DANIEL 6:4 - KITTA KAREBA MADECENG

⁴ Masitta'ni manessa makkedaé jama-jamanna Daniél lebbi makessingngi naiya jama-jamanna sining gubernur nenniya sining jennang laingngé. Rimakkuwannanaro, macinnai arungngé makkai mancaji panguwasana sininna akkarungengngé.

DANIEL 6:4 ပူးပေါင်းရင်းမြစ်များ

KAJAJIYANG 41:38

Nanakkeda arungngé lao ri mennang, “Dé' namakkullé lolongekki tau laing iya lebbi coco'é naiya Yusuf, saba' ripimpingngi ri rohna Allataala.”

KAJAJIYANG 43:18

Wettunna mennang ritiwi ri lalempolana Yusuf, métauni sibawa mappikkiri, “Ritiwiki lao kuwaé, nasaba dowi iya riruntu'é ri laleng karutta wettutta lao kumaié riyolo. Maéloni mennang tikkekki sibawa tenrisenna-senna, nainappa nala kaleddé'ta nanapancajiki atanna mennang.”

AMSAL 29:27

Tau makessingngé dé' namasennang sibawa tau majaé; tau majaé nacéccé tau makessingngé.

PAKKATOBBA 4:4

Uwisseng towi makkedaé mappallaung ladde'i tolinoé, banna nasaba mangémpurui mitai wassélé usahana balibolana. Iya manennaro siya-siyai simata pada-pada usaha lellungngé anging.

YEREMIA 18:18

Makkedai tauwé, “Laono mai tasikongkolo méwai Yérémia. Tenniya bawang aléna iya weddingngé mabicara untu' Allataala. Tuli engka matu imang iya weddingngé mappagguru, engka tau mapanré iya weddingngé mappangaja; sibawa engka nabi iya weddingngé palettukekki sining paseng polé ri Allataala. Laono mai tappissengengngi ri pengadilangngé sibawa aja'na taéngkalingai ada-adanna.”

YEREMIA 18:23

Iyakiya Iko, Puwang, misseng manengngi iya narancanaé mennang untu' paccappui nyawaku. Rimakkuwannanaro, aja' muwaddampengengngi mennang; aja' muleddai asalanna mennang. Unrui mennang narapi sempé. Tinda'no lao ri mennang ri laleng cai-Mu.”

YEREMIA 20:10

Paéngkalingai tauwé mabbici-bici kégi-kégi, “Kalallani taué! Laono mai talaporo'i lao ri iya makuwasaé!” Mala sininna sahaba maréppé'ku tajengngi asempékekku. Adanna mennang, “Naullé nasibawang pappalécé, taulléi caui, kuwammengngi taulléi makkabale lao ri aléna.”

YEREMIA 29:7

Ajjamano untu' asaléwangenna kota-kota onrommu Upali. Assempajanno lao ri Iyya untu' apentingenna kota-kotaéro, saba' rékko madécéngngi iyaro kota-kotaé, madécéng tokko matu.

DANIEL 3:8

Siyagangngaré tau Babél pakéi kasempatangngéro untu' cilakaiwi tau Yahudié.

DANIEL 5:12

Dé' padanna amaccanna sibawa apanrénna enrengngé maccai ri laleng pakatajangngi nippié, timpa'i rahasiyaé enrengngé pacceppiwi parakara-parakara iya masukkara'é. Asenna Daniél, iyakiya arungngé masengngi Béltsazar. Obbini. Nappaissengengngi matu lao ri Puwakku aga bettuwanna okiéwé.”

DANIEL 6:22

Nanaéngkalingani saddanna Daniél iya mappébaliyé, “Tuwoi Puwakku untu' mannennungeng!

MATIUS 26:4

Barundinni mennang untu' tikkengngi Yésus sibawa mammekko-mekko enrengngé mpunoi.

MATIUS 27:18

Makkeda makkuwairo Pilatus nasaba naissengngi makkedaé sining panguwasana Yahudié mabbéréyangngi Yésus nasaba mangémpurui mennang.

LUKAS 20:20

Jaji sappani kasempatang iya makessingngé. Nanasogo'ni mennang tauwé untu' majjaiwi selaku tau lempu, nanasuroi sining tauwéro untu' palaiwi siyo-siyo Yésus sibawa pakkutana-pakkutanana, kuwammengngi naulléi mabbéréyangngi lao ri akuwasanna gubernur-é.

LUKAS 20:26

Angkanna ri yolona tau maégaéro dé' naulléi mennang lolongeng muwi séddi asalang ri Yésus. Mammekko bawammi mennang sibawa bengnga lao ri pappébalin-Naro.

LUKAS 22:2

Kapala-kapalana imangngé sibawa guru-guru agamaé sappani laleng untu' mpunoi Yésus secara mammekko-mekko nasaba métaui mennang ri tau maégaé.

YOHANES 19:4

Purairo massusi Pilatus siseppa nanakkeda lao ri tau maégaéro, “Itai! Utiwii massu lao ri iko, kuwammengngi muwissengngi makkedaé dé' ulolongeng muwi séddi asalang ri Aléna.”

2 KORINTUS 11:12

Aga iya upogau'é makkekkuwangngé maéloka pogau'i matteru kuwammengngi “rasul” iya laingngéro dé' nappunnai alasang untu' pojiwi aléna sibawa makkeda makkedaé majjamai mennang pada-pada idi.

FILIPI 2:15

Nanallalengiro muwappaitangngi makkedaé iko iyanaritu ana'-ana'na Allataala iya dé'é gaga cellana, iya tuwoé sibawa matinulu enrengngé tongeng ri tengnga-tengngana tau majaé sibawa madosaé. Na wettunna mupalettu lao ri mennang biritta iya mabbéré atuwong, sitinajako mancaji lao ri mennang pada-pada cahaya iya mattappaé tajangiwi linoé. Rékko tuwoko pada-padaéro, engkana matu alasang ri iyya untu' marasa mingki passalemmu ri Essona Yésus Kristus polé paimeng. Iyanaro buttinna makkedaé perjuwangekku dé' nasiya-siya sibawa usahaku engka wassélé'na.

1 TIMOTIUS 5:14

Iyanaro saba'na naumaélo kuwammengngi nakawing paimeng janda maloloé mupa, lolongeng ana' sibawa murusu'i ruma tanggana, kuwammengngi dé' nalolongeng kasempatang sining balitta untu' kebbongiwi asetta.

TITUS 2:8

Pakéi ada-ada iya makessingngé, iya dé'é nawedding nacella tauwé, kuwammengngi naissengngi balimmu mancaji masirii nasaba dé' gaga gau'-gau' maja iya naullé mennang powada passaletta.

1 PETRUS 2:12

Ampé-ampému ri yelle'na tau iya dé'é naissengngi Puwangngé harusu'i makessing senna', angkanna rékko napétenna'ko selaku tau maja, harusu'i mennang nangakui pangkaukemmu iya makessingngé, angkanna napojiwi matu mennang Allataala ri Esso apolén-Na.

1 PETRUS 3:16

Iyakiya pogau'i iyaro sibawa malemma kininnawa sibawa mappakaraja. Sibawa sitinajai ati marilalemmu mapaccing, kuwammengngi rékko ripétenna'ko nasaba tuwoko sibawa makessing selaku Ana' gurunna Kristus, maka tau iya mappétenna'éro mancajiwi matu aléna muto masiri.

HAKING-HAKING 14:4

Dé' naissengngi tomatowanna Simson makkedaé Puwangnge ritu mébbui Simson pogau'i gau'éro. Saba', Puwangnge sappa kasempatang untu' musui tau Filistingngé. Iyaro wettué tau Filistingngé kuwasaiwi tau Israélié.

1 SAMUEL 12:4

Nappébali iyaro sining tauwé, “Dé', dé' naengka Bapa' napabengnguwang iyaré'ga natenre'ki; dé' naengka nalai Bapa' aga-aga appunnangenna muwi niga?”

1 SAMUEL 18:14

Naulléi pogau'i sininna tugasna, saba' Puwangnge tulungngi.

1 SAMUEL 22:14

Nanappébali Ahimélékh, “Tenniyaga Daud parawirana Datu iya kaminang matinulué? Ménéttunna topa Datu, kapala pengawalna Datu, sibawa ripakalebbi senna'i ri sininna tauwé ri laleng saorajana Datu.