DANIEL 5:12 - KITTA KAREBA MADECENG

¹² Dé' padanna amaccanna sibawa apanrénna enrengngé maccai ri laleng pakatajangngi nippié, timpa'i rahasiyaé enrengngé pacceppiwi parakara-parakara iya masukkara'é. Asenna Daniél, iyakiya arungngé masengngi Béltsazar. Obbini. Nappaissengengngi matu lao ri Puwakku aga bettuwanna okiéwé.”

DANIEL 5:12 ပူးပေါင်းရင်းမြစ်များ

MAZMUR 16:3

Upakalebbii sining tau mapaccingngé ri wanuwaéwé; asennangekku iyanaritu monro silaong mennang.

AMSAL 12:26

Tau makessingngé maupe'i naiya balibolana; tau majaé pusai nasaba jana.

AMSAL 17:27

Tau iya matarengngé pikkiranna, dé' namaéga bicara. Tau iya mapanré, tuli tennangngi.

YEHEZKIEL 28:3

Muwasengngi lebbi maccako naiya Danél, angkanna dé'gaga rahasiya iya tassubbué ri alému.

DANIEL 1:17

Allataala mabbéréyangngi lao ri iya eppa kalloloéro amaccang sibawa apanréng ri laleng kitta'é sibawa pangissengengngé. Ri lainnaéro lao ri Daniél riwéréng towi amaccang untu' pakatajangngi pakkitangngé sibawa nippié.

DANIEL 1:7

Kapala ruma tanggana saorajaé sulléiwi aseng-ngasenna mennang mancaji: Béltsazar, Sadrakh, Mésakh sibawa Abédnégo.

DANIEL 2:26

Namakkedana arungngé lao ri Daniél iya riyasengngétto Béltsazar, “Mulléga paissengika nippikku sibawa bettuwannato?”

DANIEL 4:19

Naéngkalinganaro, Daniél iya riyasengngétto Béltsazar, tassélenni sibawa bengnga untu' siyagangngaré ittana. Na iyya, Arung Nébukadnézar makkeda lao ri aléna, “Béltsazar, aja' mubata-bata nasaba iyaro nippié sibawa bettuwanna.” Nappébali Béltsazar, “Puwakku, temmaka kessinna ébara'na kajajiyang-kajajiyang iya nabotoé nippiéro nakennai sining balinna Puwakku na tenniya Puwakku.

DANIEL 4:8

Angkanna poléni Daniél iya riyasengngétto Béltsazar pada-pada asenna déwataku. Ripennoini Daniél ri rohna déwata-déwata iya mapaccingngé. Ucuritang towi aléna nippikku, adakku,

DANIEL 5:14

Uwéngkalingai makkedaé ripennoiko ri roh-rohna déwata iya mapaccingngé, sibawa mappunnaiko amaccang, pappéjeppu, sibawa pangissengeng iya dé'é padanna.

DANIEL 5:16

Silalona uwéngkalinga makkedaé mulléi timpa'i sininna rahasiyaé sibawa pacceppiwi parakara-parakara iya masukkara'é. Rékko muwulléi bacai iyaé okié sibawa paissengika bettuwanna, uwérékko matu pakéyang akkarungeng maddupa jumba collipao sibawa ranté ulaweng tanrang alebbireng. Ri lainnaéro uwakkako matu mancaji panguwasa matellué ri laleng akkarungekku.”

DANIEL 6:3

Daniél sibawa duwa tau laing naakkai untu' jennangiwi sining gubernur-éro kuwammengngi aja' nariparogi arungngé.

DANIEL 6:4

Masitta'ni manessa makkedaé jama-jamanna Daniél lebbi makessingngi naiya jama-jamanna sining gubernur nenniya sining jennang laingngé. Rimakkuwannanaro, macinnai arungngé makkai mancaji panguwasana sininna akkarungengngé.

KOLOSE 1:29

Untu' lettu ri gau'éro majjama laddé'ka. Uwakkulléyangngi sibawa sininna awatangekku iya nabbéréyangngé Kristus lao ri iyya iya majjamaé ri laleng aléku sibawa penno akuwasang.