' lao ri Iyya. Dé' séddi tau missengngi Ana'é, rilainnaé Ambo'é. Dé'to gaga missengngi Ambo'é rilainnaé Ana'é, sibawa lao risining tau iya maéloé nappaddissengeng Ana'é lao ri Ambo'é.”

YOHANES 12:34

Nakkeda tau maégaéro lao ri Aléna, “Manuru' Kitta Hukkutta, Arung Pappassalama'é tuwoi matu mannennungeng. Pékkugi-Ko wedding makkeda makkedaé Ana'na Tolinoé harusu'i ripakatanré ri yasé'na linoé? Niga iyaro Ana'na Tolinoé?”

YOHANES 3:35

Ambo'é namaséiwi Ana'-Na, sibawa pura nabbéréyang manengngi akuwasangngé ri Aléna.

IBRANI 12:28

Rimakkuwannanaro, sitinajaki mattarima kasi lao ri Allataala, nasaba tarimaki polé ri Aléna séuwa akkarungeng iya dé'é nawedding taggoccang. Sitinajaki mattarima kasi sibawa massompa ri Allataala sibawa mappakalebbi enrengngé métau, situru cara iya naéloriyé muto Allataala.

1 PETRUS 3:22

sibawa ménré'ni ri surugaé. Makkekkuwangngé makuwasai silaong Allataala sibawa paréntai sininna malaéka'é, sininna panguwasaé enrengngé sininna awatangengngé.

WAHYU 1:6

enrengngé pancajiki séddi bangsa banna imang-ngimang, iya tumaningiyéngngi Allataala, Ambo'-Na. Yésus Kristus ritu iya marajaé enrengngé makuwasa lettu mannennungeng. Aming!

WAHYU 11:15

Nainappa malaéka' mapitué naseppung tarompé'na, nariyéngkalingana ri surugaé sadda battowa senna'é iya makkedaé, “Akuwasang untu' paréntai linoé engkani makkekkuwangngé ri laleng limanna Puwatta enrengngé Arung Pappassalama' iya najjanciyangngé. Mapparéntai matu lettu mannennungeng!”

WAHYU 17:14

Mammusui matu mennang méwai iyaro Ana' Bimbala'é. Iyakiya iyaro Ana' Bimbala'é silaong sining ana' gurun-Na iya matinulué iya puraé Naobbi sibawa Napiléro nacaui matu iyaro sining arungngé, nasaba Aléna ritu Puwanna sininna puwangngé, enrengngé Arunna sininna arungngé.”

WAHYU 3:21

Mennang iya pakalaé, maélo-Ka palaloi tudang ri kadéra akkarungek-Ku silaong Iyya. Pada-pada muto Iyya pura pakala na makkekkuwangngé tudang silaong Ambo'-Ku ri kadéra akkarungen-Na.