DANIEL 5:21 - KITTA KAREBA MADECENG

²¹ Ripaddésu'i polé ri masaraka tolinoé sibawa akkalenna mancajiwi pada-pada akkaleng olokolo'é. Tuwoi silaong kaleddé ale'é, manré wella pada-pada sapingngé sibawa matinroi ri tana lapangngé angkanna ririca ri cinoddoé. Angkanna nangakui makkedaé Allataala Iya Pommatanré makuwasai ri akkarungeng tolinoé na iyaro akkarungengngé Nabbéréyangngi lao ri nigi-nigi iya Napilé.

DANIEL 5:21 ပူးပေါင်းရင်းမြစ်များ

AYUB 39:5

Niga malleppessang kaleddé liya ri ale'é? Niga lukkai tuluna sibawa malleppessangngi mallampareng?

YEHEZKIEL 17:24

Napahangngi matu sininna ajué ri wanuwaé makkedaé Iyya'na Puwang. Utubbangngi aju iya matanré; aju iya mapancé'é Uwébbui tuwo maccaloli. Aju iya manyilaé Uwébbui marakko; sibawa aju iya marakkoé Uwéréngngi cura' sibawa unga. Iyya, Puwang, pura mabbicara, sininna ada-adak-Ku kajajiyangngi matu.”

DANIEL 4:14

Makkedai sibawa macenno, ‘Tubbangngi ajuéro sibawa rette'i takké-takkéna, padduttungngi daud-daunna sibawa assiyamporengngi buwana. Rukkai olokolo iya léwué ri yawana sibawa manu'-manu' iya massarangngé ri takké-takkéna.

DANIEL 4:17

Iyanaro apettutta idi malaéka'-malaéka' iya matike'é sibawa sadiya-sadiyaé. Akkattata iyanaritu kuwammengngi sining tauwé muwi kégi mangakuiwi, makkedaé Allataala Iya Pommatanré makuwasai lao ri akkarungenna tolinoé sibawa iyaro akkarungengngé Nabbéréyangngi lao ri nigi-nigi iya Napilé, mala muwi lao ri tau iya kaminang dé'é gaga bettuwanna!’

DANIEL 4:22

Ya Puwakku, Puwakku ritu aju iya matanré sibawa masse'éro. Arajanna Puwakku tattambai lettu ri langié sibawa akuwasanna Puwakku mallowangengngi lettu ri cappa'na linoé.

DANIEL 4:25

Ripaddésu'i matu Puwakku polé ri masaraka tolinoé sibawa tuwo ri yelle'na sining olokolo'é ri padangngé. Pituttaung ittana manréi matu wella Puwakku pada-pada sapingngé sibawa matinro ri tana lapangngé, angkanna ririca ri cinoddoé. Purapiro nappai nangakui Puwakku makkedaé Allataala Iya Pommatanré makuwasai ri yasé'na akkarungeng tolinoé, Nanabbéréyangngi iyaro akkarungengngé lao ri nigi-nigi iya Napilé.

DANIEL 4:26

Napparéntangngi sining malaéka'é kuwammengngi na tona iyaro ajué rileppessangngi monro ri laleng tanaé. Bettuwanna iyaro makkedaé mancaji arungngi matu paimeng Puwakku purana nangakui Puwakku makkedaé Allataala makuwasaiwi sininna linoé.

DANIEL 4:34

Labe'nana iyaro wettu pituttaungngé, congana ri langié, nanalisuna amaingekekku. Naupojiwi Allataala Iya Pommatanré. Upojiwi sibawa upakalebbii Aléna iya tuwoé mannennungenro. “Mancaji arungngi matu Allataala untu' mannennungeng. Makuwasai sillampé wettué.

DANIEL 4:35

Dé' bettuwanna bangsa-bangsaé ri linoé. Nakuwasaiwi Allataala malaéka'é ri surugaé sibawa pabbanuwana linoé. Dé' muwi séddi tau mulléi méwai élo-Na, dé'gaga barani makkutanangngi aga iya Napogau'é.”

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

DANIEL 5:18

Allataala Iya Pommatanré mébbui Nébukadnézar, ambo'na Puwakku mancaji arung maraja sibawa mpéréngngi arajang nenniya ataromporeng.