DANIEL 5:8 - KITTA KAREBA MADECENG

⁸ Malluruni sining tau accaé, iyakiya dé' muwi séddi tau mulléi bacai iyaro okié iyaré'ga mappaissengengngi bettuwanna lao ri arungngé.

DANIEL 5:8 ပူးပေါင်းရင်းမြစ်များ

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

YESAYA 47:9

Iyakiya cinampe bawang, ri laleng siesso, iya duwa gau'éro massamangngi kajajiyang. Muwi pakéko passéhéré sibawa pajjappi, risittai towi lakkaimmu sibawa ana'mu.

YEREMIA 50:35

Makkedai Puwangnge, “Binasai Babél silaong ra'ya'na nenniya pajaba pamaréntana enrengngé tomaccana mennang!

DANIEL 2:27

Nappébali Daniél, “Puwakku, dé'gaga tau mappangissengeng, pajjappi macca, paboto iyaré'ga pappalakiya iya mullééngngi mappaissengengngi gau'éro lao ri Puwakku.

DANIEL 4:18

Eh Béltsazar, iyanaro nippikku. Makkekkuwangngé powadani bettuwanna lao ri iyya. Dé' muwi séddi tau polé risining tau accaé iya engkaé ri akkarungekku mulléi powadai lao ri iyya, iyakiya iko mulléi, saba' ripennoiko ri rohna déwata-déwata iya mapaccingngé.”

DANIEL 4:4

Monroka sibawa saléwangeng ri laleng saorajaku nenniya tuwo sibawa masennang.

DANIEL 4:7

Iyakiya wettunna sining pabotoé, pajjappi maccaé, sining tau mappangissengengngé sibawa sining pappalakiyaéro polé sibawa ucuritangngi nippikkuro lao ri mennang, dé' muwi séddi tau mulléi pakatajangngi bettuwanna.

DANIEL 5:15

Sining tomaccaé sibawa ahli pajjappié purani nacoba bacai iyaé okié sibawa paissengika bettuwanna. Iyakiya dé' naulléi mennang.