DANIEL 5:23 - KITTA KAREBA MADECENG

²³ Napakatanréi aléna Puwakku lao ri Puwangnge ri surugaé sibawa barani massurowangngi tiwii muttama mangko'-mangko' iya puraé rirampasa polé ri Bolana Puwangnge. Nainappa Puwakku enrengngé sining tomarajaé, sining bainéna sibawa sining gundi'na Puwakku ménung polé ri mangko'-mangko'éro. Napojiwi Puwakku déwata-déwata iya riyébbué polé ri ulawengngé, péra'é, tembagaé, bessié, ajué sibawa batué, déwata-déwata iya dé'é naulléi makkita iyaré'ga maréngkalinga iyaré'ga majeppuiwi agi-agi. Dé' napakalebbii Puwakku Allataala iya pattentuéngngi atuwonna sibawa amaténna Puwakku sibawa pattette'i laleng atuwonna Puwakku.

DANIEL 5:23 ပူးပေါင်းရင်းမြစ်များ

KAJAJIYANG 14:19

nainappa nabarakkaki Abram, adanna, “Tennapodo Allataala Iya Pommatanré, iya puraé pancajiwi langié sibawa linoé, barakkakiwi Abram!

KAJAJIYANG 2:7

Nainappa malani Puwang Allataala céddé tana, nanaébbui séddi tau tolinoé, nainappa nasseppungeng nappase iya mabbéré atuwong ri laleng sebbo inge'na; natuwona iyaro tolinoé.

2 ARUNG-NGARUNG 14:10

Iko, Amazia, matempono, nasaba purani mucau tau Edongngé. Dé'ga na iyaro apakalangngé genne'ni? Makessingenni onrono bawang ri bolaé! Untu' aga sappa persoalang iya bannaé cilakaiwi matu alému sibawa ra'ya'mu?”

AYUB 12:10

Naatoro'i atuwonna sininna mahlu' iya engkaé; makuwasai lao ri nyawana tungke' tolinoé.

AYUB 31:4

Pasti naisseng Allataala sininna pangkaukekku; Naitai sininna jongkaku.

MAZMUR 104:29

Rékko gilik-Ko, métaui mennang; rékko Muwalai nappase'na, cappuni mennang, sibawa lisu mancaji awu pada-pada pammulanna.

MAZMUR 115:16

Langié iyanaritu appunnangenna Puwangnge bawang, iyakiya linoé Nawéréngngi tolinoé.

MAZMUR 139:3

Muwitaka, muwi mappallaukka iyaré'ga mappésau, Muwissengngi sininna iya upogau'é.

MAZMUR 146:4

Rékko matéi mennang, lisui mennang ri tanaé; iyatoro essoé nalennye maneng rancanana.

AMSAL 20:24

Pura napattentuni Puwangnge laleng atuwonna tolinoé ri linoéwé; iyanaro saba'na dé' naulléi tolinoé majeppuiwi laleng atuwonna.

YESAYA 13:11

Makkedai Puwangnge, “Maélo-Ka hukkungngi linoé nasaba jana, sibawa sining tau majaé nasaba dosa-dosana mennang. Tungke tau matempoé Upakariyawai matu, tau maboroé sibawa mabecco'é Uhukkungngi matu.

YESAYA 14:13

Manniya'ko ménré ri langié sibawa taroi kadéra akkarungemmu ri yasé'na wéttowing iya kaminang matanré! Muwasengngi muwulléi tudang selaku arung ri tompo'na bulué seddé manorang, onronna déwata-déwataé maddeppungeng.

YESAYA 2:12

Iyaro essoé Puwang Iya Pommakuwasaé napakariyawa manengngi matu iya pakatanrééngngi aléna sibawa hukkung manengngi iya maboroé.

YESAYA 33:10

Makkedai Puwangnge lao ri bangsaéro, “Makkekkuwangngé maélo-Ka tokkong sibawa tinda mappaitangngi akuwasak-Ku.

YESAYA 37:19

Natunu towi déwata-déwatana mennang sibawa naancuru'i, saba' iyaro déwata-déwataé dé' sises-siseng namakuwasa. Bannai mennang dato-dato polé ri ajué sibawa batu ébbu tolinoé.

YESAYA 37:23

Muwissegga niga murodda-roddai sibawa mupakatunaro? Iyya, Allataalana Israélié, Allataala iya mapaccingngé.

YESAYA 42:5

Puwang Allataala pancajiwi sibawa pallebba'i langié; Natappai linoé sibawa sininna iya tuwoé ri yasé'na. Nawéréngngi tolinoé nappase atuwong sibawa nyawa. Napalettu'i iyaé pasengngé lao ri atan-Na,

YEREMIA 10:23

Puwang, uwisseng dé' muwi séddi tau makuwasa pattentui totona iyaré'ga paturui laleng atuwonna.

YEREMIA 48:26

Makkedai Puwangnge, “Ebbui Moab mancaji mabo', nasaba nattempowangngi aléna lao ri Iyya. Maggalélui matu ri laleng luwana, sibawa ricawa-cawai ri tauwé.

YEREMIA 50:28

Sining tau iya lariyé lao ri Yérusalém polé ri Babél curitai pékkugi Puwang Allataalata mpale'i pangkaukenna tau Babél-é lao ri Bolana Puwangnge.)

YEREMIA 50:29

Makkedai Puwangnge, “Suroi sining pappanaé gasai Babél. Pangarai tungke tau iya maccaé mappana. Keppungngi kotaéro sibawa aja' muleppessangngi muwi séddi tau leppe. Wale' manengngi pangkaukenna sibawa gaukengngi situru sibawa kédo-kédona, saba' purai tinda' kurang ajara' lao ri Iyya, Iya Pommapaccingngé, Allataalana Israélié.

YEHEZKIEL 28:17

Tappamu iya magelloé mébbuko matempo sibawa ataromporemmu nassabariko tinda madonggo. Rimakkuwannanaro Uwabbantingekko ri tanaé sibawa Upancaji papparéngngerang untu' arung-ngarung laingngé.’ ”

YEHEZKIEL 28:2

“Eh tolino dé'é namannennungeng, palettu'i lao ri arung Tirus, aga iya Iyya Puwang Iya Pommatanré upowada lao ri aléna, ‘Nasibawang atempong muwangga'i alému déwata iya makkarungngé ri tengnga-tengngana tasi'é. Weddissa mallaga'ko selaku déwata, iyakiya éngngerangngi, bannako tolino biyasa.

YEHEZKIEL 28:5

Mémeng, maccako dangkang na makkekkuwangngé sugi senna'no, na iyaro asugiremmu mébbuko matempo!’ ”

YEHEZKIEL 31:10

Rimakkuwannanaro, Iyya, Puwang Iya Pommatanré, paissengiko aga kajajiyang matu ri aju iya coppo'naé lettu ri ellungngéro. Saba' pédé matanréi, pédé matempo towi.

DANIEL 11:12

Namatempona matu nasaba apakalanna sibawa nasaba purani nauno maéga bali, iyakiya dé' matu natteru makuwasa.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

DANIEL 8:11

Mala naéwai pallimana tentara surugaé, napappajai akkarobangeng pakkasuwiyang esso-essoé iya nakkasuwiyangengngé lao ri pallimaéro, sibawa ruttungngi bola assompangngé untu' aléna.

HABAKUK 2:4

Na éngngerangngi: Tau iya majaé dé' nasalama matu, iyakiya tau iya pogau'éngngi élona Allataala tuwoi matu nasaba atinulurenna lao ri Allataala.”

RIWAYA'NA RASUL-RASUL-E 17:25

Dé'to napparelluwangngi bantuwanna tolinoé, saba' Aléna ritu mabbéré atuwong sibawa nappase' enrengngé sininna séuwa-séuwaé lao ri tolinoé.

1 KORINTUS 8:4

Passalenna manré anrékanré iya puraé riyakkasuwiyangeng ri barahalaé, riissenni makkedaé barahalaé maddapangengngi séuwaé iya sitongennaé dé'gaga. Na riisseng towi makkedaé Allataala banna séddi bawang; dé'gaga laingngé.

1 TIMOTIUS 3:6

Séddié pamimping jema' dé' nawedding tau iya nappaé mancaji Kristéng, saba' matempoi matti angkanna tattanroi pada-pada Ibillisi'é riyolo.

IBRANI 4:13

Dé'gaga muwi séddi mahlu' iya tassubbué polé ri pakkitanna Allataala. Sininna séuwa-séuwaé mallusu-lusui sibawa tabbukka ri yolo-Na. Sibawa harusu'ki mabbéré tanggung jawa' ri Aléna.

WAHYU 9:20

Iyakiya sésana polé ri umma' tolinoé iya dé'é nariyuno risining abalaéro, dé'to namaélo salaiwi pangkaukeng limanna muto mennang. Dé' nappésau mennang massompa risining sétangngé, sibawa barahala-barahala ulawengngé, péra'é, tembagaé, batu sibawa ajué iya dé'é naulléi makkita, iyaré'ga maréngkalinga, iyaré'ga joppa.

HAKING-HAKING 16:23

Riséuwaé esso maddeppungenni sining panguwasana Filistingngé maélo mappésta sibawa makkasuwiyangeng akkarobangeng marowa senna untu' Dagon, déwatana mennang. Makkélonni mennang, “Purani' nawéréng déwatata apakalang lao ri Simson, balitta!”

1 SAMUEL 17:26

Namakkeda Daud, “Barani tongeng tau Filisting kapéré'éro méwai tentarana Allataala iya tuwoé!” Nainappa makkutana ri sala séddié prajuri, “Aga riwéréngngi matu tau iya weddingngé mpunoi tau Filistingngéro sibawa leddai appakatunangngé polé ri Israélié?”

1 SAMUEL 17:36

Purani atatta mpuno singa sibawa beruang, na tau Filistin kapéré'éro pada-pada towi matu olokolo'éro, nasaba baraniwi pakatunawi tentara polé ri Allataala iya tuwoé.