DANIEL 5:20 - KITTA KAREBA MADECENG

²⁰ Iyakiya wettunna mancaji matempo, matedde ati sibawa mabecco, ripasempé'i polé ri kadéra akkarungenna angkanna ateddéngeng arajanna.

DANIEL 5:20 ပူးပေါင်းရင်းမြစ်များ

2 ARUNG-NGARUNG 17:14

Iyakiya Israél sibawa Yéhuda, dé' namaélo méngkalingai. Matedde atiwi mennang pada-pada toriyolona iya dé'é namateppe ri Puwangnge, Allataalana.

2 TAWARIKH 32:25

Iyakiya nasaba matempoi, dé' namattarima kasi ri ajjappang iya riwéréngngéngngi ri Puwangnge. Rimakkuwannanaro macaini Puwangnge lao ri Yéhuda sibawa Yérusalém.

2 TAWARIKH 36:13

Pura ripassai Zédékia ri Arung Nébukadnézar untu' mattanro nasabbing Allataala makkedaé matinului matu lao ri Nébukadnézar. Iyakiya rimunri maronta'i Zédékia lao ri Nébukadnézar. Matedde atiwi Zédékia lao ri Puwangnge, Allataalana Israélié. Dé' namaélo salaiwi dosa-dosana sibawa dé' namaélo lisu ri Puwangnge.

ASSURENG 18:11

Uwissenni makkekkuwangngé makkedaé lebbi battowai Puwangnge naiya sininna déwataé, saba' iya manennaro napogau'i wettunna tau Maséré'é tinda sibawa matempo senna lao ri bangsa Israélié.”

ASSURENG 9:17

Namuni makkuwaro, matanré ati mupo sibawa dé' mumaélo palaloi umma'-Ku lao.

ASSURENG 9:7

Nakkutananni arungngé aga pura kajajiyang, naricuritanna makkedaé olokolo'na tau Israélié dé' muwi sikaju iya maté. Iyakiya matedde atiwi arungngé sibawa dé' namaélo leppessangngi iyaro bangsaé lao.

AMSAL 16:18

Atempongngé nassabariwi ancurukeng; abangkakengngé nassabariwi aruttungeng.

AMSAL 16:5

Sininna tau matempoé nacéccé Puwangnge; dé' Naleppessangngi mennang leppe polé ri pahukkungengngé.

YESAYA 47:1

Makkedai Puwangnge, “Eh Babél, nonnono polé ri kadéra akkarungemmu, sibawa tudang ri tompo'na awué. Dé' mumapecci sibawa macenning pada-pada riyolo.

YEREMIA 13:18

Makkedai Puwangnge lao ri iyya, “Suroi arungngé sibawa indo'na arungngé nonno polé ri kadéra arajanna, passigera'na iya magelloé sempé'ni polé ri ulunna.

YEREMIA 19:15

makkedaé Puwang Iya Pommakuwasaé, Allataalana Israélié, makkeda makkuwaiyé, “Nasaba matedde atiko sibawa dé' mumaélo méngkalingai, Upapoléi matu ri yasé'na kotaéwé sibawa ri yasé'na iya manenna désaé ri seddéna, sininna abala iya puraé Urancana.”

YEREMIA 48:18

Eh pabbanuwana Dibon, nonnono polé ri onrommu iya malebbié; tudanno ri tanaé sibawa ri tompo'na awué. Nasaba iya solangiyéngngi Moab wanuwammu lettu'ni, nanaancuru'i matu sininna béntémmu.

YEHEZKIEL 30:6

Makkedai Puwang Iya Pommatanré, “Polé ri Migdol ri manorang lettu ri Aswan ri yattang, sininna siyempe'na Maséré matéi matu ri laleng ammusurengngé. Na tentara Maséré iya matempoéro ancuru'i matu tessiyomporeng. Iyya Puwang Iya Pommatanré pura mabbicara.

YEHEZKIEL 31:10

Rimakkuwannanaro, Iyya, Puwang Iya Pommatanré, paissengiko aga kajajiyang matu ri aju iya coppo'naé lettu ri ellungngéro. Saba' pédé matanréi, pédé matempo towi.

DANIEL 11:36

Arunna wanuwa manorang napogau'i matu siyélo atinna. Nasibawang atempong makkedai matu makkedaé lebbi battowai naiya muwi déwata niga, mala lebbi battowa towi naiya Allataala Iya Pommatanré. Naulléi matu pogau'i makkuwaéro narapi maccappa caina Allataala. Saba' aga iya puraé napattette Allataala harusu'i kajajiyang riyolo.

DANIEL 4:26

Napparéntangngi sining malaéka'é kuwammengngi na tona iyaro ajué rileppessangngi monro ri laleng tanaé. Bettuwanna iyaro makkedaé mancaji arungngi matu paimeng Puwakku purana nangakui Puwakku makkedaé Allataala makuwasaiwi sininna linoé.

DANIEL 4:28

Iya manennaro kajajiyangngi ri aléku, Arung Nébukadnézar.

DANIEL 4:37

Jaji makkekkuwangngé iyya, Nébukadnézar pojiwi, pakatanréi sibawa pakalebbii Arunna Surugaé. Sininna pangkauken-Na tongengngi sibawa adélé, Nanaulléi pakariyawai tau iya kédo matempoé.

DANIEL 8:8

Iyaro bémbé laié pédé maloppoi. Iyakiya wettunna lettu ri coppo akuwasanna, poloni tanru'na iya maloppoéro, nainappa ri onrongngéro tuwoi eppa tanru iya ciccaé, tungke'-tungke' majjello'i lao ri onrong iya silaingengngé.

LUKAS 18:14

Nakkeda Yésus, “Ateppe'no, wettunna lisu ri bolaé, iyaro passinge' simaé ritarimai ri Allataala na tenniya iyaro tau Farisié. Saba' tungke' tau iya pakatanréngngi aléna ripakariyawai matu; natungke tau iya pakariyawaéngngi aléna ripakatanréi matu.”

IBRANI 3:13

Jaji, kuwammengngi nadé' muwi séddi tau polé ri yelle'mu iya ribengnguwangngé ri dosaé angkanna naéwai Allataala, sitinajako sipangajari esso-esso ri wettu tuwota mupa ri laleng wettu iya riteppué “Essoéwé” ri laleng Kitta'é.

1 SAMUEL 6:6

Aga gunana matedde atiko pada-pada arungngé sibawa tau Maséré'é riyolo? Aja' muwallupai pékkugi Allataala macculé-culéiwi mennang, angkanna mennang toba nanaleppengngi iyaro tau Israélié salaiwi Maséré.