DANIEL 7:10 - KITTA KAREBA MADECENG

¹⁰ sibawa solo' api massolo polé ri kadéra akkarungengngéro. Massebbu tauwé tumaningiwi Aléna, sibawa majjuta tauwé tettong ri yolo-Na. Nainappa ripammulai sidang pengadilangngé, sibawa ritimpa sining bobbo'é.

DANIEL 7:10 ပူးပေါင်းရင်းမြစ်များ

1 ARUNG-NGARUNG 22:19

Makkedai Mikha paimeng, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri kadéra arajan-Na ri surugaé, sibawa sininna malaéka'-Na tettong ri seddé-Na.

2 TAWARIKH 18:18

Makkedasi Mikha, “Makkekkuwangngé éngkalingai aga iya napowadaé Puwangnge! Uwitai Puwangnge tudang ri yasé'na kadéra arajan-Na ri surugaé, silaong sininna malaéka'-Na tettong ri seddé-Na.

AYUB 25:3

Weddigga ribilang malaéka iya tumaningiyéngngi? Engkaga onrong iya dé'é natappai tajan-Na?

MAZMUR 103:21

Pojiwi Puwangnge, éh sininna mahlu'é ri surugaé, sininna atan-Na iya pogau'éngngi élo-Na.

MAZMUR 18:8

Nainappa taggoccang linoé sibawa ténré, goyang sining pabborina bulué sibawa ténré nasaba caina Allataala.

MAZMUR 50:3

Poléi Allataalata sibawa dé' naonro mammekko, ripoddiyoloi ri api iya mallépe-lépe'é, sibawa riyattulilingi ri anginraja iya maseroé.

MAZMUR 68:17

Magi napolé ri coppo'mu iya maégaéro makkitako sibawa mangémpuru lao ri Bulu Sion iya napilé Allataala untu' onron-Na? Monroi matu Puwangnge kuwaro untu' mannennungeng.

YESAYA 30:27

Akuwasanna sibawa arajanna Puwangnge paitai polé mabéla. Api sibawa rumpué mappaitangngi cai-Na. Mabbicarai sibawa mennang, sibawa ada-adan-Na mattunui pada-pada apié.

YESAYA 30:33

Riyilopa napura napassadiya onrong attunung untu' arung Asyur. Iyaro onrongngé maliyung sibawa malowang, mallise aju tunung iya maggoppo-goppoé. Puwangnge palluwa'i matu sibawa masseppungengngi nappase'-Na pada-pada salo belérangngé.

DANIEL 12:1

Makkedasi malaéka' iya paké pakéyang lénanro, “Iyaro wettué mompoi matu malaéka' battowaé Mikhaél pallinrunna bangsamu. Nainappa engka matu wettu asukkarakeng iya dé'é gaga pada-padanna sipongenna engka bangsa-bangsaé. Iyakiya sininna tau polé ri bangsamu iya tarokié asenna ri laleng kitta'na Allataala, ripassalama'i matu.

DANIEL 7:22

Nainappa Aléna iya tuwoé mannennungenro polé nainappa mabbéré apettung iya pattongengngéngngi umma'na Allataala Iya Pommatanré. Narapini wettunna mennang tarima akuwasang untu' mapparénta.

DANIEL 7:26

Nainappa massidang matu pengadilanna surugaé nanabébbui akuwasanna enrengngé mancuru'i gangka lennye.

ZAKHARIA 14:5

Lariko matu molai lompo iya bagééngngi iyaro bulu-bulué mancaji duwa. Lariko matu pada-pada néné-nénému wettunna kajajiyang tatténréng tanaé ri wettu apparéntanna Uzia, arunna Yéhuda. Nanapoléna Puwang Allataalaku, ritinrosi ri sininna malaéka'é.

MATIUS 25:31

“Rékko poléi Ana'na Tolinoé selaku Arung ritinrosi ri sininna malaéka'-Na, tudangngi matu ri yasé'na kadéra arajan-Na iya malebbié.

ULANGENG 33:2

“Polé ri Bulu Sinaiwi Puwangnge; mompoi ri yasé'na Edom pada-pada mata essoé sibawa polé ri Bulu Paran tappai umma'-Na. Risibawangngi ri seppulo sebbu malaéka'; malluwa apié ri seddé ataunna.

IBRANI 1:14

Rékko makkuwaitu, aga sitongenna iyaro sining malaéka'é? Mennang iyanaritu roh-roh iya tumaningiyéngngi Allataala, sibawa iya risuroé untu' tulungngi sining tau iya maéloé tarima asalamakeng.

IBRANI 12:22

Sibalé'na, laoko ri Bulu Sion sibawa kotana Allataala iya tuwoé, iyanaritu Yérusalém iya ri surugaé sibawa massebbu-sebbu malaéka'na.

YUDAS 1:14

Hénokh, assossoreng mapitué polé ri Adam, riyolo engka naengka nabotoi passalenna sining tauwéro. Makkedai Hénokh, “Itai, maéloi polé Puwangngé sibawa massebbu-sebbu malaéka'-Na iya mapaccingngé

WAHYU 11:18

Sining tau iya dé'é naissengngi Puwangngé, majjallo saba' wettunna Mupatabbollong cai-Mu, enrengngé wettunna tona Muwadéléki sining tau maté. Iyanaé wettunna untu' mpéréngngi saro ata-atam-Mu, sining nabié, sibawa lao ri sininna umma'-Mu, iyanaritu sininna tauwé iya massompaé ri Iko, battowa iyaré'ga baiccu. Iyanaé wettunna untu' mancuru'i sining tau iya mancuru'éngngi linoé!”

WAHYU 5:11

Nainappa makkitasika. Uwéngkalingasi sadda malaéka' iya massebbu-sebbué enrengngé majjuta-jutaé égana! Tettongngi mennang mattulilingiwi kadéra arajangngé sibawa iya eppa mahlu'é enrengngé sining pamimpingngéro.