DANIEL 7:13 - KITTA KAREBA MADECENG

¹³ Ri laleng pakkitakku iyaro wennié, uwitai séuwa iya pada-padaé tolino. Poléi sibawa riyattulilingi ri ellungngé nainappa lao ri Aléna iya tuwoé mannennungeng sibawa riyappaddissengeng lao ri aléna.

DANIEL 7:13 ပူးပေါင်းရင်းမြစ်များ

MAZMUR 110:2

Polé ri Sion nalowangiwi matu Puwangnge akkarungemmu; akuwasaini sining balimmu!

MAZMUR 2:8

Ellauni, nasininna bangsaé Uwérékko, sibawa sininna linoé Upancajiwi appunnangemmu.

MAZMUR 47:5

Napiléngekki tana manata, abangkakenna bangsa iya Namaséiyé.

YEREMIA 49:19

Pada-pada singaé mompo polé ri ale maworongngé ri seddéna Salo Yordan sibawa lokkaiwi padang onronna bimbala'é mabbella, makkuwa toniro polé-Ka matu sibawa mébbui tau Edongngé lari polé ri wanuwanna mennang tennasenna-senna. Nainappa pilé-Ka séddi tau pamimping untu' paréntai iyaro bangsaé. Nigana wedding ripappadaik-Ka? Niga barani mébbu parakara sibawa Iyya? Engkaga pamimping iya mullééngngi méwa-Ka?

YEHEZKIEL 1:26

Ri tompo'na kubbaéro engka séuwa iya sinrupaé kadéra arajang polé ri batu nilangngé, na ri yasé'na tudangngi séuwa iya paitaé pada-pada tolino.

DANIEL 2:44

Ri wettu apparéntanna arung-ngarungngéro, Allataala ri surugaé patettongngi matu séuwa akkarungeng iya mattahangngé matu mannennungeng sibawa iya dé'é naricau matu muwi ri bangsa niga. Iyaro akkarungengngé nancuru'i matu sininna akkarungeng iya laingngéro.

DANIEL 7:12

Sining olokolo laingngé purani ribébbu akuwasanna, iyakiya ripalaloi tuwo narapi wettu iya puraé ripattentu.

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:9

Ri wettu makkitaku matteru, siyagangngaré kadéra akkarungeng ripalénne. Nainappa aléna iya tuwoé mannennungeng tudang ri yasé'na sala séddinna kadéra-kadéra akkarungengngéro. Pakéyan-Na sibawa gemme'-Na maputé mapaccing pada-pada ape'é. Kadéra akkarungen-Na sibawa padati-padatinna malluwa'-luwa' nasaba lumpa api,

DANIEL 8:15

Wettukku mattengngang makkuraga untu' pahangngi bettuwanna pakkitangngéro, tappa tettonni ri yoloku séuwa iya pada-padaé tolino.

MATIUS 13:41

Ana'na Tolinoé suroi matu malaéka'-malaéka'-Na paddeppungengngi polé ri yelle'na umma'-Na sininna iya nassabariyé tauwé pogau' dosa, sibawa sininna tau laingngé iya pogau'é ja.

MATIUS 24:30

Purairo tanranna Ana'na Tolinoé paitani matu ri langié. Iyaro wettué sininna bangsaé ri linoé teriwi matu. Naitai matu mennang Ana'na Tolinoé polé ri yasé'na ellungngé sibawa akuwasanna enrengngé alebbirenna battowaé.

MATIUS 25:31

“Rékko poléi Ana'na Tolinoé selaku Arung ritinrosi ri sininna malaéka'-Na, tudangngi matu ri yasé'na kadéra arajan-Na iya malebbié.

MATIUS 26:64

Nappébali Yésus, “Makkuwaitu adatta puwang. Iyakiya ateppe'no: mappammulai makkekkuwangngé, muwitai matu Ana'na Tolinoé tudang ri seddé ataunna Allataala Iya Pommakuwasaé, sibawa polé ri yasé'na ellungngé ri langié!”

MATIUS 28:18

Maddeppéni Yésus ri mennang, nakkeda, “Sininna akuwasangngé ri surugaé sibawa ri linoé purani riyabbéréyang ri Iyya.

MATIUS 8:20

Nappébali Yésus, “Asu ale'é mappunnai liyang, sibawa manu'-manu'é mappunnai sarang, iyakiya Ana'na Tolinoé dé' nappunnai onrong léwu.”

MARKUS 13:26

Iyaro wettué paitai matu Ana'na Tolinoé polé ri lalenna ellungngé sibawa akuwasanna battowaé nenniya marajaé.

LUKAS 21:27

Ri wettuénnaro napolé matu Ana'na Tolinoé ri ellungngé sibawa akuwasan-Na nenniya alebbiren-Na battowaé.

LUKAS 21:36

Jaga-jagako, sibawa tuli massempajakko kuwammengngi mulléi niniriwi sininna gau' maéloé kajajiyang sibawa mulléi mangolo ri Ana'na Tolinoé.”

LUKAS 24:27

Nainappa napakatajang Yésus lao ri mennang aga tarokié ri laleng sininna Kitta'é passalenna Aléna, mappammulai ri Kitta'-kitta'na Musa enrengngé Kitta'na sining Nabié.

YOHANES 12:34

Nakkeda tau maégaéro lao ri Aléna, “Manuru' Kitta Hukkutta, Arung Pappassalama'é tuwoi matu mannennungeng. Pékkugi-Ko wedding makkeda makkedaé Ana'na Tolinoé harusu'i ripakatanré ri yasé'na linoé? Niga iyaro Ana'na Tolinoé?”

YOHANES 3:13

Dé' séddi tau pura ménré ri surugaé, ri lainnaé iya nonnoé ri linoé, iyanaritu Ana'na Tolinoé.

YOHANES 5:27

Purani nawéréng Ana'-Na ha' untu' madéléki, saba' Ana'na Tolinoé.

RIWAYA'NA RASUL-RASUL-E 7:56

Nakkeda Stéfanus, “Itai, uwitai surugaé tattimpa' sibawa Ana'na Tolinoé tettong ri seddé ataunna Allataala!”

1 TESALONIKA 4:17

Purairo, idi iya tuwoé mupa iyaro wettué riyakkaki matu silaong mennang ri laleng ellungngé untu' siruntu Puwangngé ri langié. Nainappaki monro matu silaong Puwangngé lettu mannennungeng.

1 TIMOTIUS 6:16

Aléna bawang dé' nawedding rikuwasai ri amaténgngé; tuwoi ri laleng cahaya iya dé'é nawedding riyaddeppéri ri muwi niga. Dé'gaga muwi séddi tolino iya puraé mitai Aléna, iyaré'ga mulléi mitai Aléna. Ri Aléna ritu alebbirengngé sibawa akuwasangngé lettu mannennungeng! Aming.

IBRANI 2:14

Nasaba sining tau iya nateppué iyaro ana'é, iyanaritu mahlu' tolino iya weddingngé maté, na Yésus muto mancaji pada sibawa mennang enrengngé tuwo ri laleng keadaang tolinoé. Napogau'i makkuwaéro, kuwammengngi nasibawang amatén-Na naulléi mancuru'i Ibillisi' iya makuwasaiyéngngi amaténgngé.

IBRANI 9:24

Saba' dé' nauttama Kristus ri Bili' Mapaccingngé ébbu tolinoé, iya bannaé pulambangngi Bili' Mapaccingngé iya sitongennaé. Muttama'i Kristus ri surugana muto; kuwaniro makkekkuwangngé mangolo ri Allataala untu' apentingetta.

WAHYU 1:13

Ri tengnga-tengngana sining ajé lampuéro tettongngi séddi tau iya paitaé pada-pada tolinoé. Pakéi jumba iya labbunaé lettu ri ajé. Ri aro-Na pakéi pattongko aro ulaweng.

WAHYU 1:18

Iyya'na ritu Aléna iya tuwoé! Purana maté, iyakiya itani, tuwo-Ka untu' mannennungeng. Ukuwasaiwi amaténgngé, sibawa ri linona sining tau maté.

WAHYU 1:7

Itai, poléni risalipuri ri ellungngé! Sininna tauwé naitai matu Aléna, muttama toni mennang iya puraé gajangngi. Sininna bangsaé ri linoé mpatingngi matu nasaba Aléna. Iyyé, pasti! Aming!

WAHYU 14:14

Nainappa makkitaka, napaitana séuwa ellung iya maputé. Ri yasé'na ellungngéro tudangngi séddi tau iya paitaé samanna pada tolinoé. Ri ulun-Na engka séddi passigera' ulaweng, sibawa ri liman-Na engka séddi kandao iya matarengngé.