DANIEL 5:22 - KITTA KAREBA MADECENG

²² Iyakiya ana' worowanéna, iyanaritu aléna Puwakku, dé' namaélo pakariyawai aléna, namuni naissengngi Puwakku iya manennaro.

DANIEL 5:22 ပူးပေါင်းရင်းမြစ်များ

2 TAWARIKH 33:23

Iyakiya silaingengngi sibawa ambo'na, Amon dé' napakariyawai aléna sibawa dé' nalisu lao ri Puwangnge; mala lebbi madosai naiya ambo'na.

2 TAWARIKH 36:12

Madosa towi lao ri Puwang Allataalana. Dé' namaélo pakariyawai aléna sibawa dé' naturusiwi Nabi Yérémia iya palettu'éngngi paseng polé ri Puwangnge lao ri aléna.

MAZMUR 119:46

Uwabbirittangngi matu peraturam-Mu lao risining arungngé, nadé' matu umasiri.

ASSURENG 10:3

Nanalaona Musa sibawa Harun mangolo ri arungngé sibawa makkeda lao ri aléna, “Makkedai Puwang, Allataalana bangsa Ibranié, ‘Gangka kégiko dé' mumaélo tunru lao ri Iyya? Leppessangngi umma'-Ku lao, kuwammengngi weddingngi mennang massompa ri Iyya.

YESAYA 13:11

Makkedai Puwangnge, “Maélo-Ka hukkungngi linoé nasaba jana, sibawa sining tau majaé nasaba dosa-dosana mennang. Tungke tau matempoé Upakariyawai matu, tau maboroé sibawa mabecco'é Uhukkungngi matu.

YESAYA 14:13

Manniya'ko ménré ri langié sibawa taroi kadéra akkarungemmu ri yasé'na wéttowing iya kaminang matanré! Muwasengngi muwulléi tudang selaku arung ri tompo'na bulué seddé manorang, onronna déwata-déwataé maddeppungeng.

YESAYA 26:10

Muwi tau majaé rigaukengngi sibawa makessing, dé'to nagguru aga iya tongengngé. Muwi ri wanuwa hukkungngé macéko-céko towi, sibawa dé' namaélo mangakuiwi akuwasanna Puwangnge.

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.

MATIUS 14:4

Nasaba engka naengka nakkeda makkuwaé Yohanés lao ri Hérodés, “Dé' naweddikko kawing sibawa Hérodias!”

MATIUS 21:32

Nasaba poléi Yohanés Paccemmé, sibawa mappaitangngi lao ri iko cara atuwong iya naéloriyé Puwangngé, iyakiya iko dé' mumaélo mateppe' ri pappagguruwanna, na sining passinge' simaé sibawa sining makkunrai cakkuribangngé mateppe'i ri aléna. Iyakiya namuni purani muwita iya manennaro, dé'to mupinrai pikkirammu sibawa dé' mumateppe ri Puwangngé.”

LUKAS 12:47

Pattumani iya missengngéngngi élona puwanna, iyakiya dé' nasadiya-sadiya sibawa dé' napogau'i élona puwannaro, ribarasa'i matu sibawa maladde'.

YOHANES 13:17

Rékko muwissengngi iya manennaé, masennanno rékko mupogau'i.

YAKOBUS 4:17

Rimakkuwannanaro, tau iya missengngéngngi aga iya makessingngé iya harusu'é napogau' iyakiya dé' napogau'i, madosai iyaro tauwé.

YAKOBUS 4:6

Namuni makkuwaro, pammaséna Allataala iya nawéréngngékki lebbi mawatangngi naiya cinnana iyaro rohta. Iyanaro saba'na ri laleng Kitta'é taroki towi, “Allataala méwai tau iya matempoé, iyakiya sibalé'na namaséiwi tau iya mariyawa atié.”