DANIEL 5:7 - KITTA KAREBA MADECENG

⁷ Nagorana méllauwi kuwammengngi nariyobbi sining pabotoé, ahli pajjappié sibawa ahli pappalakiyaé. Wettunna mennang engkani, makkedani arungngé, “Nigi-nigi mulléi bacai iyaro okié sibawa paissengika bettuwanna, uwéréngngi matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkai matu mancaji panguwasa matellué ri laleng akkarungekku.”

DANIEL 5:7 ပူးပေါင်းရင်းမြစ်များ

KAJAJIYANG 41:8

Elénana maséssani arungngé, rimakkuwannaro nasuroni mobbii sininna passéhéré'é sibawa tau maccaé ri Maséré. Nainappa nacurita nippinna lao ri mennang, iyakiya dé' muwi séddi tau mulléi pakatajangngi bettuwanna.

ESTER 3:1

Siyagangngaré wettu ri munrinna naakkani Arung Ahasywéros séddi tau riyasengngé Haman mancaji perdana menteri. Haman iyanaritu ana'na Hamédata polé ri wija-wijanna Agag.

ASSURENG 7:11

Rimakkuwannanaro naobbi toni arungngé sining tau maccaé sibawa ahli-ahli passéhéré'na, nanapogau' toni makkuwaéro sibawa pangissengeng mappalennye'-lennye'na mennang.

AMSAL 1:9

saba' sining pappagguruwanna mennang natambaiwi akkaleng makessimmu pada-pada bélo-bélo ulué sibawa ranté pagelloriyéngngi tappamu.

ELONG MARAJA 1:10

Magello rupammu ri tengngana bélo-béloé, makessing ellommu nasibawang ranté mapparamata.

YESAYA 47:13

Posoko nasaba égana pangaja. Suroi sining pabotoé malluru passalama'ko; mennang iya puraé salidikiwi sininna sunna langié sibawa magguruiwi sining wéttowingngé, sibawa ri tungke uleng baru botoi aga iya mancajiyé totomu.

YEREMIA 50:35

Makkedai Puwangnge, “Binasai Babél silaong ra'ya'na nenniya pajaba pamaréntana enrengngé tomaccana mennang!

YEHEZKIEL 16:11

Ubélo-béloiko sibawa paramata, ranté sibawa gellang.

DANIEL 1:20

Tungke' arungngé pangolo persoalang iya mapparelluwangngé pappakatajang sibawa pertimbangang, naitai makkedaé pangaja sibawa tangngana iya eppa kalloloéro wékkaseppulo lebbi makessinna naiya pangajana sibawa tangngana sininna paboto enrengngé pajjappi maccaé risininna akkarungenna.

DANIEL 1:4

Harusu'i mennang kallolo-kallolo iya dé'é sala-salanna. Harusu'i mennang magello, matanré aggurunna, macca sibawa malowang pangissengenna enrengngé sipato untu' majjama ri laleng saorajaé. Aspénas harusu paggurui mennang mabbaca sibawa maroki basa Babél.

DANIEL 2:2

Rimakkuwannanaro naobbini sining pabotoé, pajjappi maccaé, sanroé sibawa sining tau mappangissengengngé, untu' pakatajangngi nippinnaro.

DANIEL 2:27

Nappébali Daniél, “Puwakku, dé'gaga tau mappangissengeng, pajjappi macca, paboto iyaré'ga pappalakiya iya mullééngngi mappaissengengngi gau'éro lao ri Puwakku.

DANIEL 2:48

Nainappa nawéréng Daniél tudangeng iya matanré, nawérénni maéga hadiya iya magelloé, sibawa naakkai mancaji gubernurna Babél, enrengngé napancajiwi pamimping kaminang matanré lao ri sininna pappangajana saorajaé.

DANIEL 2:6

Iyakiya rékko muwulléi, uwérékko matu hadiya iya magelloé enrengngé alebbireng iya battowaé. Nah, appaissengenni makkekkuwangngé nippikkuro sibawa bettuwanna!”

DANIEL 4:14

Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

DANIEL 5:11

Saba' ri laleng akkarungenna Puwakku engka séddi worowané iya ripennoiyé ri rohna déwata-déwata iya mapaccingngé. Ri wettu apparéntanna ambo'na Puwakku, pabuttini iyaro tauwé mappunnaiwi amaccang, pappéjeppu sibawa pangissengeng, iya pada-padaé pangissengenna sining déwataé. Ambo'na Puwakku Arung Nébukadnézar pura makkai mancaji pamimpinna sining pabotoé, ahli pajjappié, sining tau mappangissengengngé sibawa ahli pappalakiyaé.

DANIEL 5:15

Sining tomaccaé sibawa ahli pajjappié purani nacoba bacai iyaé okié sibawa paissengika bettuwanna. Iyakiya dé' naulléi mennang.

DANIEL 5:16

Silalona uwéngkalinga makkedaé mulléi timpa'i sininna rahasiyaé sibawa pacceppiwi parakara-parakara iya masukkara'é. Rékko muwulléi bacai iyaé okié sibawa paissengika bettuwanna, uwérékko matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkako matu mancaji panguwasa matellué ri laleng akkarungekku.”

DANIEL 5:29

Masitta'ni Bélsyazar paréntangngi sining pegawénna kuwammengngi napappakéiwi Daniél jumba collipao sibawa paddantéiwi ellonna ranté ulaweng. Nainappa naakka Daniél mancaji panguwasa matellué ri laleng akkarungenna.

ABBILANGENG 22:17

Maéloka mabbéré saro iya maéga senna'é, sibawa pogau'i agi-agi iya mupowadaé. Poléni', namutanrongekka iyaro bangsaé.”

ABBILANGENG 22:7

Nanalaona iyaro sining pamimpinna tau Moab-é nenniya Midiangngé sibawa tiwi saro untu' Biléam kuwammengngi namaélo tanroiwi tau Israélié. Lettu'nana ri Biléam, napalettu'ni mennang ri Biléam pasenna Arung Balak.

ABBILANGENG 24:11

Makkekkuwangngé weddinno lao, lisu ri bolamu! Ujancingekko saro, iyakiya dé' napalaloko Puwangnge tarimai iyaro saroé.”

1 SAMUEL 17:25

Makkedai mennang ri padanna, “Itaini! Engkalingani ada-ada angéwangenna! Saul arutta purani majjanci makkedaé nigi-nigi mpunoi Goliat, riwéréngngi matu hadiya battowaé. Napasiyala towi matu arungngé iyaro tauwé sibawa ana'na. Sibawa kaluwargana iyaro tauwé matu ripapéréi polé ri simaé.”