DANIEL 5:25 - KITTA KAREBA MADECENG

²⁵ Iyanaé iyaro okié, ‘Ribilang, ribilang, ritimbang, ritawa.’

DANIEL 5:25 ပူးပေါင်းရင်းမြစ်များ

2 TAWARIKH 21:12

Nanalolongenna Yéhoram silampa sure' iya naokié Nabi Elia wettunna tuwo mupi. Makkuwaiyé oninna iyaro sure'é, “Puwang, Allataala iya nasompaé Daud, hukkungngi Datu saba' dé' naccowériwi Datu baténa ambo'na sibawa nénéna worowané Datu.

YESAYA 14:11

Riyolo ripakalebbiko sibawa kacapi, iyakiya makkekkuwangngé engkano ri asino-sinonna linona tau maté. Ule'é mancaji ranjammu sibawa latié mancaji parampa'mu.’

YESAYA 47:11

Iyakiya nakennako matu abala, pangissengeng passéhéré'mu dé' naulléi pasalai. Nalokkaiko matu abalaé, sibawa dé' mulléi pasalai. Poléi matu abinasangngé tenrisenna-senna, sibawa dé' musenna-sennai ri yolona.

YEREMIA 27:7

Mattumaniwi matu sininna bangsaé lao ri aléna, lao ri ana' worowanéna, sibawa lao ri eppona narapi wettunna sempe wanuwanna muto. Iyaro wettué mattumaniwi matu bangsa Babél-é lao ri bangsa-bangsa iya mawatangngé sibawa arung-ngarung iya battowaé.

DANIEL 5:24

Iyanaro saba'na nakiringngi Allataala iyaro limaé untu' mokii pasen-Na.

DANIEL 5:26

Na iyanaé bettuwanna: Ribilang, wettu apparéntanna Puwakku purani nabilang Allataala sibawa napaccappa'na;

HABAKUK 2:7

Iyakiya dé' umaingekiwi, iko ritu pura caui tau laingngé, makkinreng towi matu sibawa ripassa untu' makkamaja bunga. Poléi matu sining balimmu nanaébbuko métau. Narampo'i matu mennang waramparammu!

LUKAS 1:51

Nasibawang liman-Na iya mawatangngé napassara-sarangngi tau matempoé, sibawa nakacauwi rancanana mennang.

LUKAS 12:20

Iyakiya makkedai Allataala lao ri tauwéro, ‘Eh donggo! Iyato wennié mumaté matu, na nigana matu lolongengngi sininna asugireng iya puraé mupaddeppungengngi alému?’

1 SAMUEL 28:19

Iko sibawa sining tau Israélié riyabbéréyakko matu ri tau Filistingngé. Baja iko sibawa ana'-ana' worowanému maddeddungenno sibawa iyya; mala sininna tentara Israélié nabbéréyang towi matu Puwangnge lao ri tau Filistingngé.”